योहान्‍ना 13:34 - ॱलोवा

³⁴ “ङा खेक्‍याला काठीम साबा च्‍यीक तेराहीन, च्‍यीकगी च्‍यीकला झाम्‍पा झ्‍यी। ङी खेक्‍याला झाम्‍पा झ्‍यीगीन च्‍योक्‍रे, खेक्‍यागीया च्‍यीकगी च्‍यीकला झाम्‍पा झ्‍यी।

योहान्‍ना 13:34 Iomraidhean Croise

मेथा 5:44

हीना ङा खेक्‍याला ॱनाहीन, राङगी डाक्‍याला चेवा झ्‍यी धेनी ख्‍यो़ला ॱनो़ क्‍यागीनक्‍याई दो़न्‍दु सोवा धेप।

योहान्‍ना 15:17

च्‍यीकगी च्‍यीकला झाम्‍पा झ्‍यी, देराङ खेक्‍याला ङी कागो हीन।”

योहान्‍ना 17:21

खुङक्‍या घीरी च्‍यीक झ्‍युङयेगी क्षीला ङा सोवा ग्‍यावाहीन। के याप, खेराङ ङी नाङ श्‍युक्‍कीन धाङ ङा खेराङ नाङ हो़गीन च्‍योक्‍रे, खुङक्‍याः होराङ ॱङीउ नाङ च्‍यीक झ्‍युङास्‍योक। धेनी खेराङगी ङाला ॱङाक्‍पालाक ॱनेरी जीक्‍तेनगी धेपा झ्‍यीदास्‍योक।

रोमापा 12:10

पी़नगी चीदोङ च्‍योक्‍रे, च्‍यीकगी च्‍यीकला झाम्‍पा झ्‍यी। राङने ल्‍हाक श्‍येम्‍माला घुस्‍याप झ्‍यी।

रोमापा 13:10

झाम्‍पागी खीम्‍चेला ॱनो़ ॱमेक्‍यालालाक। होझ्‍येरी झाम्‍पा झ्‍यीये नी, क्षो़ठीम डुप्‍ये लाक।

रोमापा 13:8

च्‍यीकगी च्‍यीकला झाम्‍पा झ्‍यीये माना, श्‍येम्‍मा दो़न घीन्‍गीयाः भुलीङ होकला छी़दी माधे। घीझ्‍येरी ॱनाना राङगी खीम्‍चेला, झाम्‍पा झ्‍यीगीनगी़ क्षो़ठीमगो डुपालाक।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

गालातीयापा 6:10

होझ्‍येरी घुकाप जोरी घाङला होराङ मी घीरीला शाङा झ्‍येरी डो, धेनी ॱङोन्‍ने झ्‍यीना होरी धेपागी मीजाङक्‍याला झ्‍यी।

गालातीयापा 6:2

च्‍यीकगी श्‍येम्‍मागी खुक्‍या खुर धेनी देरे झ्‍येरीराङ मास्‍यीकागी क्षो़ठीम डुप्‍तु च्‍युक।

एफीसुपा 5:2

धेनी मास्‍यीकागी होराङला झाम्‍पा जेदी, राङगी ॱरोक होरी क्षीला को़न्‍क्षोकगी डुङदु ढीस्‍यीमगी क्षो़पा धाङ ॱमारछो़ च्‍योक्‍रे झ्‍युरी, ॱलो़ ताङ जेगीन च्‍योक्‍रे, खेक्‍या झाम्‍पागी नाङने मीछे क्‍यो।

कोलोसेपा 1:4

घीझ्‍येरी ॱनाना मास्‍यीका येशुगी खाला, खीकी धेपा धाङ धाम्‍पे मीक्‍या घीरीला खीकी चेवागी कोरला हीकी घोरहो़क।

१ थेसालोनीकेपा 3:12

धेनी हीकी खेक्‍याला चेवा झ्‍यीगीन च्‍योक्‍रे, चोवोगी खेक्‍याला च्‍यीकगी च्‍यीकला चेवा धाङ मी घीरीमुला चेवा फेरी मेछो़ली जेदास्‍योक।

२ थेसालोनीकेपा 1:3

पी़न्‍दाक्‍याओ, खेक्‍याई क्षीला हेक्‍या च्‍योई को़न्‍क्षोकला काटीन्‍क्षे श्‍यु घोली धेनी दे श्‍यु घोयेदुक घीझ्‍येरी ॱनाना खेक्‍याई धेपा ॱमीच्‍यीकी फेदुक धेनी फेन्‍छुनक्‍या नाङदुवा चेवा क्षेरु डी़।

ईब्‍रीपा 13:1

खेक्‍या च्‍यीकगी च्‍यीकला पी़न्‍दा च्‍योक्‍रे, च्‍योई झाम्‍पा झ्‍यीघो़।

याकोब 2:8

सुङरापला, “खेक्‍याई राङगी खीम्‍चेला राङला च्‍योक्‍रे, चेवा झ्‍यी” सुरी सुङसा ग्‍यावुगी का दे ॱङोन्‍ने डुप्‍तु च्‍युक्‍ना, खेक्‍याई शाङा झ्‍यीदालाक।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

२ पेटो 1:7

धेनी क्षो़सेमला पी़नक्‍याला झ्‍यीगीन झाम्‍पा धेनी पी़नक्‍याला झ्‍यीगीन झाम्‍पा खाला घीरीला झ्‍यीगीन झाम्‍पागो ॱनो़न्‍गा ग्‍योप।

१ योहान्‍ना 3:11

“होराङ च्‍यीकगी च्‍यीकला झाम्‍पा झ्‍यीघो़।” ॱनागीन, खेक्‍याई एम्‍माने घोरकीन कालोपगो दे लाक।

१ योहान्‍ना 3:23

धेनी को़न्‍क्षोकगी का नी, खोङगी से येशु मास्‍यीकागी छेनला होरी धेपा झ्‍यीघोये धाङ खोङगी होराङला ॱनाङना काठीम च्‍योक्‍रे, होराङ च्‍यीकगी च्‍यीकला झाम्‍पा झ्‍यीघोये लाक।

१ योहान्‍ना 4:21

को़न्‍क्षोकला चेवा झ्‍यीगीनगी, राङगी पी़नला झाम्‍पा झ्‍यीघो़। दे नी, खोङबागी होराङला ॱनाङना का लाक।

२ योहान्‍ना 1:5

धा चेवे भोमो, ङा ख्‍यो़ला काठीम साबा च्‍यीक ढीयामेन हीना एम्‍माने होरीमुला हो़गीन, काठीमगो राङ ढीयाहीन। खेक्‍या च्‍यीकगी च्‍यीकला झाम्‍पा झ्‍यी ॱनेरी, ङा श्‍योवा पुलाहीन।