योहान्‍ना 14:10 - ॱलोवा

¹⁰ ङा याप नाङ हो़गीन धाङ याप ङी नाङ हो़गीनगो खेक्‍याई धेपा मीझ्‍यीदाले? ङी खेक्‍याला स्‍येगीन लाबक्‍या ङाराङगी वाङने स्‍येदामेन हीना ङी नाङ श्‍युक्‍कीन, यापगी राङगी क्षाक्‍लेक्‍या जेदालाक।

योहान्‍ना 14:10 Iomraidhean Croise

योहान्‍ना 10:30

ङा धाङ याप नी च्‍यीक हीन।”

योहान्‍ना 10:38

हीना ङी लेगा देक्‍या झ्‍येरी, धोराङा खेक्‍या यी ॱमेछेना, लेगाक्‍याला यीच्‍चे झ्‍यी। होझ्‍येरी याप ङी नाङदु हो़गीन धाङ ङा यापगी नाङदु हो़गीनगो, खेक्‍याई ॱहाघोरती स्‍येलास्‍योक।”

योहान्‍ना 11:26

धेनी ङाला ॱनेगीन धाङ धेपा झ्‍यीगीनक्‍या नामा ॱमीस्‍यीगीलाक। खेक्‍या देला यीच्‍चे हो़ते?”

योहान्‍ना 12:49

घीझ्‍येरी ॱनाना ङी ङाराङगी थोक्‍ने स्‍येदामेन हीना ङाला ॱङाक्‍कीन यापगीराङ, ङी घी ॱनाघो़गीन धाङ स्‍येघो़गीनगी़ का ङाला ॱनाङ हो़तालाक।

योहान्‍ना 14:11

ङा याप नाङ हो़गीन धाङ याप ङी नाङ हो़गीनला धेपा झ्‍यी। याङमेना ङी लेगाक्‍याला तेरी धेपा झ्‍यी।

योहान्‍ना 14:20

होदे ङीमागोला, ङा याप नाङ हो़गीन धाङ खेक्‍या ङी नाङ हो़गीन धेनी ङा खेक्‍याई नाङ हो़गीनगो खेक्‍याई स्‍येगीलाक।

योहान्‍ना 14:24

धेनी ङाला झाम्‍पा मीझ्‍यीगीनगी ङी का ॱरुङगीमालाक। खेक्‍याई ङेन्‍गीन का दे ङाने मेन्‍दा ङाला ॱङाक्‍कीन यापने लाक।

योहान्‍ना 17:8

घीझ्‍येरी ॱनाना खेराङगी ङाला ॱनाङना काक्‍या, ङी खुङक्‍याला तेरपाहीन धेनी खुङक्‍याई होदे खेलेन्‍दी, ङा नी खेराङने झ्‍युङगीनगो खुङक्‍याई ॱङोन्‍ने स्‍येदुक। धेनी ङा नी खेराङगी ॱङाक्‍पालाक ॱनेरी खुङक्‍याई धेपा झ्‍येदुक।

योहान्‍ना 3:2

खो छेन च्‍यीक येशुचारु होरी खोङबाला श्‍यी़वालाक, “राब्‍बी, खेराङ को़न्‍क्षोकने फेप्‍पा ॱलोपो़न च्‍यीक लाक ॱनेरी, हेक्‍याला स्‍येयेहो़क घीझ्‍येरी ॱनाना को़न्‍क्षोक खेराङमुला मेना, खेराङगी जेजा दे ताकक्‍या श्‍येम्‍मा सी़या झ्‍यी ॱमीथुक्‍कीलाक।”

योहान्‍ना 5:17

हीना येशुगी खुङक्‍याला सुवालाक, “ङी यापगी धान्‍दा थुक्‍पे क्षाक्‍ले जेदालाक धेनी ङा झ्‍यीदाहीन।”

योहान्‍ना 5:19

येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, यापगी घी जेगीनगो, से गीया होदे च्‍योक्‍रे जेदालाक। धेनी यापगी जेगीनगो मीशीक्‍वा, से राङगी घीया जे ॱमीथुक्‍कीलाक।

योहान्‍ना 7:16

धेनी येशुगी सुङा जेपालाक, “ङी स्‍येगीन क्षो़ दे, ङाराङगी मेन हीना ङाला ॱङाक्‍कीनगी हीन।

योहान्‍ना 8:28

होझ्‍येरी येशुगी खुङक्‍याला सुवालाक, “खेक्‍याई मी-भुला याला ताक्‍यी घाङला, ‘ङा खोङराङ लाक’ ॱनेरी खेक्‍याई ॱहाघोरकीलाक। धेनी ङी राङङीला तेन्‍दी घीया माझ्‍येवा, हीना यापगी ॱलाप्‍कीन च्‍योक्‍रे स्‍येगीनगो खेक्‍याई ॱहाघोरकीलाक।

योहान्‍ना 8:38

ङी ङाराङगी यापगी डुङदु घी थोङ हो़गीनगो स्‍येदीहो़क धेनी खेक्‍या खेरी यापने घी घोरकीनगो झ्‍यीदालाक।”

योहान्‍ना 8:40

धा ङी को़न्‍क्षोकगी डुङने घोरकीन धेन्‍पागो, खेक्‍याला ॱनेहो़क हीना खेक्‍या ङाला सेये थापस्‍यी चालालाक। आब्‍राहामगी देरे माझ्‍येवालाक।

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

२ कोरीन्‍थुपा 5:19

होदे नी, मास्‍यीकाई थोक्‍ने, को़न्‍क्षोकगी जीक्‍तेन देला राङमुला दुमा जेदी हो़तालाक। धेनी मीक्‍याई धीक्‍पागी क्‍यो़नक्‍याई ची मेश्‍या, थी़न्‍ढीलगी ताम्‍शाङगो होराङला ॱनावालाक।

कोलोसेपा 1:19

घीझ्‍येरी ॱनाना को़न्‍क्षोकगी फी़न्‍सुम छोक्‍पा घीरी खोङगी नाङ ॱनेयेला, को़न्‍क्षोक थुक घेवालाक।

कोलोसेपा 2:9

घीझ्‍येरी ॱनाना को़न्‍क्षोकगी फी़न्‍सुम छोक्‍पा घीरी, ली़ला मास्‍यीकागी नाङ ॱनेलालाक।

१ योहान्‍ना 5:7

घीझ्‍येरी ॱनाना पाङपो झ्‍यीगीन सुम हो़तालाक,