योहान्‍ना 14:13 - ॱलोवा

¹³ यापगी शीजे सेगी थोक्‍ने ॱङो़न्‍येला, खेक्‍याई ङी मीङला घी श्‍यी़, होदे ङी झ्‍यीयेहीन।

योहान्‍ना 14:13 Iomraidhean Croise

मेथा 21:22

खेक्‍याला धेपा हो़ना, खीकी ॱमो़लामला घी श्‍यी़ली होदे थोप्‍कीलाक।”

मेथा 7:7

“श्‍यी़ धेनी ख्‍यो़ला ॱनाङगीलाक, चो धेनी ख्‍यो़ला ॱङेगीलाक, घो दुङ धेनी ख्‍यी़ क्षीला पेगीलाक।

मारकु 11:24

होझ्‍येरी ङा खेक्‍याला ॱनाहीन, ॱमो़लामला खेक्‍याई घी ॱलाङगीनगो थोप्‍साहो़क ॱनेरी, धेपा झ्‍यी धेनी होदे ख्‍यो़ला थोप्‍कीलाक।

लुका 11:9

“होझ्‍येरी ङा खेक्‍याला ॱनाहीन, श्‍यी़ धेनी ख्‍यो़ला ॱनाङगीलाक। चो धेनी ख्‍यो़ला ॱङेगीलाक। घो दुङ धेनी ख्‍यी़ क्षीला पेगीलाक।

योहान्‍ना 10:30

ङा धाङ याप नी च्‍यीक हीन।”

योहान्‍ना 12:44

धेनी येशुगी सुङकेक क्षेगी थोक्‍ने सुवालाक, “ङाला धेपा झ्‍यीगीनगी ङाला मेन्‍दा, ङाला ॱङाक्‍कीनला धेपा झ्‍यीदालाक।

योहान्‍ना 13:31

धा युदा फीला सोसारती, येशुगी सुवालाक, “धा मी-भु शीजेला ॱङो़न दुक धेनी को़न्‍क्षोक खी़ थोक्‍ने शीजेला ॱङो़न दुक।

योहान्‍ना 14:14

ङी मीङगी थोक्‍ने खीकी ङाला घी श्‍यी़ना, ङा होदे झ्‍यीयेहीन।

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

योहान्‍ना 15:7

खेक्‍या ङी नाङ ॱनेती, ङी का खेक्‍याई नाङ ॱनेना, खीकी घी दो़गीनगो श्‍यी़, धेनी होदे खीकी क्षीला डुप्‍कीलाक।

योहान्‍ना 16:23

होदे ङीमोगोला, खेक्‍याई ङाला घीया मीढीगीलाक। ङा धेन्‍पा धेनक्‍याङ खेक्‍याला ॱनाहीन, खेक्‍याई ङी मीङगी थोक्‍ने यापला घी श्‍यी़ना, खोङबागी होदे खेक्‍याला ॱनाङगीलाक।

योहान्‍ना 16:26

होदे ङीमोगो खेक्‍याई ङी मीङला श्‍यी़गीलाक। धेनी खीकी छापला ङा यापला श्‍यी़येहीन ॱनेरी ङा ॱनामेन,

योहान्‍ना 16:7

हीना ङी खेक्‍याला धेन्‍पागो स्‍येदाहीन, ङा डोनाराङ खेक्‍याला फेन्‍थोवा हो़तालाक घीझ्‍येरी ॱनाना ङा मेडोना, रोवा जेगीनगो खीकीचारु ॱमेफेप्‍कीलाक। हीना ङा डोना ङा खोङला खीकीचारु ताङयेहीन।

योहान्‍ना 4:10

येशुगी मोला सुवालाक, “ख्‍यी़ को़न्‍क्षोकगी ॱनाङज्‍यीन धाङ ख्‍यो़ला ‘क्षु तेरोझ्‍यी’ ॱनागीनगो सु हीन्‍गीनगो स्‍येहो़ना, ख्‍यी़ खोङला श्‍यी़ हो़टो धेनी खोङगी ख्‍यो़ला सो़न्‍पो क्षुगो ॱनाङ हो़टो।”

योहान्‍ना 4:14

हीना ङी तेरकीन क्षुने थुङगीनक्‍या, नामा धाब्‍ले कोम्‍गी मालाक। ङी तेरकीन क्षु दे, खोला थामेपे छेसोक तेरयेला क्षु थो़न्‍गीन क्षुमीक च्‍यीकला ग्‍युरकीलाक।”

योहान्‍ना 5:19

येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, यापगी घी जेगीनगो, से गीया होदे च्‍योक्‍रे जेदालाक। धेनी यापगी जेगीनगो मीशीक्‍वा, से राङगी घीया जे ॱमीथुक्‍कीलाक।

