योहान्‍ना 12:48 - ॱलोवा

⁴⁸ ङाला ङोलोक झ्‍यीगीन धाङ ङी काक्‍या खे मेलेन्‍गीनक्‍याला ठीम्‍पो़न च्‍यीक हो़तालाक। ङी स्‍येगीन क्‍यागीराङ, थामे ङीमाला होदेगी ठीम ताङगीलाक।

योहान्‍ना 12:48 Iomraidhean Croise

मेथा 10:15

ङा खेक्‍याला धेन्‍पाराङ ॱनाहीन, ठीम चेगीन ङीमागोला, होदे ग्‍याजाला सादोम धाङ गोमोरा ग्‍याजाक्‍याने ल्‍हाक ठीम फोक्‍कीलाक।”

मेथा 21:42

येशुगी खुङक्‍याला सुवालाक, “खेक्‍याई सुङरापला दे माढोक हेती, ‘चीक्‍पो़नक्‍याई पारी श्‍याक्‍सा धोगोङगो, शुरगी धोगोङ चोगो झ्‍युदुक। दे नी चोवोगी जेदाङ लाक धेनी, दे होरी ॱमीक्‍वाला याम्‍साङा दुक।’

मेथा 25:31

“मी-भु राङगी भाङछेनक्‍यामुला राङगी शीजेला फेई घाङला, राङगी शीजे धेन्‍पे श्‍युक्‍ठीला श्‍युक्‍कीलाक।

मारकु 12:10

धाम्‍पे सुङरापला ढीक्‍टा दे, खेक्‍याई माढोक हो़ती? ‘खाङबा शोगीनक्‍याई फेन ॱमेथोक्‍कीन ॱनेरी, ॱयुक्‍कीन धोगोङगो राङ शुरधोगो झ्‍युदुक,

मारकु 16:16

धेपा झ्‍येरी, ठी़सो़ लेन्‍गीन घीरीला थारपा थोप्‍कीलाक हीना धेपा मीझ्‍यीगीनक्‍याला छेपा फोक्‍कीलाक।

मारकु 8:31

“मी-भुगी दुक्‍पु माङा ङ्याङ घो़गीलाक, धेनी गोठीक्‍या धाङ क्षो़पो़न क्षेक्‍या धाङ क्षो़ठीमगी ॱलोपो़नक्‍याई ङोलोक झ्‍यीगीलाक धेनी सेगीलाक धेनी श्‍याक्‍मो सुम स्‍याम्‍ने, याङ सो़न्‍दी श्‍याङगीलाक।” सुरी येशुगी खुङक्‍याला ॱलापच्‍या ॱनाङयेला गो चुक्‍पालाक।

लुका 10:16

येशुगी ङेनेक्‍याला सुवालाक, “खेक्‍याला ङेन्‍गीनगी़ ङाला ङेन्‍गीलाक। धेनी खेक्‍याला खेमेलेन्‍गीनक्‍याई ङाला खेमेलेन्‍दालाक धेनी ङाला खेमेलेन्‍गीनक्‍याई ङाला ताङगीनला खेमेलेन्‍दालाक।”

लुका 17:25

हीना धाङपो खी़ दुक्‍पु माङा ङ्याङ घो़गुलाक धेनी दे मीरापगी खोला पाङगीलाक।

लुका 20:17

धेनी येशुगी खुङक्‍याला शीक्‍ती सुवालाक, “देरे हीन्‍ना, देरे ढीक्‍टा दी दो़न्‍दाक घी ले? ‘चीक्‍चोवाक्‍याई ॱयुक्‍ती श्‍याकश्‍या, धोगोङगो शुरधो झ्‍युङदुक।’

लुका 7:30

हीना फारुसीपाक्‍या धाङ क्षो़ठीमगी ॱलोपो़नक्‍याई खोने ठी़सो़ मालेन्‍बा, को़न्‍क्षोकगी थुकोङ राङगी क्षीला खेमालेन्‍बालाक।

लुका 9:22

खोङबागी सुवालाक, “मी-भुगी दुक्‍पु माङा ङ्याङ घोगुलाक। धेनी गेम्‍पाक्‍या धाङ क्षो़पो़न क्षेक्‍या धाङ क्षो़ठीमगी ॱलोपो़न घीरीगी, खोला ङो ॱलोक घोगीलाक धेनी से घोगीलाक धेनी श्‍याक्‍मो सुम्‍बागोला खो श्‍याङ घोगीलाक।”

लुका 9:26

घीझ्‍येरी ॱनाना ङा धाङ ङी काला ङोजा झ्‍यीगीनगोला, मी-भु खोरी शीजे धाङ यापगी शीजे धाङ धाम्‍पे भाङछेनक्‍याई शीजेला फेई घाङला खी़या ङोजा झ्‍यीगीलाक।

योहान्‍ना 11:24

मारथागी खोङबाला श्‍यी़वालाक, “थागी ङीनला स्‍यीम्‍पो घीरी सो़न्‍पो ॱलाङी घाङला, खो याङ ॱलार सो़न्‍पो लाङगीलाक ॱनेरी ङी स्‍येलीहो़क।”

योहान्‍ना 5:45

“ङी यापगी डुङदु खेक्‍याला क्‍यो़न काटु ॱनेरी ॱमासाम। क्‍यो़न कागीनगो खेक्‍यागी ॱलोकाका मोशेगो लाक।

