योहान्‍ना 14:26 - ॱलोवा

²⁶ हीना ङी मीङ थोक्‍ने यापगी ॱनाङगीन रोवा जेगीन धाम्‍पे थुक्‍ङीगी़, खेक्‍याला लाब घीरी ॱलाबा जेगीलाक। धेनी ङी खेक्‍याला स्‍येगीन घीरी ढो़न्‍सो ॱनाङगीलाक।

योहान्‍ना 14:26 Iomraidhean Croise

मेथा 1:18

येशु मास्‍यीका ठुङगीनगी कोर नी, देरे हो़तालाक। खोङबागी युम मीरीयाम योसेफमुला ॱलोङछाङ तासारती, खुङ ॱङीउ ॱमाछाम्‍गीन एन्‍लाराङ, धाम्‍पे थुक्‍ङीगी थोक्‍ने मीरीयामगी फोवाला टु क्षाक्‍कीनगो क्षा झ्‍युवालाक।

मेथा 1:20

हीना खो देरे साम्‍लो ताङी धेती घाङला, चोवो को़न्‍क्षोकगी भाङछेन च्‍यीक खी़ ॱमीक्‍लाम नाङला ज्‍यारी, देरे सुवालाक, “दावीद ग्‍युपागी योसेफ, मीरीयामला राङगी केमी शोयेला माजीक घीझ्‍येरी ॱनाना मी़ ली़ला ॱनेगीन दे, धाम्‍पे थुक्‍ङीगी थोक्‍ने लाक।

मेथा 28:19

होझ्‍येरी सोङ धेनी मीरीक घीरीला ङेने शो़, धेनी याप धाङ से धाङ धाम्‍पे थुक्‍ङीगी छेनने खुङक्‍याला ठी़सो़ तेर।

मेथा 3:11

“खेक्‍या धीक्‍पाने ग्‍युरास्‍योक ॱनेरी, ङा खेक्‍याला क्षुगी ठी़सो़ तेराहीन हीना ङी स्‍याम्‍ला फेप्‍गीनगो, ङाने वाङक्षे हो़तालाक। ङा खोङबागी श्‍याप्‍हाम खेरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने, ठी़सो़ ॱनाङगीलाक।

मारकु 12:36

दावीद खोराङगी धाम्‍पे थुक्‍ङीगी थोक्‍ने देरे ॱनेवालाक, ‘चोवो को़न्‍क्षोकगी ङी चोवोला सुजुङ, ख्‍यी़ डाक्‍याला ख्‍यी़ काङबा होकला, ङी माश्‍याक्‍कीन थुक्‍पे, ख्‍यो़ ङी क्षाक ये स्‍योकला धो़क।’”

मारकु 13:11

मीक्‍याई खेक्‍याला शीम्‍दी ठीम चेजारु ठीक्‍ती ठीम श्‍यी़ना, होदे घाङला घी ॱनाये ॱनेरी, एन्‍दुरु दुङा माझ्‍यी हीना होदे धी़चो़ला घी ॱनायेला तेरी, होदे ॱनो़ घीझ्‍येरी ॱनाना होदे ॱनागीनगो ख्‍यो़ मालाक हीना धाम्‍पे थुक्‍ङी लाक।

लुका 1:15

घीझ्‍येरी ॱनाना खो चोवो को़न्‍क्षोकगी कुम्‍दीनदु खाक्‍क्षे हुङगीलाक। धेनी खी़ घुन्‍क्षाङ याङना श्‍येम्‍मा क्षाङक्‍या थुङये मेतालाक धेनी खोरी आमागी फोवारु हो़ताराङ, खो धाम्‍पे थुक्‍ङीगी खाङगीलाक।

लुका 1:35

नाम्‍खे भाङछेनगी लेन ॱलोक्‍पालाक, “धाम्‍पे थुक्‍ङी ख्‍यी़ खाला भाप्‍कीलाक धेनी ॱलानामेपे को़न्‍क्षोकगी वाङगी, ख्‍यो़ला ढीम्‍जाकगी काप्‍कीन च्‍योक्‍रे काप्‍कीलाक। होझ्‍येरी से ठुङयेगो धाम्‍पा धाङ को़न्‍क्षोकगी से ॱनेरी भो़गीलाक।

