योहान्‍ना 13:31 - ॱलोवा

³¹ धा युदा फीला सोसारती, येशुगी सुवालाक, “धा मी-भु शीजेला ॱङो़न दुक धेनी को़न्‍क्षोक खी़ थोक्‍ने शीजेला ॱङो़न दुक।

योहान्‍ना 13:31 Iomraidhean Croise

मेथा 8:20

धेनी येशुगी सुवालाक, “स्‍याल्‍लाक्‍याला धेजा फु हो़तालाक धेनी ॱनामगी झ्‍याक्‍याला झ्‍याछाङ हुङालाक हीना मी-भुला गोवा श्‍याक्‍सा सा मेतालाक।”

लुका 12:50

ङा ठी़सो़ च्‍यीक लेन्‍घोये हो़क। होदे ठी़सो़ माडुप थुक्‍पे, ङाला ॱमीच्‍यीकी ङ्या क्षे दुक।

योहान्‍ना 11:4

हीना येशुगी दे सेन्‍दी सुवालाक, “नाजा दी छीवाला झाङगीमालाक। को़न्‍क्षोकगी शीजे ॱङो़न्‍येगी क्षीला धाङ दी थोक्‍ने, को़न्‍क्षोकगी सेगी शीजे झ्‍युङयेगी क्षीला लाक।”

योहान्‍ना 12:23

येशुगी खुङ ॱङीउला लेन ॱनावालाक, “मी-भु शीजेला ॱङो़न्‍येगी धी़चो़ रीन्‍सोङ।

योहान्‍ना 12:28

याप ला, खेराङगी छेनला शीजे धाङ धेन्‍पा जेरो।” धेनी नाम्‍खे श्‍यीङखामने सुङकेक च्‍यीकगी सुवालाक, “ङी शीजे धाङ धेन्‍पा जेहो़क धेनी धाब्‍ले शीजे धाङ धेन्‍पा झ्‍यीयेहीन।”

योहान्‍ना 14:13

यापगी शीजे सेगी थोक्‍ने ॱङो़न्‍येला, खेक्‍याई ङी मीङला घी श्‍यी़, होदे ङी झ्‍यीयेहीन।

योहान्‍ना 16:14

खोङगी ङी शीजे ॱङो़न्‍दु जेगीलाक घीझ्‍येरी ॱनाना ङी घी हीन्‍गीनगो, खोङगी ङाने लेन्‍दी खेक्‍याला तो़न्‍दा जेगीलाक।

योहान्‍ना 7:39

हीना खोङला धेपा झ्‍यीगीनक्‍याला थोप्‍ये हीन्‍गीन, धाम्‍पे थुक्‍ङीगी कोरला येशुगी सुवालाक। घीहीनाः येशु शीजेला ॱमाफाक्‍पा झ्‍येरी, धाम्‍पे थुक्‍ङीगो धोराङा ॱमानाङ हो़तालाक।

जेपा 2:36

“होझ्‍येरी धा ईस्‍राएलगी मी घीरीगी दे लाब ॱहाघो घोगुलाक। खेराङक्‍याई ग्‍याङस्‍यीङदु सेसा येशुला राङ को़न्‍क्षोकगी, चोवो धाङ मास्‍यीका ङीगारा को़ जे हो़तालाक।”

जेपा 3:13

देरे मालाक होरी धाङबी मेमे आब्‍राहाम धाङ ईसाक धाङ याकोबगी को़न्‍क्षोकगीराङ, राङगी श्‍याप्‍ची येशुला तो़टा जेसुङ। खेराङक्‍याई येशुला सेक घोगीलाक ॱनेरी, ची ग्‍याप्‍पालाक। धेनी पीलातुगी खोङबाला घीन्‍दा मीझ्‍यीदा भोरये झ्‍यीदी घाङलाः, खेराङक्‍याई खेलेन माझ्‍येजुङ।

२ कोरीन्‍थुपा 3:18

धेनी होराङ दोङकेप स्‍युस्‍याक्‍याई चोवोगी शीजेला मेलोङ च्‍योक्‍रे तो़न्‍दालाक धेनी शीजे देले ल्‍हाक शीजे क्षेला, होराङक्‍या खोङबा च्‍योक्‍रे झ्‍युङयेला ग्‍युरती डोवालाक। शीजे दे नी, थुक्‍ङी हीन्‍गीन चोवोने हुङालाक।

एफीसुपा 1:12

दे नी मास्‍यीकाला रेवा झ्‍यीगीन हे धाङस्‍योकक्‍याई को़न्‍क्षोकगी शीजेला, तो़पा हुङयेगी क्षीला लाक।

एफीसुपा 2:7

दे नी माउपारगी धी़ला खोङबागी मास्‍यीका येशुगी थोक्‍ने, होराङला ॱनाङना ॱङीङजेगी गोने, राङगी ढाङमेगी थुक्‍जे दे, मीक्‍याला तो़न्‍येगी क्षीला लाक।

एफीसुपा 3:10

दे नी, क्षो़छोकगी गोने नाम्‍खे श्‍यीङखामदु हो़गीन पो़न्‍पोक्‍या धाङ वाङ झ्‍यीगीनक्‍याला, को़न्‍क्षोकगी स्‍येराप ॱनाम्‍पा ॱनाछोक धान्‍दा ॱङो़न्‍दु जेयेगी क्षीला लाक।

फीलीप्‍पीपा 2:11

धेनी याप को़न्‍क्षोकला शीजे हुङयेगी क्षीदु, येशु मास्‍यीकाराङ चोवो हीन ॱनेरी, च्‍येमो हो़लेगी खेलेन झ्‍यीगीलाक।

१ पेटो 1:21

धेनी खेक्‍या खोङबागी गोनेराङ, को़न्‍क्षोकला धेपा केवालाक। को़न्‍क्षोकगी खोङला छीवाने सो़न्‍पो जेदी, खोङला शीजे जेपालाक। होझ्‍येरी खेक्‍या को़न्‍क्षोकला धेपा झ्‍येरी रेवा झ्‍यीदालाक।

१ पेटो 2:12

धेनी धेपा मीझ्‍यीगीनक्‍याई खोक्‍दु चो़पा शाङपो झ्‍यी। घीझ्‍येरी ॱनाना खुङक्‍याई खेक्‍याला ङेन्‍पा झ्‍यीगीन ॱनेरी क्‍यो़न च्‍युई घाङला, खुङक्‍याई खीकी ले शाङाक्‍या थोङास्‍योक धेनी को़न्‍क्षोक फेप्‍ये ङीमाला, खुङक्‍याई खोङबाला तो़पा पुलास्‍योक।

१ पेटो 4:11

दो़न घीरीगी थोक्‍ने, येशु मास्‍यीकागी थोक्‍ने को़न्‍क्षोकगी शीजे झ्‍युङयेगी क्षीदु, खेक्‍याने क्षो़ स्‍येगीनगी को़न्‍क्षोकगी का सुङगीन च्‍योक्‍रे स्‍येघो़ धेनी खेक्‍याने श्‍याप्‍ची श्‍युगीनगी को़न्‍क्षोकगी ॱनाङना तोपगी गोने श्‍याप्‍ची श्‍यी़घो़। धी़ तेन्‍दु शीजे धाङ वाङ खोङबागी लाक। आमेन।