योहान्‍ना 13:13 - ॱलोवा

¹³ खेक्‍या ङाला ॱलोपो़न धाङ चोवो ॱनेरी ॱनालाक। होदे खेक्‍या धेन्‍पा ॱनालाक। घीझ्‍येरी ॱनाना ङा होगोराङ हीन।

योहान्‍ना 13:13 Iomraidhean Croise

मेथा 20:28

होझ्‍येरी मी-भुगोवा श्‍याप्‍ची लेन्‍दु होवा मेन्‍दा, श्‍याप्‍ची श्‍युरु होवालाक धेनी मी माङागी थारपागी क्षीला, राङगी ॱरोक पुरु होवालाक।”

लुका 10:28

धेनी खोङबागी खोला सुवालाक, “ख्‍यी़ धेन्‍पा ॱनेजुङ। धा ख्‍यो़ देरे झ्‍यी धेनी ख्‍यो़ सो़न्‍पो ॱनेगीलाक।”

लुका 6:46

“ङी ॱनागीनगो मीझ्‍यीना, खेक्‍या घीझ्‍येरी ङाला ‘चोवो, चोवो’ ॱनेरी भो़लाले?

लुका 7:43

धेनी सीमोनगी ॱनेवालाक, “ङी साम्‍लोला भुलीङ माङा सेगीनगी़।” धेनी खोङबागी खोला सुवालाक, “ख्‍यी़ ढाङपो ॱनेजुङ।”

योहान्‍ना 11:2

चोवोगी श्‍यापला पो़क्षु ॱलुक्‍ती, राङगी टागी फीगीन मीरीयामगो मोराङ लाक। मी़ नो लाजार नेपा हो़तालाक।

योहान्‍ना 11:28

मी़ दे श्‍यी़सारती मोरी नुमो मीरीयामचारु सोरी मोला शुरला भो़री ॱनेवालाक, “ॱलोपो़न ला दुरु फेप्‍दुक। धेनी खोङबागी ख्‍यो़ला भो़ली।”

योहान्‍ना 11:3

धा ईजी ॱङीउगी, येशुला देरे लो़न कुरपालाक, “चोवो, खेराङगी चेवा झ्‍यीगीनगो नेपा दुक।”

१ कोरीन्‍थुपा 12:3

होझ्‍येरी को़न्‍क्षोकगी थुक्‍ङी गोने लाब ताङगीन सी़या “येशुला ॱमेमो फोक्‍वास्‍योक” ॱनेरी ॱमेनालाक धेनी धाम्‍पे थुक्‍ङीगी गोने च्‍यीगा “येशुराङ चोवो हीन।” ॱनेरी ॱना थुक्‍कीलाक ॱनागीन लाब दे, खेक्‍याई ॱहाघोकीनगो ङा दो़दीहो़क।

१ कोरीन्‍थुपा 8:6

हीना होरी क्षीदु याप को़न्‍क्षोक च्‍यीका हो़तालाक। खोङने राङ ॱङोपो घीरी झ्‍युवालाक धेनी खोङगी क्षीदुराङ होराङ छोवा क्‍यालालाक। धेनी चोवो च्‍यीक नी, येशु मास्‍यीका लाक धेनी खोङगी थोक्‍ने ॱङोपो घीरी झ्‍युवालाक धेनी खोङने होराङ छोवा क्‍यालालाक।

एफीसुपा 6:9

दाक्‍पोक्‍याओ, राङगी ढेन्‍योकक्‍याला देरेराङ चो़पा झ्‍यी धेनी नाम्‍खे श्‍यीङखामदु खे ॱङीगाराला ॱयेवा मेजेगीन खे ॱङीगारागी दाक्‍पो श्‍युक हो़तालाक ॱनेरी स्‍येरी, राङगी ढेन्‍योकक्‍याला जीक्‍नाङ ॱमाकु।

फीलीप्‍पीपा 2:11

धेनी याप को़न्‍क्षोकला शीजे हुङयेगी क्षीदु, येशु मास्‍यीकाराङ चोवो हीन ॱनेरी, च्‍येमो हो़लेगी खेलेन झ्‍यीगीलाक।

फीलीप्‍पीपा 3:8

देचो़ च्‍यीगा मेन्‍दा, मास्‍यीका येशुला ङी चोवो हीन ॱनेरी, ङो स्‍येयेगी देरे चाक्षे लाबगी दोङदु, श्‍येम्‍मा घीरी ङा ग्‍योङ चीलाहीन। खोङगी क्षीदु ङी घीरी ॱलो़ तावी धेनी होदे घीरी ङी झोरा चीलीहो़क। दे नी, ङा मास्‍यीकागी झ्‍युङास्‍योक ॱनेरी लाक।

याकोब 2:19

खेक्‍या को़न्‍क्षोक च्‍यीकराङ हीन ॱनेरी, धेपा झ्‍यीदालाक धेनी दे घा लाक। डेक्‍याः धेपा झ्‍यीदालाक धेनी जीक्‍ती दारालाक।