लुका 1:41

धेनी मीरीयामगी केक घोरती, एलीसाबेतगी फोवा नाङगी टुगो घु-घु झ्‍येवालाक धेनी एलीसाबेत धाम्‍पे थुक्‍ङीगी खारी

लुका 1:67

टु आकी जेकारीयास धाम्‍पे थुक्‍ङीगी खारी ॱङो़नस्‍ये स्‍येपालाक,

लुका 11:13

धा खेक्‍या ङेन्‍पा झ्‍येरीयाः, खेरी टुवाक्‍याला ॱङेन्‍बा शाङा तेरा स्‍येना, धा नाम्‍खे श्‍यीङखामदु श्‍युक्‍कीन खीकी यापगी खोङबाला श्‍युगीनक्‍याला, घाजो़ माङा धाम्‍पे थुक्‍ङी ॱनाङी हेटु।”

लुका 2:25

धा सीमेयोन ॱनागीन मी ढाङपो धाङ को़न्‍क्षोकला चीगीन च्‍यीक येरुसालेमदु हो़तालाक। खो नी ईस्‍राएल्‍पाक्‍याला सेम्‍सो ॱनाङगीनगो फेप्‍ये धी़ला, घुक्‍ती धे हो़तालाक। धेनी धाम्‍पे थुक्‍ङी खी़मुला हो़तालाक।

लुका 24:49

तो़, ङा ङी यापगी धाम्‍चा जेजागो, खेक्‍याचारु झाङयेहीन हीना तो़ने वाङगो खेक्‍याई खाला माभाप्‍कीन थुक्‍पे, खेक्‍या दे ग्‍याजारु राङ धो़क।”

लुका 3:22

धेनी धाम्‍पे थुक्‍ङी फुक्‍रो़नगी स्‍यीकाला खोङबा खाला भाप्‍पालाक। धेनी नाम्‍खे श्‍यीङखामने देरे सुङकेक च्‍यीक सुवालाक, “ख्‍यो़ ङी चेवे से हीन। ख्‍यी़मुला ङा ॱमीच्‍यीकी ङ्यामो घा हो़क।”

योहान्‍ना 1:33

ङी ङाराङगी खोङला ङो ॱमास्‍ये हीना ङाला क्षुगी ठी़सो़ तेरयेला ॱङाक्‍कीनगी़ ङाला सुजुङ, ‘धाम्‍पे थुक्‍ङी सी़ खाला भाप्‍ती श्‍युक्‍कीनगो ख्‍यी़ ज्‍याली, खोङबाराङ धाम्‍पे थुक्‍ङीगी ठी़सो़ जेगीनगो हीन।’

योहान्‍ना 12:16

खोङबागी ङेनेक्‍याई दी दो़न एन्‍ला ॱहामाघोरपालाक हीना येशु शीजेला फायी घाङला, दी लाब दे खोङबागी कोरला ढीक्‍टा धाङ श्‍येनगी खोङबाला घी झ्‍येजागो ढेन सो़वालाक।

योहान्‍ना 14:16

धेनी ङा यापला श्‍यी़येहीन, धेनी खीकीमुला ग्‍युने ग्‍युन्‍दु ॱनेयेला, खोङबागी खेक्‍याला रोवा जेगीन श्‍येम्‍मा च्‍यीक ॱनाङगीलाक।

योहान्‍ना 14:25

“ङा खेक्‍यामुला हो़धी़राङ, ङी दे लाबक्‍या खेक्‍याला स्‍येदाहीन।

योहान्‍ना 15:26

“हीना यापगी डुङने फेप्‍कीन, धेन्‍पा थुक्‍ङी, रोवा जेगीनगो फेप्‍कीलाक। धेनी यापगी डुङने ङी ॱङाक्‍कीन देगी ङी पाङपो जेगीलाक।

योहान्‍ना 16:7

हीना ङी खेक्‍याला धेन्‍पागो स्‍येदाहीन, ङा डोनाराङ खेक्‍याला फेन्‍थोवा हो़तालाक घीझ्‍येरी ॱनाना ङा मेडोना, रोवा जेगीनगो खीकीचारु ॱमेफेप्‍कीलाक। हीना ङा डोना ङा खोङला खीकीचारु ताङयेहीन।

