योहान्‍ना 14:21 - ॱलोवा

²¹ ङी काठीमक्‍या खेलेन्‍दी ॱरुङगीनक्‍याई ङाला झाम्‍पा झ्‍यीदालाक। धेनी ङाला झाम्‍पा झ्‍यीगीनक्‍याला, ङी यापगी झाम्‍पा जेगीलाक। ङी खोला झाम्‍पा झ्‍यीयेहीन धेनी राङला खोचारु ॱङो़न्‍येहीन।”

योहान्‍ना 14:21 Iomraidhean Croise

लुका 11:28

हीना खोङबागी सुवालाक, “को़न्‍क्षोकगी काला ङेन्‍दी, ॱरुङगीनक्‍या मोने झ्‍यीलाप क्षे लाक।”

योहान्‍ना 14:15

“खेक्‍याई ङाला चेवा झ्‍यीना, ङी काठीमक्‍या ॱरुङगीलाक।

योहान्‍ना 14:18

“ङा खेक्‍याला दाठुकला मेभोर। ङा खेक्‍याचारु हुङयेहीन।

योहान्‍ना 15:14

ङी खेक्‍याला तेरकीन कागो खेक्‍याई ॱरुङना, खेक्‍या ङी छो़ढोक हीन।

योहान्‍ना 16:14

खोङगी ङी शीजे ॱङो़न्‍दु जेगीलाक घीझ्‍येरी ॱनाना ङी घी हीन्‍गीनगो, खोङगी ङाने लेन्‍दी खेक्‍याला तो़न्‍दा जेगीलाक।

योहान्‍ना 16:27

घीझ्‍येरी ॱनाना खेक्‍याई ङाला झाम्‍पा झ्‍येवालाक धेनी ङा यापने हुङगीनगोला खीकी धेपा झ्‍येरी, याप राङगी खेक्‍याला झाम्‍पा जेदालाक।

योहान्‍ना 17:23

खुङक्‍या ॱङोन्‍ने सेम च्‍यीकला ग्‍युरयेगी क्षीदु, ङा खुङक्‍या नाङ धाङ खेराङ ङी नाङ ॱनेहो़क। धेनी खेराङगी ङाला ॱङाक्‍पा धाङ खेराङगी ङाला झाम्‍पा जेगीन च्‍योक्‍रे, खुङक्‍याला झाम्‍पा जेपालाक ॱनेरी जीक्‍तेनगी ॱहाघोरकीलाक।

जेपा 22:18

थोङनाङला चोवो येशु ज्‍याजुङ धेनी ङाला सुजुङ, ‘ग्‍योक्‍जे येरुसालेम भोरती सोङ घीझ्‍येरी ॱनाना ङी कोरला स्‍येगीन, ख्‍यी़ पाङपोक्‍याला दे मीक्‍याई खेलेन्‍गीमालाक।’

२ कोरीन्‍थुपा 12:8

दे ङाने डालास्‍योक ॱनेरी, ङी थेङमा सुम थुक्‍पे चोवोला श्‍योवा पुवी।

२ कोरीन्‍थुपा 3:18

धेनी होराङ दोङकेप स्‍युस्‍याक्‍याई चोवोगी शीजेला मेलोङ च्‍योक्‍रे तो़न्‍दालाक धेनी शीजे देले ल्‍हाक शीजे क्षेला, होराङक्‍या खोङबा च्‍योक्‍रे झ्‍युङयेला ग्‍युरती डोवालाक। शीजे दे नी, थुक्‍ङी हीन्‍गीन चोवोने हुङालाक।

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

२ थेसालोनीकेपा 2:16

धा होराङला चेवा ॱनारी थुक्‍जेगी थोक्‍ने, थामेगीन सेमगी धेवा धाङ रेवा शाङपो ॱनाङगीन, चोवो येशु मास्‍यीका खोङबा धाङ होरी याप को़न्‍क्षोकगी,

२ तीमोथेउ 4:22

चोवो ख्‍यी़ सेम नाङदु श्‍युक्‍वास्‍योक। चोवोगी थुक्‍जे खेक्‍यामुला हुङास्‍योक।

१ योहान्‍ना 2:5

हीना खोङबागी का ॱरुङगीनगी़ नाङ, को़न्‍क्षोकगी झाम्‍पा ॱङोन्‍नेगी फी़न्‍सुम छोक्‍पा हुङालाक। देनेराङ होराङ खोङगी नाङ ॱने हो़गीनगो, होरी ॱहाघोरालाक।

१ योहान्‍ना 3:1

तो़दाङ, यापगी होराङला ॱनाङगीन झाम्‍पा ॱमीच्‍यीकी क्षे राक्‍ती, होराङ खोङबागी से धाङ सेमो भो़घो झ्‍युवालाक। धेनी हीन्‍येगोवा ॱङोन्‍ने लाक। होझ्‍येरी जीक्‍तेनगी खोङबाला ङो ॱमेस्‍येगीन झ्‍येरी, होराङला ङो ॱमेस्‍येलालाक।

१ योहान्‍ना 5:3

को़न्‍क्षोकगी काठीम ॱरुङना राङ, खोङला चेवा झ्‍यीये लाक। धेनी खोङगी काठीमक्‍या काल्‍ले घाक्‍वा मेतालाक।

२ योहान्‍ना 1:6

झाम्‍पा नी खोङगी सुङगीन काला चीरी, मीजी पी़ये लाक। खेक्‍या झाम्‍पे गोने मीजी पी़घो़ ॱनेरी, ॱनागीन काठीम दे खीकी गोमानेराङ घोर हो़तालाक।

ॱङो़न्‍पा 2:17

“आमच्‍योक हो़गीनक्‍याई, धाम्‍पे थुक्‍ङीगी क्षो़छोकक्‍याला घी सुङगीनगो ङेन्‍दास्‍योक। धेनी सु ग्‍याली, होदेगोला ङा बेरी श्‍याकश्‍या ॱमान्‍नागो तेरयेहीन। धेनी होदेला ङा मीङ साबा ढीक्‍टा, धो काउ च्‍यीक तेरयेहीन। होदे थोप्‍कीनगी़ च्‍यीगा होदे मीङ स्‍येगीलाक।

ॱङो़न्‍पा 22:14

छेसोकगी दोङबोगी आङजा थोप्‍ये धाङ ग्‍याजागी गेघोक्‍या नाङने जु थुक्‍येगी क्षीदु, राङगी घो़ ठुगीनक्‍या झ्‍यीलाप क्षे लाक।

ॱङो़न्‍पा 3:20

तो़दाङ, ङा घो डामदु लारी घो दुङाहीन। धेनी ङी केक घोरती, घो पेना ङा नाङदु जुयेहीन धेनी होदे मीमुला शामा शायेहीन धेनी होदे ङीमुला शागीलाक।