योहान्‍ना 14:6 - ॱलोवा

⁶ येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 14:6 Iomraidhean Croise

मेथा 11:27

“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्‍येलालाक धेनी से धाङ सेगी यापला तो़न्‍ये दो़पा हो़गीन मीक्‍याई माना, खोङला सी़या ङो ॱमेस्‍येलालाक।

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 1:17

घीझ्‍येरी ॱनाना काठीमगो मोशेगी थोक्‍ने ॱनावालाक हीना थुक्‍जे धाङ धेन्‍पागो, येशु मास्‍यीका थोक्‍ने झ्‍युवालाक।

योहान्‍ना 1:4

कागी नाङ छे हो़तालाक धेनी छे दे मीगी हो़गो हीन।

योहान्‍ना 10:28

ङा देक्‍याला थामेपे छेसोक तेरयेहीन धेनी देक्‍या नामा मेताला डोगीमालाक। सी़या देक्‍याला ङी लाकने ठोक ॱमीथुक्‍कीलाक।

योहान्‍ना 10:7

होझ्‍येरी येशुगी खुङक्‍याला धाब्‍ले सुङा जेपालाक, “ङा खेक्‍याला धेन्‍पा धेनक्‍याङ ॱनाहीन, लुक्‍रागी घो नी ङा हीन।

योहान्‍ना 10:9

ङा नी घोगो हीन। ङा थोक्‍ने जुगीनगो क्‍योप्‍कीलाक धेनी नाङला हुङ, फीला डो झ्‍येरी चापाङ ॱङेगीलाक।

योहान्‍ना 14:19

धा धी़ तीते च्‍यीकने जीक्‍तेनगी ङाला ॱमेथोङगीलाक हीना खेक्‍याई ङाला थोङगीलाक। ङा सो़न्‍पो झ्‍येरी, खेक्‍याः सो़न्‍पो ॱनेगीलाक।

योहान्‍ना 15:1

“ङा नी घुन्‍डुम स्‍यीङदोङ धेन्‍पागो हीन धेनी ङी याप नी घुन्‍डुम दुम्‍रा क्‍योङगीनगो हीन।

योहान्‍ना 18:37

पीलातुगी खोङबाला श्‍यी़वालाक, “धा हाना, ख्‍यो़ ग्‍यावु च्‍यीक ले?” येशुगी सुवालाक, “खेराङ राङगी ङा ग्‍यावु च्‍यीक लाक ॱनेरी सुजुङ। ङा धेन्‍पागी़ पाङपो झ्‍यीयेगी क्षीला केवालाक धेनी देगी क्षीलाराङ, ङा जीक्‍तेनदु होवाहीन। धेन्‍पागी हीन्‍गीनक्‍याई ङी काला ङेन्‍दालाक।”

योहान्‍ना 5:21

घीझ्‍येरी ॱनाना यापगी स्‍यीम्‍पोक्‍याला सो़न्‍पो जेदी छे ॱनाङगीन च्‍योक्‍रे, सेगीयाः राङगी ग्‍येवे मीक्‍याला छे ॱनाङगीलाक।

योहान्‍ना 6:33

घीझ्‍येरी ॱनाना को़न्‍क्षोकगी ग्‍याङगागो, नाम्‍खे श्‍यीङखामने भाप्‍ती जीक्‍तेनला मीछे ॱनाङगीन दे लाक।”

योहान्‍ना 6:51

ङा नी नाम्‍खे श्‍यीङखामने भाप्‍पा छेगी ग्‍याङगा हीन। धेनी ग्‍याङगा देने शागीनगो धी़ तेन्‍दु सो़न्‍पो ॱनेगीलाक। धेनी जीक्‍तेनगी छेगी क्षीला ङी तेरये झ्‍यीगीन ग्‍याङगागो, ङी ली़गी स्‍या हीन।”

योहान्‍ना 6:57

सो़न्‍पो यापगी ङाला ॱङाक्‍ती, ङा यापला तेन्‍दी सो़न्‍पो ॱनेलाहीन। दे च्‍योक्‍रे ङाला शागीनगोवा ङाला तेन्‍दी सो़न्‍पो ॱनेगीलाक।

योहान्‍ना 6:68

सीमोन पेटोगी खोङबाला श्‍यी़वालाक, “चोवो, खेराङला थामेपे छेसोकगी कागो हो़तालाक, हेक्‍या सी़ डुङदु डोये?

