योहान्‍ना 14:12 - ॱलोवा

¹² “ङा खेक्‍याला धेन्‍पा धेनक्‍याङ ॱनाहीन, ङाला धेपा झ्‍यीगीनगी़ ङी घी झ्‍यीगीन लेगाक्‍याः झ्‍यीगीलाक धेनी देले क्षे लेगाक्‍या खी़ झ्‍यीगीलाक। घीझ्‍येरी ॱनाना ङा यापगी डुङदु डी़हो़क।

योहान्‍ना 14:12 Iomraidhean Croise

मेथा 21:21

धेनी येशुगी खुङक्‍याला कालेनदु सुवालाक, “ङा खेक्‍याला धेन्‍पाराङ ॱनाहीन, दोक्‍पा मीझ्‍यीदा धेपा झ्‍यीना सेयापगी दोङबो देला घी झ्‍युङगीनगो च्‍यीगा झ्‍यी थुक्‍ये मेन्‍दा, दे री देला ‘देने कोक्‍ती ग्‍याछो नाङला ल्‍हीम,’ ॱनेरी ॱनाना होदेरेराङ झ्‍युङगीलाक।

मारकु 11:13

धेनी लोमागी तुम्‍दा, सेयापगी दोङबो च्‍यीक ग्‍याङने, खोङबागी शीक्‍ती होदुरु छो़येला, स्‍यीङदोक रे हो़टु साम्‍दी डामदु फेप्‍पालाक। हीना सेयापगी दोङबोला स्‍यीङदोक के मारीन्‍बा, लोमा माना श्‍येम्‍मा घीया मेगीनगो खोङबागी शीक्‍पालाक।

मारकु 16:17

धेपा झ्‍यीगीनक्‍याला दे ताकक्‍या झ्‍युङगीलाक। ङी मीङने, खुङक्‍याई डेक्‍या तो़न्‍गीलाक धेनी केरीक श्‍येम्‍माक्‍या ताङगीलाक।

योहान्‍ना 14:28

“ङी खेक्‍याला ‘ङा लोक्‍ती डोयेहीन धेनी ङा खेक्‍याचारु हुङयेहीन’ ॱनागीन दे घोर हो़तालाक। खेक्‍याई ङाला चेवा हो़ना, ङा यापगी डुङदु डोवालाक ॱनेरी, खेक्‍या ङ्यामो घायेहो़क घीझ्‍येरी ॱनाना ङाले याप खाक्‍क्षे लाक।

योहान्‍ना 16:7

हीना ङी खेक्‍याला धेन्‍पागो स्‍येदाहीन, ङा डोनाराङ खेक्‍याला फेन्‍थोवा हो़तालाक घीझ्‍येरी ॱनाना ङा मेडोना, रोवा जेगीनगो खीकीचारु ॱमेफेप्‍कीलाक। हीना ङा डोना ङा खोङला खीकीचारु ताङयेहीन।

योहान्‍ना 4:37

घीझ्‍येरी ॱनाना ‘च्‍यीकगी ताप, च्‍यीकगी ॱङा’ ॱनागीन पे दे धेन्‍पा दुक।

योहान्‍ना 5:20

घीझ्‍येरी ॱनाना यापगी सेला झाम्‍पा जेदी, राङगी जेगीन घीरी सेला तो़न्‍दा जेदालाक। धेनी खेक्‍या ॱहाङसाङदु च्‍युक्‍येला, देने ल्‍हाक क्षाक्‍ले क्षे खोङबागी सेला तो़न्‍दा जेगीलाक।

योहान्‍ना 7:33

धेनी येशुगी सुङा जेपालाक, “ङा खेक्‍यामुला धोराङा धी़ तीते च्‍यीक धेये दुक धेनी ङा ङाला ॱङाक्‍कीनगी डुङदु डोयेलाक।

योहान्‍ना 7:39

हीना खोङला धेपा झ्‍यीगीनक्‍याला थोप्‍ये हीन्‍गीन, धाम्‍पे थुक्‍ङीगी कोरला येशुगी सुवालाक। घीहीनाः येशु शीजेला ॱमाफाक्‍पा झ्‍येरी, धाम्‍पे थुक्‍ङीगो धोराङा ॱमानाङ हो़तालाक।

जेपा 10:46

घीझ्‍येरी ॱना ना होदे मीक्‍याई केक श्‍येम्‍मा-श्‍येम्‍मा ग्‍याप्‍कीन धाङ को़न्‍क्षोकला तो़टा ताङगीनगो खुङक्‍याई घोरपालाक। धेनी पेटोगी ॱनेवालाक,

