योहान्‍ना 13:21 - ॱलोवा

²¹ देक्‍या सुङसारती येशु थुक ठुक्‍ती सुङा जेपालाक, “ङा खेक्‍याला धेन्‍पा धेनक्‍याङ ॱनाहीन, खेक्‍या नाङने च्‍यीकगी ङाला डागी लाकला ची ग्‍याप्‍कीलाक।”

योहान्‍ना 13:21 Iomraidhean Croise

मेथा 26:21

धेनी खोङबाक्‍या श्‍येली घाङला, खोङबागी सुवालाक, “ङा धेन्‍पाराङ खेक्‍याला ॱनाहीन, खेक्‍याने च्‍यीकगी ङाला डागी लाकदु ची ग्‍याप्‍कीलाक।”

मेथा 26:38

धेनी खोङबागी खुङक्‍याला सुवालाक, “ङी सेम सेम्‍दुकगी झ्‍येरी, स्‍यीस्‍या च्‍योक्‍रे झ्‍युदुक। खेक्‍या दुरु ङीमुला ॱङी मालोक्‍वा धो़क।”

मारकु 14:18

धेनी खोङबाक्‍या श्‍युक्‍ती श्‍येलाक श्‍येली घाङला येशुगी सुवालाक, “ङा धेन्‍पाराङ खेक्‍याला ॱनाहीन, खेक्‍याने मी च्‍यीकगी ङाला डागी लाक्‍पाला ची ग्‍याप्‍कीलाक।”

मारकु 3:5

खुङक्‍याई सेम ॱरागोला येशुगी थुक फाम्‍दी खोङडो लारी, खुङक्‍या घीरीला शीक्‍पालाक। धेनी होदे मीला सुवालाक, “ख्‍यो़री लाक्‍पा क्‍योङ।” खी़ लाक्‍पा क्‍यावालाक धेनी खी़ लाक्‍पा चो़गा झ्‍युवालाक।

योहान्‍ना 11:33

येशुगी मो धाङ मी़मुला हो़गीन याहुदापाक्‍या ङुगीनगो शीक्‍ती, खोङबा ॱमीच्‍यीकी थुक फाम्‍दी सेम क्‍योवालाक।

योहान्‍ना 11:35

येशु स्‍युम्‍बालाक।

योहान्‍ना 11:38

येशु याङ थुक फाम्‍दी, धी़ठोदु फेप्‍पालाक। धी़ठोगो नी डाक्‍फु च्‍यीक हो़तालाक। धेनी होदे घोगोला, धोगोङ क्षे च्‍यीक श्‍याक हो़तालाक।

योहान्‍ना 12:27

“धा ङी सेम ठुक दुक। ङा घी ॱनागु? के याप, दे धी़चो़ देने ङाला क्‍योबा जो़। मालाक, ङा दो़न दीगी क्षीलाराङ दे धी़ थुक्‍पे होवाहीन।

योहान्‍ना 13:18

“ङा खे घीरीगी कोरला स्‍येदामेन। ङी दाम्‍दाक्‍याला ङा स्‍येलीहो़क। हीना सुङरापला ढीक्‍टा ‘ङी ग्‍याङगा शागीनगी़राङ ङाला दोक ग्‍याप्‍जुङ।’ ॱनागीन दे डुप घो़गीलाक।

योहान्‍ना 13:2

घोमो श्‍येलाक श्‍येयेगी धी़ला, सीमोनगी भीजा युदा ईस्‍कारीयोतगी सेमला धी़कगी, येशुला डा लाकला ची ग्‍याप्‍येगी साम्‍लो श्‍याक्‍छारालाक।

योहान्‍ना 13:22

खोङबागी सी़ कोरला सुङगीनगो, ॱहामाघोवा ङेनेक्‍याई च्‍यीकगी च्‍यीकला तेवालाक।

जेपा 17:16

पाउलु एथेनेरु सीलवानु धाङ तीमोथेउला घुक्‍ती धेदी घाङला, होदे ग्‍याजा घीरी कुगी खाङखा थोरी ॱमीच्‍यीकी सेम धुक्‍पालाक।

१ योहान्‍ना 2:19

खुङक्‍या होरी घुङनेराङ थो़न्‍दी सोवालाक हीना खुङक्‍या ॱङोन्‍नेगो, होराङ स्‍योकने मालाक। घीझ्‍येरी ॱनाना खुङक्‍या होराङ स्‍योकने हीन्‍ना, खुङक्‍या होराङमुला राङ धे हो़टु हीना खुङक्‍या घीरी होराङने डारी डुगीनगी़ राङ, होराङ स्‍योकगी मालाक ॱनेरी सावो झ्‍युङालाक।