योहान्‍ना 14:7 - ॱलोवा

⁷ खेक्‍याई ङाला ङोस्‍ये हो़ना, ङी यापलाः ङो स्‍येयेहो़क। धा देने ॱहाला, खेक्‍याई खोङबाला ङो स्‍येलालाक धेनी खोङला ज्‍या हो़तालाक।”

योहान्‍ना 14:7 Iomraidhean Croise

मेथा 11:27

“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्‍येलालाक धेनी से धाङ सेगी यापला तो़न्‍ये दो़पा हो़गीन मीक्‍याई माना, खोङला सी़या ङो ॱमेस्‍येलालाक।

लुका 10:22

“ङी यापगी ङाला घीरी ॱनाङा जे हो़तालाक। यापगी माना सेला सी़या ॱमेस्‍येलालाक। याङ से धाङ सेगी तो़न्‍ये दो़पा जेगीन मीक्‍या माना, याप सु हीन्‍गीनगो सुला स्‍येये मेतालाक।”

योहान्‍ना 1:18

सी़ च्‍यीया को़न्‍क्षोकला नामा माज्‍या हो़तालाक। यापगी मुला श्‍युक्‍कीन से च्‍यीक्‍पो, खोङराङ को़न्‍क्षोक हीन्‍गीनगी़ यापला ङो टेवालाक।

योहान्‍ना 15:24

सी़या माझ्‍येगीन झ्‍यावागो ङी खुङक्‍याई घुङदु माझ्‍ये हो़ना, खुङक्‍याला धीक्‍पागी क्‍यो़न मेक। हीना धान्‍दा खुङक्‍याई ङी झ्‍येजा झ्‍यावा देक्‍या थोरीया, खुङक्‍याई ङा धाङ ङी यापला दाङा झ्‍येवालाक।

योहान्‍ना 16:3

खुङक्‍याई यापला ङो ॱमेस्‍ये धेनी ङालाः ङो ॱमेस्‍येगीन झ्‍येरी, देरे लेगाक्‍या झ्‍यीगीलाक।

योहान्‍ना 17:21

खुङक्‍या घीरी च्‍यीक झ्‍युङयेगी क्षीला ङा सोवा ग्‍यावाहीन। के याप, खेराङ ङी नाङ श्‍युक्‍कीन धाङ ङा खेराङ नाङ हो़गीन च्‍योक्‍रे, खुङक्‍याः होराङ ॱङीउ नाङ च्‍यीक झ्‍युङास्‍योक। धेनी खेराङगी ङाला ॱङाक्‍पालाक ॱनेरी जीक्‍तेनगी धेपा झ्‍यीदास्‍योक।

योहान्‍ना 17:23

खुङक्‍या ॱङोन्‍ने सेम च्‍यीकला ग्‍युरयेगी क्षीदु, ङा खुङक्‍या नाङ धाङ खेराङ ङी नाङ ॱनेहो़क। धेनी खेराङगी ङाला ॱङाक्‍पा धाङ खेराङगी ङाला झाम्‍पा जेगीन च्‍योक्‍रे, खुङक्‍याला झाम्‍पा जेपालाक ॱनेरी जीक्‍तेनगी ॱहाघोरकीलाक।

योहान्‍ना 17:26

खेराङगी ङाला जेगीन चेवा दे, खुङक्‍याई नाङ ॱनेये धाङ ङा खुङक्‍या नाङ ॱनेयेगी क्षीदु, ङी खेराङगी छेन खुङक्‍याला ॱङो़न्‍दु च्‍युकहो़क धेनी देरे झ्‍येरी च्‍योई ॱङो़न्‍दु च्‍युक्‍येहीन।”

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

योहान्‍ना 17:6

“खेराङगी जीक्‍तेन नाङने ङाला ॱनाङना मीक्‍याला, ङी खेकी छेन ॱङो़न्‍दु च्‍युकहो़क। खुङक्‍या खेराङगी हीन धेनी खेराङगी खुङक्‍या ङाला ॱनाङा जेजुङ। धेनी खुङक्‍याई खेराङगी का ॱरुङदुक।

योहान्‍ना 17:8

घीझ्‍येरी ॱनाना खेराङगी ङाला ॱनाङना काक्‍या, ङी खुङक्‍याला तेरपाहीन धेनी खुङक्‍याई होदे खेलेन्‍दी, ङा नी खेराङने झ्‍युङगीनगो खुङक्‍याई ॱङोन्‍ने स्‍येदुक। धेनी ङा नी खेराङगी ॱङाक्‍पालाक ॱनेरी खुङक्‍याई धेपा झ्‍येदुक।

योहान्‍ना 6:46

को़न्‍क्षोकने झ्‍युङगीन खोङबा च्‍यीगागी यापला ज्‍या हो़तालाक धेनी श्‍येम्‍मा सी़या यापला माज्‍या हो़तालाक।

योहान्‍ना 8:19

धेनी खुङक्‍याई खोङबाला “ख्‍यी़ याप घारु हो़ताले?” ॱनेरी ढीवालाक। येशुगी सुङा जेपालाक, “खेक्‍याई ङाला ङो ॱमेस्‍ये धेनी ङी यापला ङो ॱमेस्‍येलालाक। खेक्‍याई ङाला ङोस्‍ये हो़ना, ङी यापलाः ङो स्‍येयेहो़क।”

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

१ योहान्‍ना 2:13

आकीक्‍याओ, ङा खेक्‍याला ढीयाहीन, घीझ्‍येरी ॱनाना खेक्‍याई थोक्‍माने श्‍युक हो़गीनगोला ङो स्‍येलालाक। ख्‍योक्‍तोङक्‍याओ, ङा खेक्‍याला ढीयाहीन, घीझ्‍येरी ॱनाना धी़गी खाला खीकी ग्‍या हो़तालाक।