जेपा 16:18

धेनी मी़ देरे ङीमा माङा झ्‍येवालाक। हीना पाउलुगी मी़ देरे फेरा ग्‍याप्‍कीनगो थेदा ॱमास्‍येवा, होदे ॱनो़पाला ॱनेवालाक, “चोवो येशु मास्‍यीकागी छेनला ख्‍यो़ दे भोमोगी नाङने थो़न्‍दी स्‍योक।” धेनी खी़ देरे ॱनालुङ मेताला, होदे ॱनो़पागो थो़न्‍दी होवालाक।

जेपा 19:12

पाउलुगी ली़ला जुजा ॱनाप्‍छी धाङ रेक्‍या खेरती नेपाक्‍या खाला श्‍याक्‍नाः, होदेक्‍या ढाक्‍ती डोवालाक धेनी ॱनो़पाक्‍या थो़न्‍दी डोवालाक।

जेपा 2:33

याप को़न्‍क्षोकगी येशुला थोस्‍योक को़री, खोरी क्षाक ये स्‍योकला श्‍याक जे हो़तालाक धेनी खोरी धाम्‍चा च्‍योक्‍रे, खोङबाला धाम्‍पे थुक्‍ङी ॱनावालाक। होदे धाम्‍पे थुक्‍ङी चोवो येशुगी धान्‍दा, होराङक्‍या खाला ॱनाङ जेपालाक। होदे लाबगो खेराङक्‍याई धान्‍दा ॱहाघोरये धाङ थोङी हो़तालाक।

जेपा 2:41

मी ॱमीच्‍यीकी माङागी पेटोगी ॱनेना लाबला यीच्‍चे झ्‍येवालाक धेनी ठी़सो़ लेन्‍बालाक। धेनी होदे ङीमागो मी तोङ सुम चो़, खुङक्‍याई ढाङगाला दोम्‍बालाक।

जेपा 4:16

“दे मी ॱङीउला होराङक्‍या घी झ्‍यीये? घीझ्‍येरी ॱनाना देक्‍याने ॱङोन्‍नेगी ॱहाङसागीन लेगा च्‍यीक झ्‍युजागो, येरुसालेमगी मीमाङ घीरीला क्षा झ्‍युसादुक धेनी होराङगी होदे लेगा माझ्‍येदुक ॱनेरी ॱनाथुक्‍ये मेतालाक।

जेपा 4:33

कुछापक्‍याई चोवो येशु छीवाने सो़न्‍पो श्‍याङगीनगी कोरला, वाङक्षेगी थोक्‍ने मीक्‍याला पाङपो झ्‍येवालाक। धेनी को़न्‍क्षोकगी थुक्‍जे क्षेन्‍बो, खुङक्‍या खाला मेछो़ली झ्‍युवालाक।

जेपा 4:4

हीना होदे कुछाप ॱङीउगी का ङेन्‍गीनक्‍याने, मी माङक्षेगी धेपा झ्‍येवालाक धेनी धेपा झ्‍यीगीन मीक्‍याई ढाङगा माङदु सोरी, तोङ ॱङा चो़ झ्‍युवालाक।

जेपा 5:15

धेनी पेटो डी़ घाङला, खी़ ढीम्‍जाक च्‍यीगा फोक्‍ना डाक्‍हु ॱनेरी, खुङक्‍याई रेवा झ्‍येरी मीक्‍याई नेपाक्‍याला ङ्याजेमुलाराङ, खेरती होरी ॱराङगाकला ॱङ्यारी श्‍यालाक।

जेपा 6:7

को़न्‍क्षोकगी का छोक घीरीला ख्‍याप्‍पालाक। धेनी चोवो येशुगी ङेनेक्‍या येरुसालेमदु ॱयोल्‍ले माङदु सोवालाक धेनी क्षो़पो़न ॱमीच्‍यीकी माङागीयाः, चोवो येशुला धेपा झ्‍येवालाक।

जेपा 8:7

ॱनो़पा जुजा मीक्‍याने ॱनो़पाक्‍या ॱमीच्‍यी फेरा ग्‍याप्‍ती थो़न्‍बालाक धेनी शा फोक्‍पा धाङ श्‍याक्‍योवाक्‍या चो़गा झ्‍युवालाक।

जेपा 9:34

पेटोगी खोला ॱनेवालाक, “एनीया, येशु मास्‍यीकागी ख्‍यो़ला चो़गा ॱनाङगीलाक। लोङ धेनी ख्‍यो़री तेन तोब।” धेनी लाम्‍साङ खो लाङबालाक।

जेपा 9:40

पेटोगी खुङ घीरीला फीला तो़न्‍दी, पीमु चुक्‍ती सोवा ग्‍याप्‍पालाक। धेनी फुङबु स्‍योकला तेरी ॱनेवालाक, “ताबीथा लोङ।” धेनी मी़ ॱमीक तेवालाक धेनी पेटोला थोरी मो लावालाक।