योहान्‍ना 12:49 - ॱलोवा

⁴⁹ घीझ्‍येरी ॱनाना ङी ङाराङगी थोक्‍ने स्‍येदामेन हीना ङाला ॱङाक्‍कीन यापगीराङ, ङी घी ॱनाघो़गीन धाङ स्‍येघो़गीनगी़ का ङाला ॱनाङ हो़तालाक।

योहान्‍ना 12:49 Iomraidhean Croise

योहान्‍ना 14:10

ङा याप नाङ हो़गीन धाङ याप ङी नाङ हो़गीनगो खेक्‍याई धेपा मीझ्‍यीदाले? ङी खेक्‍याला स्‍येगीन लाबक्‍या ङाराङगी वाङने स्‍येदामेन हीना ङी नाङ श्‍युक्‍कीन, यापगी राङगी क्षाक्‍लेक्‍या जेदालाक।

योहान्‍ना 14:24

धेनी ङाला झाम्‍पा मीझ्‍यीगीनगी ङी का ॱरुङगीमालाक। खेक्‍याई ङेन्‍गीन का दे ङाने मेन्‍दा ङाला ॱङाक्‍कीन यापने लाक।

योहान्‍ना 14:31

हीना ङा यापला चेवा झ्‍यीदाहीन ॱनेरी, जीक्‍तेनगी ॱहाघोरयेगी क्षीला, ङा यापगी का ॱनाङगीन च्‍योक्‍रे झ्‍यीदाहीन। धा लोङ, होराङ देने ॱहाला डोउ।”

योहान्‍ना 15:15

धा देने ॱहाला ङा खेक्‍याला ॱयोक्‍पो ॱनामेन घीझ्‍येरी ॱनाना पो़न्‍पोगी घी झ्‍यीगीनगो ॱयोक्‍पोगी ॱमेस्‍येलालाक। हीना ङा खेक्‍याला छो़ढोक ॱनाहीन घीझ्‍येरी ॱनाना यापने ङी घी जाज्‍या घीरी ङी खेक्‍याला स्‍येहो़क।

योहान्‍ना 17:8

घीझ्‍येरी ॱनाना खेराङगी ङाला ॱनाङना काक्‍या, ङी खुङक्‍याला तेरपाहीन धेनी खुङक्‍याई होदे खेलेन्‍दी, ङा नी खेराङने झ्‍युङगीनगो खुङक्‍याई ॱङोन्‍ने स्‍येदुक। धेनी ङा नी खेराङगी ॱङाक्‍पालाक ॱनेरी खुङक्‍याई धेपा झ्‍येदुक।

योहान्‍ना 3:11

ङा ख्‍यो़ला धेन्‍पा धेनक्‍याङ ॱनाहीन, हीकी घी स्‍येगीनगो हेक्‍या ॱनालाक धेनी हीकी घी थोङगीनगो, हेक्‍या पाङपो झ्‍यीदालाक हीना खेक्‍या हीकी धेन्‍पाङला खेमेलेन्‍दालाक।

योहान्‍ना 3:32

खोङबागी घी शीक्‍कीन धाङ घोरकीनगी पाङपो जेदालाक हीना सी़या खोङबागी धेन्‍पाङला खेमेलेन्‍दालाक।

योहान्‍ना 5:19

येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, यापगी घी जेगीनगो, से गीया होदे च्‍योक्‍रे जेदालाक। धेनी यापगी जेगीनगो मीशीक्‍वा, से राङगी घीया जे ॱमीथुक्‍कीलाक।

योहान्‍ना 5:30

“ङा ङाराङगी घीया झ्‍यी ॱमीथुक्‍हो़क। ङी घी घोरी, ङा होदे च्‍योक्‍रेराङ ठीम चेदीहो़क धेनी ङी ठीम ढाङा हो़क। घीझ्‍येरी ॱनाना ङा ङाराङगी दो़पा चाला मेन्‍दा, ङाला ॱङाक्‍कीनगी थुकोङ चालीहो़क।

योहान्‍ना 6:68

सीमोन पेटोगी खोङबाला श्‍यी़वालाक, “चोवो, खेराङला थामेपे छेसोकगी कागो हो़तालाक, हेक्‍या सी़ डुङदु डोये?

योहान्‍ना 7:16

धेनी येशुगी सुङा जेपालाक, “ङी स्‍येगीन क्षो़ दे, ङाराङगी मेन हीना ङाला ॱङाक्‍कीनगी हीन।

योहान्‍ना 8:26

खीकी कोरला ॱनाये माङा धाङ ठीम चेये, ङाला माङा हो़क हीना ङाला ॱङाक्‍कीनगो धेन्‍पा हीन धेनी खोङने ङी घी घोरकीनगो, ङा जीक्‍तेनला स्‍येदाहीन।”

योहान्‍ना 8:28

होझ्‍येरी येशुगी खुङक्‍याला सुवालाक, “खेक्‍याई मी-भुला याला ताक्‍यी घाङला, ‘ङा खोङराङ लाक’ ॱनेरी खेक्‍याई ॱहाघोरकीलाक। धेनी ङी राङङीला तेन्‍दी घीया माझ्‍येवा, हीना यापगी ॱलाप्‍कीन च्‍योक्‍रे स्‍येगीनगो खेक्‍याई ॱहाघोरकीलाक।

योहान्‍ना 8:42

येशुगी खुङक्‍याला सुवालाक, “को़न्‍क्षोक खीकी याप हीन्‍ना, खीकी ङाला चेवा झ्‍यीयेहो़क घीझ्‍येरी ॱनाना ङा को़न्‍क्षोकने होवा झ्‍येरी, ङा धान्‍दा दुरु हो़क। ङा राङला तेन्‍दी होवामेन हीना खोङबागी ङाला ॱङाक्‍पालाक।

ॱङो़न्‍पा 1:1

ग्‍योक्‍जे डुप्‍घोये हीन्‍गीन ॱनेछुक्‍या, राङगी श्‍याप्‍चीपाक्‍याला तो़न्‍येगी क्षीदु, को़न्‍क्षोकगी येशु मास्‍यीकाला ॱनाङा जेजा ॱङो़न्‍पागो दे लाक। दे नी, खोङबागी राङगी भाङछेनला राङगी श्‍याप्‍ची, योहान्‍नाचारु झाङा जेदी ॱङो़न जेपालाक।