योहान्‍ना 2:22

धेनी खोङबा छीवाने सो़न्‍पो श्‍याङी घाङला, खोङबागी ङेनेक्‍याई खोङबागी सुङ दे ढेन्‍बालाक धेनी खुङक्‍याई सुङराप धाङ येशुगी सुङगीन काला धेपा झ्‍येवालाक।

योहान्‍ना 20:22

दे सुङसारती खोङबागी खुङक्‍याला फु ग्‍याप्‍ती सुवालाक, “धाम्‍पे थुक्‍ङी लेन च्‍यीक।

योहान्‍ना 6:45

‘खुङक्‍या घीरीला को़न्‍क्षोकगी ॱलावा जेगीलाक’ ॱनेरी, ॱङो़नस्‍येखेनक्‍याई ढीक हो़तालाक। यापगी का ङेन्‍गीन धाङ ज्‍याङगीन घीरी ङी डुङदु हुङालाक।

योहान्‍ना 7:39

हीना खोङला धेपा झ्‍यीगीनक्‍याला थोप्‍ये हीन्‍गीन, धाम्‍पे थुक्‍ङीगी कोरला येशुगी सुवालाक। घीहीनाः येशु शीजेला ॱमाफाक्‍पा झ्‍येरी, धाम्‍पे थुक्‍ङीगो धोराङा ॱमानाङ हो़तालाक।

जेपा 1:2

येशुगी नाम्‍खे श्‍यीङखाम फेप्‍ये एन्‍ला राङगी दाम्‍दावा कुछापक्‍याला, धाम्‍पे थुक्‍ङीगी स्‍युकने का ॱनावालाक।

जेपा 1:4

थेङमा च्‍यीक येशु होदेक्‍यामुला जोम्‍दी श्‍येलाक श्‍येयेला श्‍युक्‍यी घाङला, खोङबागी होदेक्‍याला देरे का ॱनावालाक, “खेक्‍या येरुसालेम माबोरा, ङी यापगी धाम्‍चा जेजागोला घुक्‍ती धो़क। होदे धाम्‍चागी क्षीला ङी खेक्‍याला एन्‍दुरु ॱनेवी,

जेपा 1:8

हीना धाम्‍पे थुक्‍ङी खेराङक्‍याई खाला फेप्‍ती, खेक्‍याला स्‍युक जोरकीलाक। होदे स्‍याम्‍ने, खेक्‍या येरुसालेम धाङ युदेया धाङ सामारीयागी साजा घीरीला धेनी जाम्‍बुलीङगी था थुक्‍पे, ङी पाङपो झ्‍युङगीलाक।”

जेपा 11:16

‘योहान्‍नागी क्षुगी ठी़सो़ ॱनावालाक हीना खेक्‍याला धाम्‍पे थुक्‍ङीगी ठी़सो़ जोरकीलाक।’ ॱनेरी चोवोगी सुङगीन कागो ङी ढेन्‍जुङ।

जेपा 13:2

खुङक्‍या ॱङ्युङनेला श्‍युक्‍ती चोवोला तो़पा पुरी धेदी घाङला, धाम्‍पे थुक्‍ङीगी होदेक्‍याला सुवालाक, “बारनाबा धाङ साउलला ङी खुङक्‍याला भो़पा लेगागी क्षीदु पेरी श्‍योक।”

जेपा 13:4

धाम्‍पे थुक्‍ङीगी झाजा बारनाबा धाङ साउल आन्‍तीयोक ग्‍याजाने सेलुकीया ग्‍याजारु सोवालाक। होदेने खुङक्‍या ग्‍याछोने ढु ग्‍याप्‍ती, साईपुरुसला सोवालाक।

जेपा 15:28

धा ची घोगीन लाब ॱनेछागोक्‍या माना, खेराङक्‍याला श्‍येम्‍मा ठीमक्‍याई खु खुरतु ॱमीच्‍युक्‍ये ॱनेरी, धाम्‍पे थुक्‍ङी धाङ हेक्‍याई धेन्‍पा साम्‍जुङ

जेपा 15:8

धेनी होराङ घीरीगी सेम नाङगी घीरी खेन जेगीन को़न्‍क्षोकगीराङ, याहुदापा मेन्‍गीन मीरीकक्‍याला होराङला च्‍योक्‍रे धाम्‍पे थुक्‍ङी ॱनाङदी, खुङक्‍यालाः दाम्‍बालाक ॱनेरी पाङपो तो़न जेपालाक।

