योहान्‍ना 13:10 - ॱलोवा

¹⁰ येशुगी खोला सुवालाक, “ठी़ ग्‍याप्‍सागीनगी़ काङबा माना, घीया ठी़ मेघोगीलाक। खो चाङमा हुङालाक। धेनी खेक्‍या चाङमा हीन हीना घीरी मालाक।”

योहान्‍ना 13:10 Iomraidhean Croise

मेथा 6:12

हीकी श्‍येनगी नोन्‍डु सेल्‍गीन च्‍योक्‍रे, हीकी धीक्‍पाक्‍या सेल्‍वा जे।

योहान्‍ना 13:18

“ङा खे घीरीगी कोरला स्‍येदामेन। ङी दाम्‍दाक्‍याला ङा स्‍येलीहो़क। हीना सुङरापला ढीक्‍टा ‘ङी ग्‍याङगा शागीनगी़राङ ङाला दोक ग्‍याप्‍जुङ।’ ॱनागीन दे डुप घो़गीलाक।

योहान्‍ना 13:9

सीमोन पेटोगी खोङला श्‍यी़वालाक, “चोवो, ङी काङबा च्‍यीगा मेन्‍दा, ङी लाक्‍पा धाङ गोवा ठी़रोक जे।”

योहान्‍ना 15:3

ङी स्‍येगीन का दी, खेक्‍या एन्‍दुरु चाङमा झ्‍युसावालाक।

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

२ कोरीन्‍थुपा 7:1

चेवे पी़नक्‍याओ, होराङक्‍याला धाम्‍चा देक्‍या हो़गीन झ्‍येरी, होराङक्‍या राङगी ली़ धाङ सेम्‍ङीला ॱमेचाङा शोगीन घीरीने, राङला चाङमा शोउ धेनी को़न्‍क्षोकला ॱङीङकुर झ्‍येरी, धाम्‍पे नाङ फी़न्‍सुम छोक्‍पा झ्‍युरी सोङ।

१ थेसालोनीकेपा 5:23

धा श्‍यीदे को़न्‍क्षोकगीराङ खेक्‍या नाङ हो़गीन घीरी, धाम्‍पा जेदास्‍योक धेनी होरी चोवो येशु मास्‍यीका फेवी घाङला, खेक्‍याई सेम्‍ङी धाङ सेम धाङ ली़ घीरी क्‍यो़न मेगीन ॱरुङवास्‍योक।

ईब्‍रीपा 9:10

देक्‍या नी शाये धाङ थुङये धाङ ठी़ ॱनाछोक झ्‍यीगीनगी ॱरो च्‍यीगा लाक। धेनी को़न्‍क्षोकने का साबा ॱमाथोप थुक्‍पे, देक्‍या नी फीदाने झ्‍यीगीन ठीमक्‍या लाक।

याकोब 3:2

घीझ्‍येरी ॱनाना होराङ घीरी नोन्‍डु माङा झ्‍यीदालाक। राङगी स्‍येगीन तामला नोन्‍डु मीझ्‍यीगीन मी नी, याङदाक्‍पा मी च्‍यीक लाक धेनी खी़ राङगी शु घीरीला च्‍याक ग्‍याप थुक्‍कीलाक।