योहान्‍ना 8:32

धेनी धेन्‍पागो खीकी स्‍येगीलाक धेनी धेन्‍पागी खेक्‍याला राङवाङ जेगीलाक।”

योहान्‍ना 8:51

ङा खेक्‍याला धेन्‍पा धेनक्‍याङ ॱनाहीन, ङी का ॱरुङगीनगी नामाः छीवा मेङ्याङगीलाक।”

जेपा 3:15

छेसोक ॱनाङगीनगोला खेराङक्‍याई सेजुङ। हीना को़न्‍क्षोकगी खोङबाला छीवाने सो़न्‍पो श्‍याङ जेजुङ। दे लाबगी पाङपो हेक्‍या हीन।

जेपा 4:12

“श्‍येम्‍मा सुनेः थारपा ॱमेथोप्‍कीलाक घीझ्‍येरी ॱनाना होरी थारपागी क्षीला येशुगी छेन माना, को़न्‍क्षोकगी श्‍येम्‍मा मीङ नाम्‍खे श्‍यीङखाम होकदु ॱमानावालाक।”

रोमापा 15:16

याहुदापा मेन्‍गीनक्‍याई क्षीदु मास्‍यीका येशुगी श्‍याप्‍चीपा झ्‍युङयेलाक। धेनी धाम्‍पे थुक्‍ङीगी याहुदापा मेन्‍गीनक्‍याला धाम्‍पा जेदी, खुङक्‍या को़न्‍क्षोकला थुक्‍ङेउ हुङगीन क्षो़पा झ्‍युङयेगी क्षीला, को़न्‍क्षोकगी ताम्‍शाङ स्‍येयेगी क्षो़पो़न च्‍यीकगी लेगेनगो, ङाला ॱनाङ हो़तालाक।

रोमापा 5:2

येशुगी होराङला धेपागी थोक्‍ने, धान्‍दा होराङ ॱनेती धेता थुक्‍जेगी नाङ ठीक्‍ती होवालाक। धेनी को़न्‍क्षोकगी शीजे नाङ च्‍यारयेगी रेवा श्‍याक्‍ती, होराङ घाटो झ्‍यीदालाक।

रोमापा 5:21

होझ्‍येरी छीवागी थोक्‍ने, धीक्‍पागी वाङ झ्‍यीगीन च्‍योक्‍रे, ढाङतेनगी थोक्‍ने होरी चोवो येशु मास्‍यीकागी थोक्‍ने, थामेपे छेसोक ॱनाङयेला थुक्‍जेगीयाः वाङ झ्‍यीदालाक।

१ कोरीन्‍थुपा 15:45

होझ्‍येरी सुङरापला देरे ढीक हो़तालाक, “धाङपो मी आदामगो सो़न्‍पो झ्‍युवालाक।” धेनी थामागी आदामगो छे ॱनाङगीन थुक्‍ङी झ्‍युवालाक।

एफीसुपा 2:18

घीझ्‍येरी ॱनाना मास्‍यीकागी थोक्‍ने, होराङ ॱङीगारा धाम्‍पे थुक्‍ङी च्‍यीकगी गोने यापगी डुङदु डो थुप्‍कीन झ्‍युवालाक।

कोलोसेपा 2:17

देक्‍या नी हुङये हीन्‍गीन ॱनेछुगी ढीम्‍जाक च्‍यीका लाक हीना ङोतोकगो मास्‍यीका लाक।

कोलोसेपा 2:9

घीझ्‍येरी ॱनाना को़न्‍क्षोकगी फी़न्‍सुम छोक्‍पा घीरी, ली़ला मास्‍यीकागी नाङ ॱनेलालाक।

कोलोसेपा 3:4

धेनी खेक्‍याई छेसोक हीन्‍गीन मास्‍यीका ॱङो़न्‍दी घाङला, खेक्‍याः खोङबामुला शीजे नाङदु ॱङो़न्‍गीलाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

ईब्‍रीपा 9:8

दे घीरीगी थोक्‍ने खीम धाङपोगो हो़गीन थुक्‍पे, धाम्‍पे धाम्‍पा ॱनेसा नाङदु जुजा मेतालाक ॱनेरी, धाम्‍पे थुक्‍ङीगी तो़न जेदालाक।