जेपा 16:6

धाम्‍पे थुक्‍ङीगी पाउलु धाङ सीलवानु धाङ तीमोथेउला एशीया स्‍योकला, ताम्‍शाङ स्‍येरु डोयेला काक जेदी, खुङक्‍या फारुगीया धाङ गालातीया स्‍योकने झ्‍युरी सोवालाक।

जेपा 2:33

याप को़न्‍क्षोकगी येशुला थोस्‍योक को़री, खोरी क्षाक ये स्‍योकला श्‍याक जे हो़तालाक धेनी खोरी धाम्‍चा च्‍योक्‍रे, खोङबाला धाम्‍पे थुक्‍ङी ॱनावालाक। होदे धाम्‍पे थुक्‍ङी चोवो येशुगी धान्‍दा, होराङक्‍या खाला ॱनाङ जेपालाक। होदे लाबगो खेराङक्‍याई धान्‍दा ॱहाघोरये धाङ थोङी हो़तालाक।

जेपा 2:4

धेनी खुङक्‍या घीरी धाम्‍पे थुक्‍ङीगी खावालाक धेनी धाम्‍पे थुक्‍ङीगी केरीक श्‍येम्‍मा श्‍येम्‍माला लाब ताङयेला, खुङक्‍याला रोवा जेपालाक।

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

जेपा 20:35

देरे झ्‍येरी ‘लेन्‍गीनक्‍यानेः तेरकीनक्‍याला माङा झ्‍यीलाप हो़तालाक’ ॱनेरी, चोवो येशु खोङबा राङगी सुङसा लाब देला ढेन्‍सो़ झ्‍येरी, मी क्‍योवाक्‍याला काल्‍ले झ्‍येरी रोवा झ्‍यी थुप्‍कीनगो झ्‍यीघोये लाब, दे ङी लेगा घीरीला तो़न्‍हो़क।”

जेपा 28:25

खुङक्‍या खा ॱमाछाम्‍पा डोये झ्‍यीदी घाङला, पाउलुगी थामाला दे ॱनेवालाक, “यस्‍याया ॱङो़नस्‍येखेनने धाम्‍पे थुक्‍ङीगी, खेक्‍याई धाङबी फामाक्‍याला सुङगीन लाब दे धेन्‍पा दुक,

जेपा 5:3

धेनी पेटोगी ॱनेवालाक, “आनानीया, ख्‍यो़री सेम धी़कगी आङजाला तेरती, धाम्‍पे थुक्‍ङीमुला घीझ्‍येरी शोक स्‍येदा? सा चोचाने आले तीते च्‍यीक ख्‍यो़रीमुला घीझ्‍येरी बो़री श्‍याकआ?

जेपा 7:51

“खेक्‍याई सेम पाउ ॱमाचेचाक्‍याई, सेम च्‍योक्‍रे ॱरा दुक। धेनी खेक्‍या को़न्‍क्षोकगी का ङेन्‍ङी मेदो़दालाक। खेक्‍याई धाङबी फामाक्‍या च्‍योक्‍रे, धाम्‍पे थुक्‍ङीगी तो़न्‍दा लाबक्‍याला खेलेन मीझ्‍यीदालाक।

जेपा 7:55

हीना खो धाम्‍पे थुक्‍ङीगी खारी, नाम्‍खे श्‍यीङखाम स्‍योकला तेरी धेपालाक। खी़ को़न्‍क्षोकगी शीजे धाङ चोवो येशुला, को़न्‍क्षोकगी ॱये स्‍योकला श्‍यारी श्‍युक्‍कीन थोवालाक।

रोमापा 14:17

घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

रोमापा 15:13

धा धाम्‍पे थुक्‍ङीगी नी़थुने खेक्‍याई रेवा मेछो़ली फेयेगी क्षीदु, रेवागी को़न्‍क्षोकगी खेक्‍याला धेपागी थोक्‍ने, घाटो धाङ श्‍यीदे हो़लेगी खाङवास्‍योक।

