योहान्‍ना 15:11 - ॱलोवा

¹¹ ङी घाटो खेक्‍याई सेम नाङ ॱनेये धाङ खेक्‍याई घाटो खाङयेला, ङी खेक्‍याला दे लाबक्‍या स्‍येबी।

योहान्‍ना 15:11 Iomraidhean Croise

लुका 15:23

धेनी ओत्‍तो ग्‍यायोकगो खेरती होरी सो़क, धेनी होराङ होदे शेरी कीपो ताङु।

लुका 15:32

हीना कीपो तारी ङ्यामो घा घोये हो़तालाक घीझ्‍येरी ॱनाना ख्‍यी़ नो, दे स्‍यीवालाक याङ सो़न्‍दी होजुङ। तोरपालाक धेनी ॱङेजुङ।’”

लुका 15:5

धेनी होदेगो ॱङेदी, स्‍याम्‍ला खो ङ्यामो घेरी होदेला खोरी ठाक्‍पा खाला खुरकीलाक।

लुका 15:9

होदे ॱङेना मी़ मोरी आदाक्‍या धाङ खीम्‍चेक्‍याला भो़री ॱनागीलाक, ‘ङीमुला घाटो झ्‍यी घीझ्‍येरी ॱनाना ङी टाङगा तोरतागो ङाला ॱङेजुङ।’

योहान्‍ना 16:24

धान्‍दा थुक्‍पे, खीकी ङी मीङगी थोक्‍ने माश्‍यी़ हो़तालाक। धा खीकी घाटो खाङयेगी क्षीला, श्‍यी़ धेनी खेक्‍याला थोप्‍कीलाक।

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

योहान्‍ना 17:13

“धान्‍दा ङा खेराङगी डुङदु हुङाहीन। ङी घाटो खुङक्‍याई नाङला खाङयेला, ङा जीक्‍तेनदु हो़ती घाङला ङारी स्‍येवी।

योहान्‍ना 3:29

ॱनामा नी माक्‍पागी हीन। धेनी माक्‍पामुला लाङगीन धाङ खोला ङेन्‍गीन रोवागो माक्‍पागी़ केक घोरती, ॱमीच्‍यीकी ङ्यामो घालालाक। होझ्‍येरी धा ङी घाटो दे डुप्‍सुङ।

रोमापा 15:13

धा धाम्‍पे थुक्‍ङीगी नी़थुने खेक्‍याई रेवा मेछो़ली फेयेगी क्षीदु, रेवागी को़न्‍क्षोकगी खेक्‍याला धेपागी थोक्‍ने, घाटो धाङ श्‍यीदे हो़लेगी खाङवास्‍योक।

२ कोरीन्‍थुपा 1:24

खीकी धेपे खाला हीकी वाङ झ्‍यीयेगी दो़पा मेक हीना खेक्‍याई घाटोगी क्षीदु हेक्‍या, खीकीमुला लेगा झ्‍यीदालाक। घीझ्‍येरी ॱनाना खेक्‍या खेरी धेपाला तेन्‍पो दुक।

एफीसुपा 5:18

धेनी मीछे ठोप्‍ला ताङगीन, घुन्‍क्षाङगी शीरी माग्‍युक हीना धाम्‍पे थुक्‍ङीगी खारी,

फीलीप्‍पीपा 1:25

दे लाबला ङा तेन्‍दा झ्‍युरी ॱनाहीन। ङा सो़न्‍पो धेगुलाक धेनी खेक्‍या धेपागी नाङ यारके डोये धाङ घाटो झ्‍युङयेगी क्षीदु, ङा खेक्‍या घीरीमुला च्‍योई धेगुलाक ॱनेरी ङाला स्‍येयेहो़क।

१ थेसालोनीकेपा 5:16

च्‍योई ङ्यामो घा झ्‍यी,

१ पेटो 1:8

खेक्‍याई खोङबाला ज्‍या माङ्युङ हो़ना, खोङला चेवा झ्‍यीदालाक। धेनी धान्‍दा खेक्‍याई खोङबाला मेज्‍यानाः, खेक्‍या खोङबाला धेपा झ्‍यीदालाक धेनी खेक्‍या स्‍ये ॱमीथुक्‍कीन धाङ शीजेगी खाङखा घाटो क्षे झ्‍यीदालाक।

१ योहान्‍ना 1:4

हीकी घाटोगो खाङयेगी क्षीदु हेक्‍या दे ढीयाहीन।

२ योहान्‍ना 1:12

ङा खेक्‍याला ढीक्‍ये माङा हो़क हीना ङा स्‍यु धाङ ॱनाक्‍चागी, होदेक्‍या ढीक्‍ङी मेदो़दा। हीना होरी घाटो खाङये क्षीला, ङा खेक्‍याला थुक्‍ती खीकी ङोदोङ तेरी, लाब ताङयेगी रेवा हो़क।