योहान्‍ना 12:42 - ॱलोवा

⁴² देरे झ्‍येरीया याहुदापा पो़न्‍रीक नाङने माङागी, येशुला धेपा झ्‍येवालाक। हीना खुङक्‍याला याहुदापे छोक्‍खाङने पी़टु ॱनेरी, फारुसीपाक्‍याला जीक्‍ती खेलेन माझ्‍येवालाक।

योहान्‍ना 12:42 Iomraidhean Croise

मेथा 10:32

“होझ्‍येरी मी दोङदु ङाला खेलेन्‍गीनक्‍याला, ङा नाम्‍खे श्‍यीङखामदु श्‍युक्‍कीन ङी यापगी दोङदु खेलेन झ्‍यीयेहीन।

लुका 12:8

“ङा खेक्‍याला ॱनाहीन, मीक्‍याई दोङदु ङाला खेलेन्‍गीनक्‍याला मी-भुगीयाः, नाम्‍खे भाङछेनक्‍याई दोङदु खे लेन्‍गीलाक।

लुका 23:13

धेनी पीलातुगी क्षो़पो़न क्षेक्‍या धाङ पो़न्‍पोक्‍या धाङ मीमाङक्‍याला भो़री,

लुका 6:22

मी-भुगी दो़न्‍दु, खेला मीक्‍याई दाङा झ्‍यीना, पेरी श्‍याक्‍ना धेनी ॱमेबेप ताङना, धेनी खीकी मीङला ङेन्‍पा चीना, खेक्‍या झ्‍यीलाप क्षे लाक।

योहान्‍ना 11:45

होझ्‍येरी मीरीयामचारु होवा याहुदापा माङागी येशुगी दे जेगीनगो थोरी, खोङला धेपा झ्‍येवालाक।

योहान्‍ना 12:11

घीझ्‍येरी ॱनाना लाजारगी केनगी याहुदापा ॱमीच्‍यीकी माङा, खुङक्‍याने खा डारी येशुला धेपा झ्‍येवालाक।

योहान्‍ना 16:2

खुङक्‍याई खेक्‍याला छोक्‍खाङक्‍याने पी़गीलाक। धेनी खेक्‍याला सेगीनक्‍याई देरे लेगा झ्‍येरी, खुङक्‍याई को़न्‍क्षोकला ॱङीङकुर झ्‍यीदाहीन ॱनेरी, साम्‍गीन धी़ स्‍यारकीलाक।

योहान्‍ना 19:38

होदे स्‍याम्‍ने, याहुदापाक्‍याने जीक्‍ती साङवाला येशुगी ङेने हीन्‍गीन, आरीमाथीया युगी योसेफगी़ पीलातुला, येशुगी कुफुङ खेरती डोयेला श्‍यी़वालाक। पीलातुगी खोला खेरती डोये का ॱनावालाक। होझ्‍येरी खी़ येशुगी कुफुङ ग्‍याङस्‍यीङ माला पाप्‍ती, खेरती सोवालाक।

योहान्‍ना 3:2

खो छेन च्‍यीक येशुचारु होरी खोङबाला श्‍यी़वालाक, “राब्‍बी, खेराङ को़न्‍क्षोकने फेप्‍पा ॱलोपो़न च्‍यीक लाक ॱनेरी, हेक्‍याला स्‍येयेहो़क घीझ्‍येरी ॱनाना को़न्‍क्षोक खेराङमुला मेना, खेराङगी जेजा दे ताकक्‍या श्‍येम्‍मा सी़या झ्‍यी ॱमीथुक्‍कीलाक।”

योहान्‍ना 7:13

हीना याहुदापा पो़न्‍पोक्‍याला जीक्‍ती, मी सी़या खोङबागी कोरला ॱङो़न्‍सुमदु स्‍ये ॱमाथुक्‍पालाक।

योहान्‍ना 7:31

घीहीन्‍ना मी माङक्षेगी खोङबाला धेपा झ्‍येरी ॱनेवालाक, “मास्‍यीका फेई घाङला, खोङगी दे मी देले ल्‍हाक ताकक्‍या मेजे हो़टु।”

योहान्‍ना 9:22

खी़ फामागी याहुदापा पो़न्‍पोक्‍याला जीक्‍ती देरे ॱनेवालाक। घीझ्‍येरी ॱनाना येशुला मास्‍यीका ॱनेरी खेलेन्‍गीनक्‍याला छोक्‍खाङने पी़दी जाङयेगी ढो़, याहुदापा पो़न्‍पोक्‍याई एन्‍लाराङ थाक च्‍यो़ हो़तालाक।

योहान्‍ना 9:34

खुङक्‍याई खोला ॱनेवालाक, “ख्‍यो़ केली घाङलाराङ धीक्‍चेन झ्‍येरीया, ख्‍यो़ हेक्‍याला ॱलापच्‍या ग्‍याले?” धेनी खुङक्‍याई खोला छोक्‍खाङने तो़न्‍दी झावालाक।

जेपा 5:41

येशुगी छेनगी क्षीला दुक्‍पु ङ्याङरीन खाये हो़गीन, को़न्‍क्षोकगी खुङक्‍याला ॱनाङजुङ ॱनेरी ङ्यामो घी-घी, खुङक्‍या होदे छोक्‍पा क्षेने लोक्‍ती सोवालाक।

रोमापा 10:10

घीझ्‍येरी ॱनाना खेक्‍याई सेमने धेपा झ्‍येरी ढाङपो चीलालाक। धेनी खाने खेलेन्‍दी थारपा थोबालाक।

१ योहान्‍ना 4:15

येशुला को़न्‍क्षोकगी से लाक ॱनेरी, सी़ खेलेन झ्‍यीना, को़न्‍क्षोक खी़ नाङ श्‍युक्‍वालाक धेनी खो को़न्‍क्षोकगी नाङ ॱनेगीलाक।

१ योहान्‍ना 4:2

येशु मास्‍यीका कुली़ला फेप्‍पालाक ॱनेरी, खेलेन झ्‍यीगीन सेम्‍ङी घीरी को़न्‍क्षोकने लाक। दी गोने को़न्‍क्षोकगी थुक्‍ङी खेक्‍याई ङो स्‍येलालाक।