रोमापा 15:16

याहुदापा मेन्‍गीनक्‍याई क्षीदु मास्‍यीका येशुगी श्‍याप्‍चीपा झ्‍युङयेलाक। धेनी धाम्‍पे थुक्‍ङीगी याहुदापा मेन्‍गीनक्‍याला धाम्‍पा जेदी, खुङक्‍या को़न्‍क्षोकला थुक्‍ङेउ हुङगीन क्षो़पा झ्‍युङयेगी क्षीला, को़न्‍क्षोकगी ताम्‍शाङ स्‍येयेगी क्षो़पो़न च्‍यीकगी लेगेनगो, ङाला ॱनाङ हो़तालाक।

रोमापा 5:5

धेनी रेवागी होराङला ॱलो फाम्‍दु ॱमीच्‍युक्‍वालाक घीझ्‍येरी ॱनाना होराङला ॱनाङना धाम्‍पे थुक्‍ङीगी गोने, को़न्‍क्षोकगी झाम्‍पा होरी सेम नाङला ॱलुक हो़तालाक।

१ कोरीन्‍थुपा 12:3

होझ्‍येरी को़न्‍क्षोकगी थुक्‍ङी गोने लाब ताङगीन सी़या “येशुला ॱमेमो फोक्‍वास्‍योक” ॱनेरी ॱमेनालाक धेनी धाम्‍पे थुक्‍ङीगी गोने च्‍यीगा “येशुराङ चोवो हीन।” ॱनेरी ॱना थुक्‍कीलाक ॱनागीन लाब दे, खेक्‍याई ॱहाघोकीनगो ङा दो़दीहो़क।

१ कोरीन्‍थुपा 6:19

खीकी नाङ श्‍युक्‍कीन धाङ को़न्‍क्षोकने खेक्‍याला थोप्‍था धाम्‍पे थुक्‍ङीगी क्षो़खाङ नी, खीकी ली़ हीन्‍गीनगो खेक्‍याला स्‍येये मेते? खेक्‍या खेरी राङगी मालाक।

२ कोरीन्‍थुपा 13:14

चोवो येशु मास्‍यीकागी थुक्‍जे धाङ को़न्‍क्षोकगी झाम्‍पा धाङ धाम्‍पे थुक्‍ङीगी ङ्याम्‍ढेल, खेक्‍या घीरीमुला हुङास्‍योक।

२ कोरीन्‍थुपा 6:6

धेनी सेम चाङमा धाङ स्‍येयो़न धाङ शो़पा धाङ ॱङीङजे धाङ धाम्‍पे थुक्‍ङी धाङ चेवा ॱङोन्‍नेगो

एफीसुपा 1:13

थारपागी ताम्‍शाङ, धेन्‍पे का ङेन्‍दी मास्‍यीकाला धेपा झ्‍यीगीन, खेक्‍याला को़न्‍क्षोकनेराङ धाम्‍चा जेजा धाम्‍पे थुक्‍ङीगी थेचे ग्‍याप हो़तालाक।

एफीसुपा 1:17

धेनी होरी चोवो येशु मास्‍यीकागी को़न्‍क्षोक, शीजेक्षे यापगी राङगी कोरला, खेक्‍याई घीरी ॱहाघोरयेगी क्षीला, सेम्‍ङीगी स्‍येराप धाङ साल्‍तो़न ॱनाङास्‍योक, ॱनेरी ङा ॱमो़लाम श्‍यी़हो़क।

एफीसुपा 4:30

धेनी थारपे ङीमागी क्षीला धाम्‍पे थुक्‍ङीगी ताक ग्‍यापक्‍या झ्‍येरी, को़न्‍क्षोकगी धाम्‍पे थुक्‍ङीला क्‍योरु ॱमाच्‍युक।

१ थेसालोनीकेपा 4:8

होझ्‍येरी दे लाबला ॱमीचीगीनक्‍या मीगी ॱलापच्‍याला मेन्‍दा, धाम्‍पे थुक्‍ङी ॱनाङगीन को़न्‍क्षोकला ङोलोक झ्‍यीदालाक।

२ तीमोथेउ 1:14

ख्‍यो़ला चोचा गेन शाङपोगो, होरी नाङ श्‍युक्‍कीन धाम्‍पे थुक्‍ङीगी गोने ॱरुङ।

तीतोस 3:5

होरी ले शाङपो झ्‍येरी मेन्‍दा, खोङबागी ॱङीङजेगी झ्‍येरी होराङला क्‍योप जेपालाक। धाम्‍पे थुक्‍ङीगी थोक्‍ने खोङबागी होरी धीक्‍पा ठी़सो़ जेदी, होराङला धाब्‍ले केरु च्‍युक्‍ती मीछे साबा ॱनावालाक।

