योहान्‍ना 15:1 - ॱलोवा

¹ “ङा नी घुन्‍डुम स्‍यीङदोङ धेन्‍पागो हीन धेनी ङी याप नी घुन्‍डुम दुम्‍रा क्‍योङगीनगो हीन।

योहान्‍ना 15:1 Iomraidhean Croise

मेथा 15:13

खोङबागी कालेन ॱनावालाक, “नाम्‍खे श्‍यीङखामदु श्‍युक्‍कीन, ङी यापगी ॱमाचुक्‍चा चीस्‍यीङ घीरी चावाने कोक्‍कीलाक।

मेथा 20:1

“नाम्‍खे ग्‍यासी दे ॱङारोक ॱङात्‍ती सोरी, राङगी घुन्‍डुमगी दुम्‍रागी क्षीला मीलाक चारु डुगीन, खीमगी दाक्‍पो च्‍योक्‍रे लाक।

मेथा 21:33

येशुगी याङ सुवालाक, “पे श्‍येम्‍मा च्‍यीक ङेन। नाङगी दाक्‍पो च्‍यीकगी घुन्‍डुम दुम्‍रा च्‍यीक ताप्‍ती, छोक श्‍यीला बार कोरपालाक। धेनी घुन्‍क्षाङ चीरछे शो़री, थोक्‍खाङ च्‍यीक शो़वालाक धेनी होदे दुम्‍रा बोक्‍माला तारी, खोराङ यु श्‍येम्‍मा च्‍यीकला सोवालाक।

मारकु 12:1

येशुगी खुङक्‍याला पेगी थोक्‍ने सुवालाक, “मी च्‍यीकगी दुम्‍रा नाङदु घुन्‍डुम ताप्‍ती, होदेगी थाकोरला चीक्‍पा चीक्‍पालाक। धेनी घुन्‍डुम चीरयेला, सादोङ ढी़वालाक। धेनी चोक्‍खार च्‍यीक शो़री श्‍यीङबाक्‍याला, होदे दुम्‍रागो बोक्‍माला तेरपालाक धेनी खो यु श्‍येम्‍मा च्‍यीकला सोवालाक।

लुका 13:6

होदे स्‍याम्‍ने येशुगी पे दे सुवालाक, “मी च्‍यीकगी खोरी घुन्‍डुमगी दुम्‍रारु, सेयापगी दोङबो च्‍यीक चुक हो़तालाक। होदे दोङबोला ढेबु के हो़टु ॱनेरी, होदे मी तारु होवालाक हीना च्‍यीया माजोरपालाक।

योहान्‍ना 1:17

घीझ्‍येरी ॱनाना काठीमगो मोशेगी थोक्‍ने ॱनावालाक हीना थुक्‍जे धाङ धेन्‍पागो, येशु मास्‍यीका थोक्‍ने झ्‍युवालाक।

योहान्‍ना 1:9

मी घीरीला हो़ ॱनाङगीन, धेन्‍पे हो़गो जीक्‍तेनदु फेई हो़तालाक।

योहान्‍ना 15:2

ङी नाङ हो़गीन याक्‍का घीरीने ढेबु ॱमेक्षाक्‍कीन याक्‍काक्‍या, खोङबागी च्‍ये जेदालाक धेनी ढेबु क्षाक्‍कीन याक्‍का घीरी देले ल्‍हाक ढेबु क्षाक्‍येला, खोङबागी होदे घीरी ढेक्‍चो़ जेदालाक।

योहान्‍ना 6:32

येशुगी खुङक्‍याला सुवालाक, “ङा खेक्‍याला धेन्‍पा धेनक्‍याङ ॱनाहीन, नाम्‍खे श्‍यीङखामने ग्‍याङगा ॱनाङगीनगो मोशे मालाक हीना खेक्‍याला नाम्‍खे श्‍यीङखामने धेन्‍पे ग्‍याङगा ॱनाङगीनगो, ङी याप लाक।

योहान्‍ना 6:55

घीझ्‍येरी ॱनाना शामा ॱङोन्‍नेगो, ङी ली़गी स्‍या धाङ थुङये ॱङोन्‍नेगो ङी ठाक लाक।

रोमापा 11:17

धा क्‍युरुस्‍यीङ शाङागी याक्‍का रीङगा चेदी, रीगागी क्‍युरुस्‍यीङ दोङबोगी याक्‍काक्‍या होदे दोङबो शाङागोला थी़दी श्‍याक्‍ना, होदेक्‍याला होदे दोङबो शाङागी चावाने ची़ शाङागो थोबालाक।

१ कोरीन्‍थुपा 3:9

घीझ्‍येरी ॱनाना हेक्‍या नी, को़न्‍क्षोकगी लेरोकक्‍या हीन धेनी खेक्‍यागो को़न्‍क्षोकगी श्‍यीङ धाङ श्‍युक्‍खाङ लाक।

१ योहान्‍ना 2:8

घीहीन्‍ना, ङी खेक्‍याला काठीम साबा च्‍यीक ढी हो़क। दे नी, येशु धाङ खेक्‍या नाङ धेन्‍पा दुक घीझ्‍येरी ॱनाना मी़नाकगो ढुवी धेनी धेन्‍पे हो़गो स्‍यारसादुक।