योहान्‍ना 13:27 - ॱलोवा

²⁷ ग्‍याङगागी दुबुगो लेन्‍लुङ मेताला युदागी नाङदु धी़क जुवालाक। धेनी येशुगी खोला सुवालाक, “ख्‍यी़ घी झ्‍यीये हीन्‍गीनगो ग्‍योक्‍जे झ्‍यी।”

योहान्‍ना 13:27 Iomraidhean Croise

मेथा 12:45

धेनी होदे सोरी खोरीमुला खोराङने ङेन्‍पा ॱनो़पा श्‍येम्‍मा धी़नला ठीक्‍ती, होदे नाङदु जुरी धेगीलाक। धेनी मी देगी ॱनेछुगो एम्‍माने दुक्‍तु डुगीलाक। होझ्‍येरी दे मीराप ङेन्‍पा देला देरेराङ झ्‍युङगीलाक।”

मेथा 4:10

धेनी येशुगी सुवालाक, “सातान, ॱहाला सोङ। घीझ्‍येरी ॱनाना देरे ढीक हो़तालाक, ‘ख्‍यी़ चोवो राङगी को़न्‍क्षोकला क्षाक्‍क्षो़पा पु धेनी खोङबाला च्‍यीगा श्‍याप्‍ची श्‍यी़।’”

मारकु 6:25

धेनी मो लाम्‍साङ ॱमीच्‍यीकी ढेला झ्‍येरी, नाङदु ग्‍यावुचारु होरी ॱनेवालाक, “धान्‍दाराङ ङाला ठी़सो़ ॱनाङगीन योहान्‍नागी गोवागो, देरमा नाङदु ॱनाङरोझ्‍यी ॱनेरी, ङा श्‍यी़लाहीन।”

लुका 22:3

धेनी ङेने च्‍युङङीने ईस्‍कारीयोत ॱनागीन, युदागी सेम नाङदु सातान जुवालाक।

योहान्‍ना 13:2

घोमो श्‍येलाक श्‍येयेगी धी़ला, सीमोनगी भीजा युदा ईस्‍कारीयोतगी सेमला धी़कगी, येशुला डा लाकला ची ग्‍याप्‍येगी साम्‍लो श्‍याक्‍छारालाक।

योहान्‍ना 13:28

हीना होदुरु हो़गीन सी़या, खोङबागी खोला दे घीझ्‍येरी सुङगीनगी दो़नगो ॱहामाघोवालाक।

योहान्‍ना 6:70

येशुगी खुङक्‍याला कालेनदु सुवालाक, “खे च्‍युङङी घीरीला ङी दाम्‍बा माले? हीना खेक्‍याने च्‍यीक धी़क लाक।”

जेपा 5:3

धेनी पेटोगी ॱनेवालाक, “आनानीया, ख्‍यो़री सेम धी़कगी आङजाला तेरती, धाम्‍पे थुक्‍ङीमुला घीझ्‍येरी शोक स्‍येदा? सा चोचाने आले तीते च्‍यीक ख्‍यो़रीमुला घीझ्‍येरी बो़री श्‍याकआ?