योहान्‍ना 13:14 - ॱलोवा

¹⁴ ङा खेक्‍याई ॱलोपो़न धाङ चोवो झ्‍युरीया, खेक्‍याई काङबा ठी़हो़ना, खेक्‍याः च्‍यीकगी काङबा च्‍यीकगी ठी़घो़।

योहान्‍ना 13:14 Iomraidhean Croise

योहान्‍ना 11:2

चोवोगी श्‍यापला पो़क्षु ॱलुक्‍ती, राङगी टागी फीगीन मीरीयामगो मोराङ लाक। मी़ नो लाजार नेपा हो़तालाक।

जेपा 20:35

देरे झ्‍येरी ‘लेन्‍गीनक्‍यानेः तेरकीनक्‍याला माङा झ्‍यीलाप हो़तालाक’ ॱनेरी, चोवो येशु खोङबा राङगी सुङसा लाब देला ढेन्‍सो़ झ्‍येरी, मी क्‍योवाक्‍याला काल्‍ले झ्‍येरी रोवा झ्‍यी थुप्‍कीनगो झ्‍यीघोये लाब, दे ङी लेगा घीरीला तो़न्‍हो़क।”

रोमापा 12:10

पी़नगी चीदोङ च्‍योक्‍रे, च्‍यीकगी च्‍यीकला झाम्‍पा झ्‍यी। राङने ल्‍हाक श्‍येम्‍माला घुस्‍याप झ्‍यी।

रोमापा 12:16

च्‍यीकगी च्‍यीकमुला थी़न्‍दी धो़क। राङतो़ माझ्‍यी हीना ॱङ्यामच्‍युङक्‍यामुला ढेवा झ्‍यी। धेनी हो़लेगो ख्‍यो़ला स्‍येये हो़गीन च्‍योक्‍रे माझ्‍यी।

१ कोरीन्‍थुपा 12:3

होझ्‍येरी को़न्‍क्षोकगी थुक्‍ङी गोने लाब ताङगीन सी़या “येशुला ॱमेमो फोक्‍वास्‍योक” ॱनेरी ॱमेनालाक धेनी धाम्‍पे थुक्‍ङीगी गोने च्‍यीगा “येशुराङ चोवो हीन।” ॱनेरी ॱना थुक्‍कीलाक ॱनागीन लाब दे, खेक्‍याई ॱहाघोकीनगो ङा दो़दीहो़क।

१ कोरीन्‍थुपा 8:13

होझ्‍येरी शामागी ङी पी़नला धीक्‍पा झ्‍यीदु च्‍युक्‍ना, ङा खोला धीक्‍पे नाङ छी़दु ॱमीच्‍युक्‍येगी क्षीदु नामा स्‍या मेशा।

२ कोरीन्‍थुपा 10:1

धा ङा पाउलु ङाराङ मास्‍यीकागी ॱङ्यामच्‍युङ धाङ झामगी गोने, खेक्‍याला श्‍योवा पुलाहीन। खेक्‍याई दोङदु ङा ॱङ्यामच्‍युङ धाङ खेक्‍याने थाक्‍रीङा हो़ताराङ ॱलोगोक क्षे हो़क।

२ कोरीन्‍थुपा 8:9

घीझ्‍येरी ॱनाना होरी चोवो येशु मास्‍यीकागी थुक्‍जे खेक्‍या स्‍येलालाक। खोङ क्षुक्‍पु झ्‍येरीयाः, खेक्‍याई दो़न्‍दु उटे झ्‍युवालाक। दे नी खोङ उटे झ्‍युङगीनगी थोक्‍ने, खेक्‍या क्षुक्‍पु झ्‍युङवास्‍योक ॱनेरी लाक।

गालातीयापा 5:13

पी़नक्‍याओ, खेक्‍या राङवाङगी दो़नला भो़वालाक। होदे राङवाङ दे ली़गी दो़छाक काङयेला भेचो़ माझ्‍यी, हीना खेक्‍या झाम्‍पागी थोक्‍ने च्‍यीकगी च्‍यीकला श्‍याप्‍ची श्‍यी़।

फीलीप्‍पीपा 2:11

धेनी याप को़न्‍क्षोकला शीजे हुङयेगी क्षीदु, येशु मास्‍यीकाराङ चोवो हीन ॱनेरी, च्‍येमो हो़लेगी खेलेन झ्‍यीगीलाक।

१ तीमोथेउ 5:10

धेनी मी़ टुवाक्‍या सो़क्‍योङ झ्‍येजा धाङ डो़न्‍बोक्‍याला झाम्‍पा झ्‍येजा धाङ धेपा झ्‍यीगीन धाम्‍पा मीक्‍याई श्‍याप ठी़ठा धाङ दुक्‍पु ङ्याङगीनक्‍याला रोवा झ्‍येजा धाङ ले शाङा घीरीला दो़नाङ तेरता, देरे ले शाङाक्‍याई क्षीला मी़ मीङडाक क्षे हुङ घोगुलाक।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

१ पेटो 4:1

होझ्‍येरी मास्‍यीकागीयाः कुली़ला दुक्‍पु ङ्याङगीन च्‍योक्‍रे, खेक्‍याः देरेराङ साम्‍लो खेरती राङला स्‍युक्‍क्षे शो़। घीझ्‍येरी ॱनाना ली़ला दुक्‍पु ङ्याङगीनगी धीक्‍पा पाङालाक।

१ पेटो 5:5

दुक झ्‍येरीराङ, श्‍यो़न्‍पाक्‍याओ, गेम्‍पाक्‍याई होकला धो़क। खेक्‍या घीरी ॱङ्यामच्‍युङगी थोक्‍ने, च्‍यीकगी च्‍यीकला श्‍याप्‍ची श्‍यी़ घीझ्‍येरी ॱनाना, “को़न्‍क्षोकगी ङागेल क्षेक्‍याला ङोलोक जेदालाक, हीना ॱङ्यामच्‍युङक्‍याला थुक्‍जे जेदालाक।”