योहान्‍ना 6:39

धेनी ङाला ॱङाक्‍कीनगी थुकोङगो, खोङबागी ङाला ॱनाङा जेजा सुवाः ॱमेतोरा, थामे ङीमागोला सो़न्‍पो ॱलाङये लाक।

योहान्‍ना 8:47

को़न्‍क्षोकगी हीन्‍गीनगी़ को़न्‍क्षोकगी काला ङेन्‍दालाक। खेक्‍याई मेङेन्‍गीनगी दो़न्‍दाकगो, खेक्‍या को़न्‍क्षोकगी मालाक।”

जेपा 17:31

घीझ्‍येरी ॱनाना खोङबागी को़ ॱनाङगीन मी देगी क्षीने, जाम्‍बुलीङगी मी घीरीगी ठीमगो ढाङपो चेये ॱनेरी, खोङबागी ठीम चेगीन ङीमा दे को़ जे हो़तालाक। देगी पाङपोगो खोङबागी खोङला छीवाने याङ सो़न्‍पो श्‍याङ जेदी मी घीरीला तो़न जे हो़तालाक।”

जेपा 3:23

खोङबागी लाब मेङेन्‍गीन मीक्‍या, को़न्‍क्षोकगी मीक्‍याने खा टागीलाक, धेनी मेताला ताङगीलाक।’

रोमापा 2:16

दे नी ङी सेटाक झ्‍येजा ताम्‍शाङला च्‍योक्‍रे, मास्‍यीका येशुगी थोक्‍ने को़न्‍क्षोकगी मीक्‍याई साङवे लेगाक्‍याई, ठीम चेगीन ङीमागोला झ्‍युङगीलाक।

२ कोरीन्‍थुपा 4:3

याङ हीकी स्‍येगीन ताम्‍शाङगो काप हो़ना, होदे नी मेताला डुगीनक्‍याई क्षीदु च्‍यीगा काप हो़तालाक।

२ थेसालोनीकेपा 1:8

होदे घाङला को़न्‍क्षोकला ङो ॱमेस्‍येगीनक्‍या धाङ होरी चोवो येशुगी ताम्‍शाङला ॱमीचीगीनक्‍याला, खोङबागी छेपा का जेगीलाक।

ईब्‍रीपा 10:25

मी रीङगा छोक्‍दुला डोङी मेदो़गीन हुङालाक हीना होराङक्‍यामुला जोम्‍येला छाम माश्‍याक। हीना चोवोगी ङीमा ङे ॱलेप्‍कीनगो, खेक्‍याई थोथा झ्‍येरी ॱयो़ल्‍ले ल्‍हाक च्‍यीकगी च्‍यीकला सेमस्‍युक पोर।

ईब्‍रीपा 12:25

खोङबा का सुङगीनगोला खेक्‍या खेलेन झ्‍यी, खेक्‍या शाप-शाप झ्‍यी। घीझ्‍येरी ॱनाना जीक्‍तेनदु ङेन्‍ता ताङगीनगोला, ईस्‍राएल्‍पाक्‍याई खेलेन माझ्‍येवा ॱमाथार हो़ना, होराङला नाम्‍खे श्‍यीङखामने ङेन्‍ता जेगीनगोला, होरी खेलेन मीझ्‍यीना होराङ घाङगी झ्‍येरी थारये?

ईब्‍रीपा 2:3

धा होरी देरे थारपा क्षेला दो़नाङ ॱमेतेरना, होराङ घाङगी झ्‍येरी थारये? थारपा दे गोमागो चोवो राङगी सेटाक जेपालाक धेनी खोङने ङेन्‍गीनक्‍याई, होराङक्‍याला होदेगी धेन्‍पाङ झ्‍येवालाक।

ईब्‍रीपा 4:12

घीझ्‍येरी ॱनाना को़न्‍क्षोकगी का नी, सो़न्‍पो धाङ नी़थुक्षे हो़तालाक। धेनी खा ॱङी हो़गीन राल्‍डीने ॱनोवा हो़तालाक। दी ॱलो धाङ सेम धेनी छीक धाङ काङ ॱङीला दुबु-दुबुला स्‍यालाक धेनी सेमगी साम्‍सुक्‍या धाङ दो़पाक्‍याला ताक्‍चो़ झ्‍यीदालाक।

१ पेटो 1:5

धेनी खीकी धेपागी गोने को़न्‍क्षोकगी नी़थुगी, खेक्‍याला थामे धी़ला ॱङो़न्‍ये हीन्‍गीन थारपागी क्षीदु ॱरुरी श्‍याक हो़तालाक।

२ पेटो 3:3

गेक्षेस्‍योकगो खेक्‍याई दे ॱहाघोरा झ्‍यी, थामे ङीमाक्‍याला क्षाले ग्‍याप्‍कीनक्‍या, धेन्‍पागोला क्षाले ग्‍याप्‍ती राङगी दो़क्षाकगी स्‍याबाला डारी हुङगीलाक।

२ पेटो 3:7

हीना को़न्‍क्षोकगी होदे कागी थोक्‍नेराङ, धान्‍दागी ॱनाम-सा ॱङीला मेगी ॱराक्‍येगी क्षीदु श्‍याक हो़तालाक धेनी ठीम्‍चो़गी ङीमा धाङ को़न्‍क्षोकगी काला मेङेन्‍गीनक्‍याला चामेदु ताङयेगी धी़ थुक्‍पेगी क्षीदु, श्‍याक हो़तालाक।