योहान्‍ना 13:1 - ॱलोवा

¹ पेसाकगी धी़छेन एन्‍ला, येशु जीक्‍तेन दीने यापगी डुङदु फेप घोये धी़ भाप्‍कीनगो खोङबागी खेन्‍बालाक। धेनी जीक्‍तेनदु हो़गीन राङगी स्‍याम्‍ला डागीनक्‍याला, खोङबागी झाम्‍पा जेदी थामे धी़ थुक्‍पे, खोङगी झाम्‍पा जेपालाक।

योहान्‍ना 13:1 Iomraidhean Croise

मेथा 26:45

धेनी खोङबागी ङेनेक्‍याचारु फेप्‍ती सुवालाक, “खेक्‍या धोराङा ङ्यारी ॱङा सुरी धेताले? तो़दाङ, धी़चो़गो ॱलेप्‍सादुक। मी-भु धीक्‍चेनक्‍याई लाकदु ची ग्‍याप्‍कीलाक।

मेथा 28:20

धेनी ङी खेक्‍याला ॱलाप्‍कीन का घीरी ॱरुङयेला, खुङक्‍याला ॱलोप। धेनी थागी धी़ थुक्‍पे नाम्‍हीना, ङा खेक्‍यामुला हो़क ॱनेरी ॱहाघोरा झ्‍यी।”

लुका 22:53

ङा ङीमा तेनग्‍याङ क्षो़खाङदु खेक्‍यामुला हो़ती घाङला, खेक्‍याई ङाला माशीम्‍बालाक। हीना धान्‍दा खेक्‍याई धी़चो़ लाक धेनी मी़नाकगी वाङ लाक।”

लुका 9:51

येशुगी नाम्‍खे श्‍यीङखामला फेप्‍ये धी़चो़गो ॱलेप्‍ये झ्‍यीदी घाङला, खोङबागी येरुसालेमला डोये ॱनेरी थाक चेवालाक।

योहान्‍ना 11:55

याहुदापाक्‍याई पेसाकगी धी़छेनगो ङे ॱलेवी हो़तालाक धेनी पेसाकगी धी़छेन गो चुक्‍ये एन्‍ला, यु-युने मीमाङक्‍या येरुसालेमदु राङ-राङला चाङडागी ॱरो ॱरुङयेला हो हो़तालाक।

योहान्‍ना 12:23

येशुगी खुङ ॱङीउला लेन ॱनावालाक, “मी-भु शीजेला ॱङो़न्‍येगी धी़चो़ रीन्‍सोङ।

योहान्‍ना 13:29

घीझ्‍येरी ॱनाना युदाला ॱङुगी खुमाकगो झ्‍येरी, येशुगी खोला धी़छेनगी क्षीला खुङक्‍याला घो़गीनगो ङ्योये याङना उटेक्‍याला झ्‍यीम्‍बा ताङयेला, देरे सुङा हीन्‍ढु ॱनेरी खुङक्‍याने रीङगागी साम्‍बालाक।

योहान्‍ना 13:3

येशुगी यापगी दो़न घीरी, खोङगी लाकला ॱनाङ हो़गीन धाङ को़न्‍क्षोकने होवा धाङ को़न्‍क्षोकगी डुङदु लोकग्‍यु हीन्‍गीनगो खेन्‍बालाक।

योहान्‍ना 13:34

“ङा खेक्‍याला काठीम साबा च्‍यीक तेराहीन, च्‍यीकगी च्‍यीकला झाम्‍पा झ्‍यी। ङी खेक्‍याला झाम्‍पा झ्‍यीगीन च्‍योक्‍रे, खेक्‍यागीया च्‍यीकगी च्‍यीकला झाम्‍पा झ्‍यी।

योहान्‍ना 14:28

“ङी खेक्‍याला ‘ङा लोक्‍ती डोयेहीन धेनी ङा खेक्‍याचारु हुङयेहीन’ ॱनागीन दे घोर हो़तालाक। खेक्‍याई ङाला चेवा हो़ना, ङा यापगी डुङदु डोवालाक ॱनेरी, खेक्‍या ङ्यामो घायेहो़क घीझ्‍येरी ॱनाना ङाले याप खाक्‍क्षे लाक।

योहान्‍ना 14:31

हीना ङा यापला चेवा झ्‍यीदाहीन ॱनेरी, जीक्‍तेनगी ॱहाघोरयेगी क्षीला, ङा यापगी का ॱनाङगीन च्‍योक्‍रे झ्‍यीदाहीन। धा लोङ, होराङ देने ॱहाला डोउ।”

योहान्‍ना 16:28

ङा यापने झ्‍युरी जीक्‍तेनदु होवाहीन। धा ङा जीक्‍तेनने डारी यापगी डुङदु लोक्‍वाहीन।”

योहान्‍ना 17:1

धेनी येशुगी दे काक्‍या सुङसारती, नाम्‍खाला चेन शीक्‍ती सुवालाक, “के याप, धा धी़ भाप्‍ती, सेगी खेराङगी शीजे ॱङो़न्‍येगी क्षीला, खेराङगी सेगी शीजे ॱङो़न्‍दु जे।

