योहान्‍ना 14:11 - ॱलोवा

¹¹ ङा याप नाङ हो़गीन धाङ याप ङी नाङ हो़गीनला धेपा झ्‍यी। याङमेना ङी लेगाक्‍याला तेरी धेपा झ्‍यी।

योहान्‍ना 14:11 Iomraidhean Croise

योहान्‍ना 10:25

येशुगी खुङक्‍याला लेन ॱनावालाक, “ङी खेक्‍याला स्‍येछा। हीना खेक्‍या ङाला यीच्‍चे मीझ्‍यीदा। ङी यापगी थोक्‍ने ङी झ्‍येजा लेगाक्‍याई ङाला पाङपो झ्‍यीदालाक।

योहान्‍ना 10:32

येशुगी खुङक्‍याला सुवालाक, “यापगी गोने, ङी खेक्‍याला ले शाङा माङा तो़न्‍पी। देक्‍याने घीन्‍गी क्षीला, खेक्‍या ङाला धोगोङ श्‍युरये हीन्‍नो?”

योहान्‍ना 10:38

हीना ङी लेगा देक्‍या झ्‍येरी, धोराङा खेक्‍या यी ॱमेछेना, लेगाक्‍याला यीच्‍चे झ्‍यी। होझ्‍येरी याप ङी नाङदु हो़गीन धाङ ङा यापगी नाङदु हो़गीनगो, खेक्‍याई ॱहाघोरती स्‍येलास्‍योक।”

योहान्‍ना 14:10

ङा याप नाङ हो़गीन धाङ याप ङी नाङ हो़गीनगो खेक्‍याई धेपा मीझ्‍यीदाले? ङी खेक्‍याला स्‍येगीन लाबक्‍या ङाराङगी वाङने स्‍येदामेन हीना ङी नाङ श्‍युक्‍कीन, यापगी राङगी क्षाक्‍लेक्‍या जेदालाक।

योहान्‍ना 14:20

होदे ङीमागोला, ङा याप नाङ हो़गीन धाङ खेक्‍या ङी नाङ हो़गीन धेनी ङा खेक्‍याई नाङ हो़गीनगो खेक्‍याई स्‍येगीलाक।

योहान्‍ना 5:36

“हीना ङाला हो़गीन धेन्‍पाङगो योहान्‍नाला क्षे हो़क। घीझ्‍येरी ॱनाना यापगी डुप्‍तु च्‍युक्‍ये क्षाक्‍ले, ङाला ॱनाङगीनक्‍या ङा झ्‍यीदीहो़क धेनी देक्‍यागीराङ यापगी ङाला ॱङाक्‍पालाक ॱनेरी पाङपो झ्‍यीदालाक।

जेपा 2:22

“ईस्‍राएल्‍पा मीक्‍याओ, ङी लाब ङेन्‍रोनाङ, नाजारेतगी येशुने को़न्‍क्षोकगी खेराङक्‍याई घुङदु स्‍युक क्षेन्‍बो धाङ ॱहाङसागीन लेगाक्‍या झ्‍येरी, धेनी ताकक्‍या तो़न्‍गीनगो खेराङक्‍याला क्षा हो़तालाक। होदेक्‍याने को़न्‍क्षोकगी येशुला खेराङक्‍याई घुङदु झावाहीन ॱनागीन, पाङपोगो तो़न्‍दा जेपालाक।

ईब्‍रीपा 2:4

धेनी को़न्‍क्षोकगीयाः ताकक्‍या धाङ ॱहाङसागीन क्षाक्‍लेक्‍या धाङ नी़थु ॱनाछोकगी क्षाक्‍लेक्‍या धाङ राङगी थुकोङला तेन्‍ती टामा जेजा, धाम्‍पे थुक्‍ङीगी ॱनाङज्‍यीनक्‍याई थोक्‍ने होदेगी धेन्‍पाङ जेपालाक।