योहान्‍ना 13:5 - ॱलोवा

⁵ धेनी श्‍योङपा नाङदु क्षु ॱलुक्‍ती, ङेनेक्‍याई काङबा ठी़ये गो चुक्‍पालाक। धेनी राङगी केपाला टीटा छीरेगी होदेक्‍या क्षी जेपालाक।

योहान्‍ना 13:5 Iomraidhean Croise

लुका 7:38

धेनी येशुगी ग्‍याप स्‍योकला, खोङबागी श्‍यापदु लारी ङी़री धेपालाक धेनी मी़ ॱमीक्‍क्षुगी खोङबागी श्‍याप ॱलो़म्‍बा शो़री, मोरी ॱरागी होदी ॱमीक्‍क्षु फीवालाक। धेनी खोङबागी श्‍यापला ओ झ्‍येरी, पो़क्षुगो ढी़वालाक।

लुका 7:44

धेनी होदे केमी स्‍योकला शीक्‍ती, खोङबागी सीमोनला सुवालाक, “दे केमीला थोङी? ङा ख्‍यी़ नाङदु जुरी, ख्‍यी़ ङाला काङबा ठुगीन क्षु तेरकी मीदुक हीना मी़ ङी काङबा मोरी ॱमीक्‍क्षुगी ठी़री मोरी ॱरागी फीजुङ।

योहान्‍ना 13:10

येशुगी खोला सुवालाक, “ठी़ ग्‍याप्‍सागीनगी़ काङबा माना, घीया ठी़ मेघोगीलाक। खो चाङमा हुङालाक। धेनी खेक्‍या चाङमा हीन हीना घीरी मालाक।”

योहान्‍ना 13:6

खोङबा सीमोन पेटोचारु फेई घाङला, खी़ खोङबाला श्‍यी़वालाक, “चोवो, खेराङ ङी काङबा ठी़ये जेदाले?”

योहान्‍ना 13:8

पेटोगी येशुला श्‍यी़वालाक, “खेराङगी ङी काङबा नामा ठी़ये मेतालाक।” येशुगी खोला लेन ॱनावालाक, “ङी ख्‍यो़ला ॱमाठी़ना, ख्‍यो़ ङीमुला ढेवा मेतालाक।”

योहान्‍ना 19:34

घीहीन्‍ना, ॱमाक्‍मीक्‍याने च्‍यीकगी येशुगी श्‍योकला दुङ चुक्‍पालाक धेनी ठाक धाङ क्षु थेङ च्‍यीक्‍लाराङ थो़न्‍बालाक।

जेपा 22:16

होझ्‍येरी धा ख्‍यो़ घीला घुक्‍ती धेता? लोङ धेनी ठी़सो़ लेन धेनी ख्‍यो़री धीक्‍पाक्‍या चाङमा शोयेला, चोवो येशुगी छेन भो़।’

१ कोरीन्‍थुपा 6:11

धेनी खेक्‍या नाङने रीङगा एम्‍मा देरे हो़तालाक। हीना चोवो येशु मास्‍यीकागी छेन धाङ होरी को़न्‍क्षोकगी थुक्‍ङीगी थोक्‍ने, खेक्‍या चाङमा धाङ धाम्‍पा धाङ ढाङपो जेपालाक।

एफीसुपा 5:26

दीगी दो़नगो, क्षो़छोकला धाम्‍पा जेयेगी क्षीला कागी थोक्‍ने, क्षुगी ठी़री चाङमा जेपालाक।

१ तीमोथेउ 5:10

धेनी मी़ टुवाक्‍या सो़क्‍योङ झ्‍येजा धाङ डो़न्‍बोक्‍याला झाम्‍पा झ्‍येजा धाङ धेपा झ्‍यीगीन धाम्‍पा मीक्‍याई श्‍याप ठी़ठा धाङ दुक्‍पु ङ्याङगीनक्‍याला रोवा झ्‍येजा धाङ ले शाङा घीरीला दो़नाङ तेरता, देरे ले शाङाक्‍याई क्षीला मी़ मीङडाक क्षे हुङ घोगुलाक।

ईब्‍रीपा 10:22

होरी सेम नाङगी साम्‍लो ङेन्‍पाक्‍या, मास्‍यीकागी कुठाक तोरती दाक्‍ता धाङ होरी ली़ क्षु चाङमागी ठी़री, होराङ सेम ढाङपो धाङ यीच्‍चे तेन्‍पोगी खारी, होराङ को़न्‍क्षोकगी डुङदु डो।

१ योहान्‍ना 1:7

हीना खोङबा हो़क नाङला हो़गीन च्‍योक्‍रे होराङक्‍या हो़क नाङला ग्‍युक्‍ना, होराङक्‍या च्‍यीकगी च्‍यीक नाङदु थी़न्‍डील झ्‍युङालाक धेनी खोङबागी से येशुगी कुठाकगी होराङक्‍याला, धीक्‍पा घीरीने चाङमा जेदालाक।

१ योहान्‍ना 5:6

खोङबाराङ क्षु धाङ ठाकगी गोने फेप्‍कीन, येशु मास्‍यीका लाक। खोङबा क्षुगी गोने च्‍यीगा मेन्‍दा, क्षु धाङ ठाक ॱङीगाराने फेप्‍पालाक। धेनी धेन्‍पा हीन्‍गीन धाम्‍पे थुक्‍ङीगी खोङला पाङपो जेदालाक।

ॱङो़न्‍पा 7:14

ङी खोङला ॱनेवी, “ॱलोपो़न ला, खेराङ राङ खेन्‍दालाक।” धेनी खोङगी ङाला सुजुङ, “देक्‍या नी, दुक्‍पु क्षेने थो़न्‍दी होवाक्‍या लाक। धेनी खुङक्‍याई राङगी घो़, लुक्‍टुगी ठाकला ठी़री काउ शो़ हो़तालाक।”