योहान्‍ना 14:16 - ॱलोवा

¹⁶ धेनी ङा यापला श्‍यी़येहीन, धेनी खीकीमुला ग्‍युने ग्‍युन्‍दु ॱनेयेला, खोङबागी खेक्‍याला रोवा जेगीन श्‍येम्‍मा च्‍यीक ॱनाङगीलाक।

योहान्‍ना 14:16 Iomraidhean Croise

मेथा 28:20

धेनी ङी खेक्‍याला ॱलाप्‍कीन का घीरी ॱरुङयेला, खुङक्‍याला ॱलोप। धेनी थागी धी़ थुक्‍पे नाम्‍हीना, ङा खेक्‍यामुला हो़क ॱनेरी ॱहाघोरा झ्‍यी।”

योहान्‍ना 14:14

ङी मीङगी थोक्‍ने खीकी ङाला घी श्‍यी़ना, ङा होदे झ्‍यीयेहीन।

योहान्‍ना 14:18

“ङा खेक्‍याला दाठुकला मेभोर। ङा खेक्‍याचारु हुङयेहीन।

योहान्‍ना 14:26

हीना ङी मीङ थोक्‍ने यापगी ॱनाङगीन रोवा जेगीन धाम्‍पे थुक्‍ङीगी़, खेक्‍याला लाब घीरी ॱलाबा जेगीलाक। धेनी ङी खेक्‍याला स्‍येगीन घीरी ढो़न्‍सो ॱनाङगीलाक।

योहान्‍ना 15:26

“हीना यापगी डुङने फेप्‍कीन, धेन्‍पा थुक्‍ङी, रोवा जेगीनगो फेप्‍कीलाक। धेनी यापगी डुङने ङी ॱङाक्‍कीन देगी ङी पाङपो जेगीलाक।

योहान्‍ना 16:22

देरे झ्‍येरीराङ, धान्‍दा खेक्‍याला दुङा हो़तालाक हीना ङा खेक्‍याला धाब्‍ले थुक्‍येहीन धेनी खीकी सेम घाटोगी खाङगीलाक। धेनी खीकी घाटोगो सी़याः ठोक थुक्‍कीमालाक।

योहान्‍ना 17:15

खेराङगी खुङक्‍याला दे जीक्‍तेनने खेरास्‍योक ॱनेरी, ङा सोवा ग्‍यावामेन हीना ङेन्‍पागोने क्‍योप्‍पा जे ॱनेरी ङा श्‍यी़वाहीन।

योहान्‍ना 17:20

“ङी स्‍याम्‍ला डागीन मी देक्‍याई क्षीला च्‍यीगा मेन्‍दा, खुङक्‍याई का स्‍येगीनगी गोने, ङाला धेपा झ्‍यीगीन मीक्‍याई क्षीलाः ङा सोवा ग्‍यावीहो़क।

योहान्‍ना 4:14

हीना ङी तेरकीन क्षुने थुङगीनक्‍या, नामा धाब्‍ले कोम्‍गी मालाक। ङी तेरकीन क्षु दे, खोला थामेपे छेसोक तेरयेला क्षु थो़न्‍गीन क्षुमीक च्‍यीकला ग्‍युरकीलाक।”

योहान्‍ना 7:39

हीना खोङला धेपा झ्‍यीगीनक्‍याला थोप्‍ये हीन्‍गीन, धाम्‍पे थुक्‍ङीगी कोरला येशुगी सुवालाक। घीहीनाः येशु शीजेला ॱमाफाक्‍पा झ्‍येरी, धाम्‍पे थुक्‍ङीगो धोराङा ॱमानाङ हो़तालाक।

जेपा 1:4

थेङमा च्‍यीक येशु होदेक्‍यामुला जोम्‍दी श्‍येलाक श्‍येयेला श्‍युक्‍यी घाङला, खोङबागी होदेक्‍याला देरे का ॱनावालाक, “खेक्‍या येरुसालेम माबोरा, ङी यापगी धाम्‍चा जेजागोला घुक्‍ती धो़क। होदे धाम्‍चागी क्षीला ङी खेक्‍याला एन्‍दुरु ॱनेवी,