योहान्‍ना 7:37

धी़छेनगी थागी ङीमा क्षेगोला, येशु श्‍येङदी सुङकेक क्षेला सुङा जेपालाक, “खे कोम्‍गीनक्‍या ङी डुङदु होरी थुङास्‍योक।

१ कोरीन्‍थुपा 14:13

होझ्‍येरी केरीक श्‍येम्‍माला लाब ताङगीनक्‍याई, होदेगी दो़न्‍दाक टोयेगी नी़पा थोप्‍येला ॱमो़लाम ग्‍याप्‍घो़।

एफीसुपा 2:18

घीझ्‍येरी ॱनाना मास्‍यीकागी थोक्‍ने, होराङ ॱङीगारा धाम्‍पे थुक्‍ङी च्‍यीकगी गोने यापगी डुङदु डो थुप्‍कीन झ्‍युवालाक।

एफीसुपा 3:12

धेनी मास्‍यीकाला होरी धेपा धाङ खोङबागी थोक्‍ने, होराङ को़न्‍क्षोकगी डुङदु ॱङीङक्षे धाङ ॱलोतेक्षे झ्‍येरी डो थुबालाक।

एफीसुपा 3:14

होझ्‍येरी ॱनाम्‍सा ॱङी नाङला हो़गीन, नाङमी रे-रेला यापने मीङ झ्‍युजा, खोङबागी डुङदु ङी पीमु साला चुक्‍ती ङा ॱमो़लाम श्‍यी़लाहीन।

फीलीप्‍पीपा 4:13

ङाला तोपस्‍युक ॱनाङगीनगी गोने, ङी घीरी झ्‍यी थुक्‍वा।

कोलोसेपा 3:17

धेनी छीक धाङ लेगी थोक्‍ने खेक्‍याई घी झ्‍यीना, घीरी चोवो येशुगी छेनने याप को़न्‍क्षोकला, खोङगी थोक्‍ने काटीन्‍क्षे श्‍यी़री झ्‍यी।

ईब्‍रीपा 13:15

होझ्‍येरी येशुगी गोने, होराङ को़न्‍क्षोकला च्‍योई तो़पागी क्षो़पा पुलो। दे नी, खोङगी छेन खेलेन झ्‍यीगीन होरी खागी ढेबु लाक।

ईब्‍रीपा 4:15

घीझ्‍येरी ॱनाना होरी थापक्‍योवागोला ॱङीङजे जे ॱमीथुप्‍कीन, चो क्षो़पो़न होराङला मेतालाक। होराङ च्‍योक्‍रे दो़न घीरीला छो़ताला छी़दीयाः, खोङबागी धीक्‍पा च्‍यीया ॱमाझ्‍येवालाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

याकोब 1:5

खेक्‍या नाङने स्‍येराप ॱमेछाङगीन रे हो़ना, काको़न मेजेदा घीरीला फाङमेदु ॱनाङगीन को़न्‍क्षोकला होदेगी श्‍यी़घो, धेनी खोला होदे ॱनाङगीलाक।

याकोब 5:16

होझ्‍येरी ढाक्‍सो़ थोप्‍येगी क्षीला, फेन्‍छुन घुङदु राङगी धीक्‍पा खेलेन झ्‍यी धेनी च्‍यीकगी च्‍यीकला ॱमो़लाम ग्‍योप। मी ढाङपो च्‍यीकगी ॱमो़लाम स्‍युक्‍क्षे धाङ फेन्‍क्षे हो़तालाक।

१ पेटो 2:5

को़न्‍क्षोकगी खेक्‍यालाः धो सो़न्‍पोक्‍या च्‍योक्‍रे, थुक्‍ङीगी फोडाङ चीक्‍येला भेचो़ जेदु च्‍युक। धेनी खेक्‍या धाम्‍पे क्षो़पो़न झ्‍युरी, मास्‍यीका येशुगी थोक्‍ने को़न्‍क्षोकला थुक्‍ङेउ झ्‍युङगीन सेम्‍ङीगी क्षो़पा खेक्‍याई पु।

१ योहान्‍ना 3:22

धेनी होरी घी श्‍यी़ना, होदेगो खोङगी थोक्‍ने थोबालाक घीझ्‍येरी ॱनाना होराङ खोङबागी काक्‍या ॱरुङालाक धेनी खोङला थुक्‍ङेउ हुङगीन लेगाक्‍या झ्‍यीदालाक।

१ योहान्‍ना 5:14

को़न्‍क्षोकगी थुकोङला तेन्‍ती, होरी घी श्‍यी़ना खोङगी होराङला सेन्‍दालाक ॱनेरी, होराङला खोङगी खाला ॱलोते हो़तालाक।