योहान्‍ना 17:16

ङा जीक्‍तेनगी मेन्‍गीन च्‍योक्‍रे, खुङक्‍या जीक्‍तेनगी मेन।

योहान्‍ना 17:26

खेराङगी ङाला जेगीन चेवा दे, खुङक्‍याई नाङ ॱनेये धाङ ङा खुङक्‍या नाङ ॱनेयेगी क्षीदु, ङी खेराङगी छेन खुङक्‍याला ॱङो़न्‍दु च्‍युकहो़क धेनी देरे झ्‍येरी च्‍योई ॱङो़न्‍दु च्‍युक्‍येहीन।”

योहान्‍ना 17:5

धा के याप, जीक्‍तेन ॱमाको़ एन्‍ला ङा खेराङमुला हो़ती घाङला, हो़गीन शीजेराङ धान्‍दा खेराङगी डुङदु ङाला ॱङो़न्‍दा जे।

योहान्‍ना 18:4

धेनी येशुगी राङला घी झ्‍युङये हीन्‍गीन घीरी खेन्‍दा जेदी, दोङला फेप्‍ती खुङक्‍याला सुवालाक, “खेक्‍या सुला चाला हीनो?”

योहान्‍ना 19:28

होदे स्‍याम्‍ने धा घीरी डुप्‍कीनगो खेन्‍दा जेदी, खोङबागी सुङरापला ढीक्‍टागो डुप्‍येगी क्षीला “ङा खा कोमी” सुरी सुवालाक।

योहान्‍ना 2:13

याहुदापाक्‍याई पेसाकगी धी़छेन ङ्ये हो़ती घाङला, येशु येरुसालेमदु फेप्‍पालाक।

योहान्‍ना 6:4

धा याहुदापाक्‍याई धी़छेन पेसाकगो ङ्ये हो़तालाक।

योहान्‍ना 7:30

धेनी खुङक्‍याई खोङबाला शीम्‍येला थापस्‍यी चावालाक हीना खोङबागी धी़ मारीन्‍बा, सी़या खोङबाला लाक्‍पा ॱमाक्‍यावालाक।

योहान्‍ना 7:6

येशुगी खुङक्‍याला सुङा जेपालाक, “खेक्‍याला नाम हीना घोकाप हो़तालाक हीना ङी धी़चो़गो भाप मारीङ दुक।

योहान्‍ना 8:20

येशुगी सुङ देक्‍या क्षो़खाङगी ॱङु पुजागी डामदु क्षो़ सुङा जेपालाक। धेनी खोङबागी धी़गो, धोराङा मारीन्‍बा सी़या खोङबाला माशीम्‍बालाक।

रोमापा 8:37

हीना दे ॱनेछु घीरीगी नाङलाः हेला झाम्‍पा जेगीनगी थोक्‍ने, हेला ग्‍याखा छाङगो थोप हो़तालाक।

१ कोरीन्‍थुपा 1:8

धेनी होरी चोवो येशु मास्‍यीका धाब्‍ले फेप्‍ये हीन्‍गीन ङीमागोला, खेक्‍या क्‍यो़न मेगीन झ्‍युङयेगी क्षीला, खोङबागी खेक्‍याला था थुक्‍पे तेन्‍पो जेगीलाक।

ईब्‍रीपा 3:14

घीझ्‍येरी ॱनाना होराङगी गोमागी ॱलोतेला, था थुक्‍पे तेन्‍पो झ्‍येरी था ख्‍योला झ्‍यीना, होराङ मास्‍यीकागी लेरोक झ्‍युङालाक।

ईब्‍रीपा 3:6

हीना मास्‍यीका नी, को़न्‍क्षोकगी नाङमी खाला से च्‍योक्‍रे ॱलोते छोक्‍पा हो़तालाक। धा होरी रेवाला होराङ ॱङीङक्षे झ्‍ये धेनी ॱलोते तेन्‍पो श्‍याक्‍ना, होराङ को़न्‍क्षोकगी नाङमी लाक।

ईब्‍रीपा 6:11

खीकी रेवा झ्‍येजागो ॱङोन्‍ने डुप्‍येगी क्षीदु, खेक्‍या रे-रेगी था थुक्‍पे देरेराङ झ्‍येरी ची़न्‍डी़ झ्‍यीदास्‍योक ॱनेरी, हेक्‍या दो़दीहो़क।

१ पेटो 1:13

होझ्‍येरी खेक्‍या राङगी सेम डाढीक झ्‍यी धेनी चाङजे झ्‍येरी धो़क। धेनी येशु मास्‍यीका ॱङो़न्‍दी घाङला, खेक्‍याला ॱनाङये हीन्‍गीन थुक्‍जे गोला रेवा छाङगो झ्‍येरी धो़क।

१ योहान्‍ना 4:19

को़न्‍क्षोकगी एन्‍ला होराङला झाम्‍पा जेदी, होराङक्‍याः झाम्‍पा झ्‍यीदालाक।