ईब्‍रीपा 10:15

दी कोरला धाम्‍पे थुक्‍ङीगीयाः, होराङक्‍याला पाङपो जेदालाक। धाङपो खोङबागी सुङालाक,

ईब्‍रीपा 2:4

धेनी को़न्‍क्षोकगीयाः ताकक्‍या धाङ ॱहाङसागीन क्षाक्‍लेक्‍या धाङ नी़थु ॱनाछोकगी क्षाक्‍लेक्‍या धाङ राङगी थुकोङला तेन्‍ती टामा जेजा, धाम्‍पे थुक्‍ङीगी ॱनाङज्‍यीनक्‍याई थोक्‍ने होदेगी धेन्‍पाङ जेपालाक।

ईब्‍रीपा 3:7

होझ्‍येरी धाम्‍पे थुक्‍ङीगी सुङालाक, “धीरीङ खेक्‍याई को़न्‍क्षोकगी सुङकेक घोरना,

ईब्‍रीपा 9:8

दे घीरीगी थोक्‍ने खीम धाङपोगो हो़गीन थुक्‍पे, धाम्‍पे धाम्‍पा ॱनेसा नाङदु जुजा मेतालाक ॱनेरी, धाम्‍पे थुक्‍ङीगी तो़न जेदालाक।

१ पेटो 1:12

धेनी राङला मेन्‍दा खेक्‍याई श्‍याप्‍ची श्‍युगीनगो, ॱङो़नस्‍येखेनक्‍याला ॱङो़न्‍पालाक। धेनी धान्‍दा नाम्‍खे श्‍यीङखामने ॱङाक्‍ङा धाम्‍पे थुक्‍ङीगी वाङगी गोने क्षो़ सुङगीनक्‍याई, खेक्‍याला ताम्‍शाङ दे स्‍ये हो़तालाक। धेनी नाम्‍खे भाङछेनक्‍यागीयाः दो़न देक्‍या स्‍येङी दो़दालाक।

२ पेटो 1:21

घीझ्‍येरी ॱनाना मीगी दो़पाला तेन्‍ती, ॱङो़नस्‍ये च्‍यीया मायोवालाक हीना धाम्‍पे थुक्‍ङी थोक्‍ने, को़न्‍क्षोकगी थोक्‍ने मीगी सुङ दे स्‍येपालाक।

१ योहान्‍ना 2:20

हीना धाम्‍पा हीन्‍गीनगी थोक्‍ने, खेक्‍याला धाम्‍पे थुक्‍ङीगी वाङ थोप हो़तालाक धेनी खेक्‍या घीरीगी धेन्‍पागो ॱहाघोरालाक।

१ योहान्‍ना 2:27

याङ मास्‍यीकाने थोप्‍था धाम्‍पे थुक्‍ङीगी वाङ नी, खीकी सेमला ॱनेहो़गीन झ्‍येरी, खेक्‍याला सी़या ॱलाप मेघो़। घीझ्‍येरी ॱनाना धाम्‍पे थुक्‍ङीगी खेक्‍याला दो़न घीरीगी कोरला सुङालाक धेनी खोङगी ॱनाङगीन वाङ नी, शोक्‍पो मेन्‍दा धेन्‍पा लाक। होझ्‍येरी खोङगी सुङगीन च्‍योक्‍रे, खोङ नाङला खेक्‍या ॱनेती धो़क।

१ योहान्‍ना 5:7

घीझ्‍येरी ॱनाना पाङपो झ्‍यीगीन सुम हो़तालाक,

युदा 1:20

हीना चेवे पी़नक्‍याओ, खेक्‍यागो राङगी ॱमीच्‍यीकी धाम्‍पे धेपाला यारके तारी सोङ धेनी धाम्‍पे थुक्‍ङीगी गोने ॱमो़लाम ग्‍योप।

ॱङो़न्‍पा 2:11

“आमच्‍योक हो़गीनक्‍याई धाम्‍पे थुक्‍ङीगी, क्षो़छोकक्‍याला घी सुङगीनगो ङेन्‍दास्‍योक। धेनी सु ग्‍याली, होदेगोला छीवा ॱङीवाने क्‍यो़न घीया झ्‍युङगीमालाक।