१ पेटो 1:21

धेनी खेक्‍या खोङबागी गोनेराङ, को़न्‍क्षोकला धेपा केवालाक। को़न्‍क्षोकगी खोङला छीवाने सो़न्‍पो जेदी, खोङला शीजे जेपालाक। होझ्‍येरी खेक्‍या को़न्‍क्षोकला धेपा झ्‍येरी रेवा झ्‍यीदालाक।

१ पेटो 2:4

धेनी मीगी पाङपा हीना को़न्‍क्षोकगी ॱमीक्‍वादु खोङबा दाम्‍दा धाङ चाक्षे हीन्‍गीन, धो सो़न्‍पो हीन्‍गीन चोवोगी डुङदु खेक्‍या हुङी घाङला,

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।

१ योहान्‍ना 1:8

होरी धीक्‍पा माझ्‍येहो़क ॱनेरी ॱनाना, होराङक्‍या राङला गोकोर ताङालाक धेनी होरी नाङ धेन्‍पा मेयोङालाक।

१ योहान्‍ना 2:23

सेला खेमेलेन्‍गीन सुलाः याप मेतालाक। धेनी सेला खेलेन्‍गीनला यापगोवाः हो़तालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।

१ योहान्‍ना 5:6

खोङबाराङ क्षु धाङ ठाकगी गोने फेप्‍कीन, येशु मास्‍यीका लाक। खोङबा क्षुगी गोने च्‍यीगा मेन्‍दा, क्षु धाङ ठाक ॱङीगाराने फेप्‍पालाक। धेनी धेन्‍पा हीन्‍गीन धाम्‍पे थुक्‍ङीगी खोङला पाङपो जेदालाक।

२ योहान्‍ना 1:9

मास्‍यीकागी सुङगीन क्षो़ला ॱनेती मेधेता, देने थारी ग्‍युक्‍कीनक्‍यामुला को़न्‍क्षोक मीश्‍युक्‍वालाक। हीना दे क्षो़लाराङ ॱनेती धेगीनक्‍यामुला, याप धाङ से ॱङीगारा श्‍युक्‍वालाक।

ॱङो़न्‍पा 19:11

धेनी ङी नाम्‍खे श्‍यीङखाम भेगीनगो, थोजुङ धेनी होदुरु ता काउ च्‍यीक दुक। होदे ता खाला छीप्‍खेनगी़ छेनला ॱलोते छोक्‍पा धाङ धेन्‍पा दुक। ढाङतेनगी थोक्‍ने, खोङबागी ठीम्‍चो़ जेगीलाक धेनी ॱमाक टाप्‍कीलाक।

ॱङो़न्‍पा 20:15

धेनी छेसोकगी धेप नाङदु मीङ माढीक्‍टाक्‍या घीरी, होदे मेगी छो नाङदु ॱयुक्‍पालाक।

ॱङो़न्‍पा 22:1

धेनी नाम्‍खे भाङछेनगी ङाला दाङस्‍येल च्‍योक्‍रे, साला हो़गीन छेसोकगी क्षुगी चाङबुगो तो़न्‍दा जेजुङ। धेनी दे नी, को़न्‍क्षोक धाङ लुक्‍टुगी श्‍युक्‍ठीने झ्‍युरी,

ॱङो़न्‍पा 22:17

धाम्‍पे थुक्‍ङी धाङ भाक्‍मागी सुङालाक, “फेप स्‍योक।” धेनी घोरकीनक्‍याई देरे ॱनाघो़, “फेप स्‍योक।” कोम्‍गीनगो हुङास्‍योक धेनी दो़पा झ्‍यीगीनक्‍याई छेसोकगी क्षु स्‍यी़दी़ला थुङास्‍योक।

ॱङो़न्‍पा 3:14

“लाउदीकेयागी क्षो़छोकगी भाङछेनला देरे ढीक, “आमेन धाङ ॱलोते छोक्‍पा धाङ पाङपो धेन्‍पा धाङ को़न्‍क्षोकगी को़पागी पो़न्‍पोगी, दे काक्‍या सुङी।

ॱङो़न्‍पा 3:7

“फीलादेल्‍फीयागी क्षो़छोकगी भाङछेनला देरे ढीक, “धाम्‍पा धाङ धेन्‍पा धेनी दावीदगी दीमीक हो़गीन, खोङबागी दे काक्‍या सुङी। खोङबागी पेगीन घोगो सी़या ग्‍याप ॱमीथुक्‍कीलाक धेनी खोङबागी ग्‍याप्‍कीन घोगो, सी़या पे ॱमीथुक्‍कीलाक।