योहान्‍ना 15:10 - ॱलोवा

¹⁰ ङी यापगी काक्‍या ॱरुरी, खोङबागी झाम्‍पा नाङदु ॱनेगीन च्‍योक्‍रे, खेक्‍यागीया ङी काक्‍या ॱरुङना, खेक्‍या ङी झ्‍याम्‍पे नाङदु ॱनेगीलाक।

योहान्‍ना 15:10 Iomraidhean Croise

योहान्‍ना 10:18

सी़या ङी ॱरोक ङाने लेन ॱमीथुक्‍कीलाक। ङाराङगी राङवाङ थोक्‍ने, दी ॱलो़ ताङाहीन। ङाला राङसोक ॱलो़ ताङयेगी वाङ हो़तालाक। धेनी ॱरोक ॱलाङयेगी वाङ हो़तालाक। ङाला का दे, ङी यापने थोप्‍पालाक।”

योहान्‍ना 12:49

घीझ्‍येरी ॱनाना ङी ङाराङगी थोक्‍ने स्‍येदामेन हीना ङाला ॱङाक्‍कीन यापगीराङ, ङी घी ॱनाघो़गीन धाङ स्‍येघो़गीनगी़ का ङाला ॱनाङ हो़तालाक।

योहान्‍ना 14:15

“खेक्‍याई ङाला चेवा झ्‍यीना, ङी काठीमक्‍या ॱरुङगीलाक।

योहान्‍ना 14:21

ङी काठीमक्‍या खेलेन्‍दी ॱरुङगीनक्‍याई ङाला झाम्‍पा झ्‍यीदालाक। धेनी ङाला झाम्‍पा झ्‍यीगीनक्‍याला, ङी यापगी झाम्‍पा जेगीलाक। ङी खोला झाम्‍पा झ्‍यीयेहीन धेनी राङला खोचारु ॱङो़न्‍येहीन।”

योहान्‍ना 14:23

येशुगी खोला कालेन सुवालाक, “ङाला झाम्‍पा झ्‍यीगीनगी ङी का ॱरुङगीलाक धेनी ङी यापगी खोला झाम्‍पा जेगीलाक। धेनी ङा धाङ ङी याप खोचारु फेप्‍ती खी़मुला ॱनेयेहीन।

योहान्‍ना 14:31

हीना ङा यापला चेवा झ्‍यीदाहीन ॱनेरी, जीक्‍तेनगी ॱहाघोरयेगी क्षीला, ङा यापगी का ॱनाङगीन च्‍योक्‍रे झ्‍यीदाहीन। धा लोङ, होराङ देने ॱहाला डोउ।”

योहान्‍ना 17:4

खेराङगी ङाला ॱङाक्‍कीन लेगागो ङी डुप्‍ती, ङी जीक्‍तेनदु खेराङगी शीजे ॱङो़न्‍दु च्‍युकहो़क।

योहान्‍ना 4:34

येशुगी खुङक्‍याला सुवालाक, “ङाला ॱङाक्‍कीनगी थुकोङगो झ्‍यीये धाङ खोङबागी क्षाक्‍ले डुप्‍ये देराङ ङी शामा लाक।

योहान्‍ना 8:29

धेनी ङाला ॱङाक्‍कीनगो ङीमुला हो़क। धेनी ङी च्‍योई खोङबाला थुक्‍ङेउ लेगा झ्‍येजा झ्‍येरी, खोङगी ङा च्‍यीका लेरु ॱमाच्‍युक।”

योहान्‍ना 8:55

खेक्‍याई खोङबाला ङो ॱमेस्‍येलालाक हीना ङी खोङबाला ङो स्‍येलीहो़क। ङी खोङबाला ङो मेस्‍येहो़क ॱनाना ङा खेक्‍या च्‍योक्‍रे शोक्‍पो झ्‍युङगीलाक। हीना ङी खोङबाला ङोस्‍येलीहो़क धेनी खोङबागी का ॱरुङीहो़क।

१ कोरीन्‍थुपा 7:19

पाउ चेदी ताक ग्‍याप्‍ना घीया मालाक धेनी पाउ चेगीन ताक मेग्‍याप्‍नाः घीया मालाक। को़न्‍क्षोकगी का ॱरुङयेगो चाक्षे लाक।

१ थेसालोनीकेपा 4:1

पी़न्‍दाक्‍याओ, को़न्‍क्षोकला थुक्‍ङेउ मीछे पी़येला, हीकी खेक्‍याला ॱलापच्‍या ग्‍याप्‍पी धेनी खेक्‍या होदे च्‍योक्‍रे मीछे क्‍याली। धा देला ल्‍हाक झ्‍यीरोझ्‍यी ॱनेरी, चोवो येशुगी स्‍योकने हेक्‍या खेक्‍याला श्‍योवा पुलीहो़क।

ईब्‍रीपा 7:26

धेनी धाम्‍पा धाङ क्‍यो़न मेगीन धाङ चाङमा धाङ धीक्‍चेनक्‍याने, खा ढाडा धाङ नाम्‍खे श्‍यीङखामने थोवा जेजा चो क्षो़पो़न च्‍यीक, होराङला हुङ घो़ये हो़तालाक।

२ पेटो 2:21

घीझ्‍येरी ॱनाना ढाङतेनगी लाम स्‍येरी, खुङक्‍याला ॱनाङना धाम्‍पे काक्‍याला ग्‍याप लोक्‍वालेः होदे लामगो नामा ॱमास्‍ये हो़ना, खुङक्‍याई क्षीदु घा झ्‍युङयेहो़क।

१ योहान्‍ना 2:3

धेनी को़न्‍क्षोकगी काठीमक्‍या होरी ॱरुङना, होरी खोङबाला ङो स्‍येलालाक ॱनेरी ॱहाघोवालाक।

१ योहान्‍ना 2:5

हीना खोङबागी का ॱरुङगीनगी़ नाङ, को़न्‍क्षोकगी झाम्‍पा ॱङोन्‍नेगी फी़न्‍सुम छोक्‍पा हुङालाक। देनेराङ होराङ खोङगी नाङ ॱने हो़गीनगो, होरी ॱहाघोरालाक।

१ योहान्‍ना 2:6

खोङबागी नाङ ॱने हो़गीनगी़, येशुगी चो़लाम च्‍योक्‍रे चो़लाम झ्‍यीघो़।

१ योहान्‍ना 5:3

को़न्‍क्षोकगी काठीम ॱरुङना राङ, खोङला चेवा झ्‍यीये लाक। धेनी खोङगी काठीमक्‍या काल्‍ले घाक्‍वा मेतालाक।

ॱङो़न्‍पा 22:14

छेसोकगी दोङबोगी आङजा थोप्‍ये धाङ ग्‍याजागी गेघोक्‍या नाङने जु थुक्‍येगी क्षीदु, राङगी घो़ ठुगीनक्‍या झ्‍यीलाप क्षे लाक।