योहान्‍ना 14:9 - ॱलोवा

⁹ येशुगी खोला सुवालाक, “फीलीप, ङा हुरे रीङा खीकीमुला धेतीया, ख्‍यी़ ङाला ङोमेस्‍येलाले? ङा थोङगीनगी़ यापलाः ज्‍या हो़तालाक। ‘हेक्‍याला याप ॱङो़न्‍दा जे।’ ॱनेरी खेक्‍या घाङगी झ्‍येरी ॱनाथुक्‍वाले?

योहान्‍ना 14:9 Iomraidhean Croise

मारकु 9:19

धेनी येशुगी खुङक्‍याला सुवालाक, “धेपा मेगीन मीरापक्‍याओ, ङा खेक्‍यामुला नाम थुक्‍पे धेये? खेक्‍याला नाम थुक्‍पे शो़पा झ्‍यीये? भीजा दे ङीचारु ठीक्‍ती स्‍योक।”

लुका 12:56

खे शोक्‍पोक्‍याओ, खेक्‍या ॱनाम धाङ साला तेरी ॱनामस्‍यी घारे हुङगीलाक ॱनेरी ॱना थुक्‍ना, धान्‍दागी धी़गी ताकक्‍या खेक्‍या घीझ्‍येरी ॱहामेघोराले?

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 10:30

ङा धाङ याप नी च्‍यीक हीन।”

योहान्‍ना 12:45

धेनी ङाला थोङगीनगी ङाला ॱङाक्‍कीन खोङबाला ज्‍यागीलाक।

योहान्‍ना 14:20

होदे ङीमागोला, ङा याप नाङ हो़गीन धाङ खेक्‍या ङी नाङ हो़गीन धेनी ङा खेक्‍याई नाङ हो़गीनगो खेक्‍याई स्‍येगीलाक।

योहान्‍ना 14:7

खेक्‍याई ङाला ङोस्‍ये हो़ना, ङी यापलाः ङो स्‍येयेहो़क। धा देने ॱहाला, खेक्‍याई खोङबाला ङो स्‍येलालाक धेनी खोङला ज्‍या हो़तालाक।”

योहान्‍ना 8:19

धेनी खुङक्‍याई खोङबाला “ख्‍यी़ याप घारु हो़ताले?” ॱनेरी ढीवालाक। येशुगी सुङा जेपालाक, “खेक्‍याई ङाला ङो ॱमेस्‍ये धेनी ङी यापला ङो ॱमेस्‍येलालाक। खेक्‍याई ङाला ङोस्‍ये हो़ना, ङी यापलाः ङो स्‍येयेहो़क।”

१ कोरीन्‍थुपा 15:12

धा मास्‍यीका छीवाने कुसो़न्‍पो श्‍याङवालाक ॱनेरी सेटाक झ्‍येहो़ना, खेक्‍याने रीङगागी छीवाने सो़न्‍पो मेलाङालाक ॱनेरी, घाङगी झ्‍येरी ॱनाथुक्‍वाले?

फीलीप्‍पीपा 2:6

खोङ को़न्‍क्षोकगी स्‍यीकाला झ्‍येरीयाः, को़न्‍क्षोक ढाडा चीयेगी लाबला शीम्‍दी माश्‍युक।

कोलोसेपा 1:15

मास्‍यीका नी, ॱमीकगी थोङ ॱमीथुप्‍कीन को़न्‍क्षोकगी कुयीप लाक धेनी को़पा घीरीने, एन्‍ला खोङ ठुवालाक।

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।