योहान्‍ना 12:36 - ॱलोवा

³⁶ हो़ हो़ती घाङलाराङ, खेक्‍या हो़गी से धाङ सेमो झ्‍युङयेला हो़गोला धेपा झ्‍यी।” येशुगी दे सुङसारती खोङबा होदेने फेप्‍ती, खुङक्‍याने हीप्‍ती श्‍युक्‍पालाक।

योहान्‍ना 12:36 Iomraidhean Croise

मेथा 21:17

धेनी खुङक्‍याला भोरती, खोङबा ग्‍याजाने थो़न्‍दा जेदी, बेथानीरु फेप्‍पालाक धेनी होदुरु श्‍युक्‍पालाक।

मेथा 5:14

“खेक्‍या जीक्‍तेनगी हो़ लाक। री खाला क्षाक्‍कीन यु दे बा ॱमीथुवालाक।

लुका 16:8

धा दाक्‍पोगी़ होदे ॱङेरपा मेढाङाला राङगी क्षीला, देरे चाङग्‍यु झ्‍यीगीनगोला तो़टा तावालाक। घीझ्‍येरी ॱनाना दे जीक्‍तेनगी मीक्‍या राङगी च्‍योक्‍रेक्‍यामुला चाङग्‍यु झ्‍यीयेला, हो़गी टुक्‍याने खेवा हो़तालाक।

योहान्‍ना 1:7

खोङगी थोक्‍ने मी घीरीगी धेपा झ्‍यीयास्‍योक ॱनेरी, खोङ होदे हो़गी धेन्‍पाङ झ्‍यीयेला पाङपो झ्‍युरी होवालाक।

योहान्‍ना 11:54

होझ्‍येरी येशु याहुदापाक्‍याई घुङदु ॱङो़न्‍सुमदु नामा ॱमाफेप्‍पालाक। खोङबा होदेने फेप्‍ती रीतोङगी ङ्येला हो़गीन, एफराईम ॱनागीन युदु राङगी ङेनेक्‍यामुला श्‍युक्‍पालाक।

योहान्‍ना 12:37

खोङबागी मीक्‍याई दोङदु ताक माङा तो़न्‍दा जेदीयाः, देक्‍याई खोङबाला धेपा माझ्‍येवालाक।

योहान्‍ना 12:46

ङाला धेपा झ्‍यीगीनक्‍या मी़नाकगी नाङदु ॱमीली़येला, ङा हो़ झ्‍युरी जीक्‍तेनदु होवाहीन।

योहान्‍ना 3:21

हीना धेन्‍पे लाक्‍लेन झ्‍यीगीनक्‍याई लेगाक्‍या, को़न्‍क्षोकला तेन्‍दी झ्‍यीगीनगो सावो थोङयेगी क्षीला, खुङक्‍या हो़दु हुङालाक।”

योहान्‍ना 8:12

येशुगी धाब्‍ले खुङक्‍याला सुवालाक, “ङा नी जीक्‍तेनगी हो़ हीन। ङी स्‍याबाला डागीनक्‍या मी़नाक नाङला मेडोगीलाक हीना छेगी हो़ थोप्‍कीलाक।”

योहान्‍ना 8:59

धा खुङक्‍याई खोङबाला श्‍युरयेला धोगोङ धी़वालाक हीना येशु खाबा हीप्‍ती, क्षो़खाङने फीला थो़न्‍दी फेप्‍पालाक।

एफीसुपा 5:8

घीझ्‍येरी ॱनाना काब च्‍यीकला खेक्‍या मी़नाक नाङ हो़तालाक हीना धान्‍दा, चोवोगी नाङ खेक्‍या हो़ नाङदु हो़तालाक। हो़गी टुवाक्‍या च्‍योक्‍रे मीछे क्‍यो़।

१ थेसालोनीकेपा 5:5

घीझ्‍येरी ॱनाना खे घीरी हो़ धाङ ङीमागी से लाक। होराङक्‍या छेमु धाङ मी़नाकगी मालाक।

१ थेसालोनीकेपा 5:8

हीना होराङ ङीङमोला धेगीन झ्‍येरी चाङजे झ्‍ये धेनी धेपा धाङ झाम्‍पागी ठाब धाङ थारपागी रेवागी च्‍याकश्‍या घो़न।