जेपा 13:52

धेनी धेपा झ्‍यीगीनक्‍या घाटो धाङ धाम्‍पे थुक्‍ङीगी खावालाक।

जेपा 9:31

दे स्‍याम्‍ने युदेया धाङ गालील धाङ सामारीया स्‍योकगी क्षो़छोक नाङदु श्‍यीदे झ्‍युवालाक। धेनी चोवोला जीक्‍ती धाम्‍पे थुक्‍ङीगी सेमस्‍युक जोरती, क्षो़छोकक्‍या स्‍युक्‍क्षे झ्‍युरी माङदु सोवालाक।

रोमापा 14:17

घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

रोमापा 15:13

धा धाम्‍पे थुक्‍ङीगी नी़थुने खेक्‍याई रेवा मेछो़ली फेयेगी क्षीदु, रेवागी को़न्‍क्षोकगी खेक्‍याला धेपागी थोक्‍ने, घाटो धाङ श्‍यीदे हो़लेगी खाङवास्‍योक।

रोमापा 5:5

धेनी रेवागी होराङला ॱलो फाम्‍दु ॱमीच्‍युक्‍वालाक घीझ्‍येरी ॱनाना होराङला ॱनाङना धाम्‍पे थुक्‍ङीगी गोने, को़न्‍क्षोकगी झाम्‍पा होरी सेम नाङला ॱलुक हो़तालाक।

रोमापा 8:34

धा ॱहाना होराङला सी़ ठीम्‍चो़ झ्‍यीगीले? सी़या झ्‍यीगीमालाक। घीझ्‍येरी ॱनाना मास्‍यीका येशु नी, होरी क्षीदु ढोङा जेपालाक। धेनी याङ कुसो़न्‍पो श्‍याङा जेपालाक धेनी खोङ को़न्‍क्षोकगी क्षाक ॱयेरु श्‍युक्‍वा जेदी, होरी क्षीदु श्‍योवा पुली हो़तालाक।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

फीलीप्‍पीपा 2:1

होझ्‍येरी मास्‍यीकागी नाङ खेक्‍याला सेमस्‍युक रे हो़ना, झाम्‍पे सेम्‍सो रे हो़ना धेनी धाम्‍पे थुक्‍ङीगी थी़न्‍डील हो़ना धेनी झाम धाङ ॱङीङजे हो़ना,

२ थेसालोनीकेपा 2:16

धा होराङला चेवा ॱनारी थुक्‍जेगी थोक्‍ने, थामेगीन सेमगी धेवा धाङ रेवा शाङपो ॱनाङगीन, चोवो येशु मास्‍यीका खोङबा धाङ होरी याप को़न्‍क्षोकगी,

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

१ योहान्‍ना 2:1

ङी चेवे टुवाक्‍याओ, खेक्‍याई धीक्‍पा मीझ्‍यीदास्‍योक ॱनेरी, ङा खेक्‍याला दे लाबक्‍या ढीयाहीन। हीना खेक्‍याने च्‍यीकगी धीक्‍पा झ्‍यीना यापगी डुङदु, होरी क्षीला श्‍योवा पुगीन च्‍यीक हो़तालाक। खोङ नी ढाङतेन्‍पा येशु मास्‍यीका लाक।

१ योहान्‍ना 2:27

याङ मास्‍यीकाने थोप्‍था धाम्‍पे थुक्‍ङीगी वाङ नी, खीकी सेमला ॱनेहो़गीन झ्‍येरी, खेक्‍याला सी़या ॱलाप मेघो़। घीझ्‍येरी ॱनाना धाम्‍पे थुक्‍ङीगी खेक्‍याला दो़न घीरीगी कोरला सुङालाक धेनी खोङगी ॱनाङगीन वाङ नी, शोक्‍पो मेन्‍दा धेन्‍पा लाक। होझ्‍येरी खोङगी सुङगीन च्‍योक्‍रे, खोङ नाङला खेक्‍या ॱनेती धो़क।

२ योहान्‍ना 1:2

घीझ्‍येरी ॱनाना धेन्‍पा नी, होरी नाङ हो़तालाक धेनी होरी नाङ ग्‍युने ग्‍युन्‍दु ॱनेगीलाक।