योहान्‍ना 12:35 - ॱलोवा

³⁵ येशुगी खुङक्‍याला सुवालाक, “हो़ दे खेक्‍याई मुला धी़ तुङ-तुङ च्‍यीक ॱनेगीलाक। मी़नाकगी वाङ होकदु ॱमीछी़येला, हो़ हो़ती घाङलाराङ थारा झ्‍यी। मी़नाकगी नाङला डोगीनगी़ घारु डोगीनगो ॱमेस्‍येलालाक।

योहान्‍ना 12:35 Iomraidhean Croise

लुका 18:37

मीक्‍याई खोला ॱनेवालाक, “नाजारेतगी येशु देने ॱहाला फेई।”

योहान्‍ना 11:10

हीना छेनला घोबा ग्‍याप्‍कीनक्‍या थोक्‍ती, गोती लोक्‍वालाक घीझ्‍येरी ॱनाना खुङक्‍याला हो़ मेतालाक।”

योहान्‍ना 11:9

येशुगी सुवालाक, “ङीनला छुजी च्‍युङङी मेयोङाले? ङीङमो घोबा ग्‍याप्‍कीनक्‍या थोक्‍ती, गोती मेलोक्‍कीलाक घीझ्‍येरी ॱनाना खुङक्‍याई जीक्‍तेनगी हो़ थोवालाक।

योहान्‍ना 12:36

हो़ हो़ती घाङलाराङ, खेक्‍या हो़गी से धाङ सेमो झ्‍युङयेला हो़गोला धेपा झ्‍यी।” येशुगी दे सुङसारती खोङबा होदेने फेप्‍ती, खुङक्‍याने हीप्‍ती श्‍युक्‍पालाक।

योहान्‍ना 12:46

ङाला धेपा झ्‍यीगीनक्‍या मी़नाकगी नाङदु ॱमीली़येला, ङा हो़ झ्‍युरी जीक्‍तेनदु होवाहीन।

योहान्‍ना 16:16

“तीते च्‍यीकने खेक्‍याई ङाला ॱमेथोङगीलाक धेनी याङ तीते च्‍यीकने खेक्‍याई ङाला थोङगीलाक।”

योहान्‍ना 7:33

धेनी येशुगी सुङा जेपालाक, “ङा खेक्‍यामुला धोराङा धी़ तीते च्‍यीक धेये दुक धेनी ङा ङाला ॱङाक्‍कीनगी डुङदु डोयेलाक।

योहान्‍ना 8:12

येशुगी धाब्‍ले खुङक्‍याला सुवालाक, “ङा नी जीक्‍तेनगी हो़ हीन। ङी स्‍याबाला डागीनक्‍या मी़नाक नाङला मेडोगीलाक हीना छेगी हो़ थोप्‍कीलाक।”

२ कोरीन्‍थुपा 3:14

हीना खुङक्‍याई सेम ग्‍योङा झ्‍युवालाक घीझ्‍येरी ॱनाना धीरीङ ङीमा थुक्‍पे, खुङक्‍या धाम्‍चा ॱङीङबागो ढोक्‍वाराङ, होदे रेगो काप्‍ती धेतालाक। घीझ्‍येरी ॱनाना मास्‍यीकागी थोक्‍ने च्‍यीगा होदे स्‍यु थुक्‍वालाक।

गालातीयापा 6:10

होझ्‍येरी घुकाप जोरी घाङला होराङ मी घीरीला शाङा झ्‍येरी डो, धेनी ॱङोन्‍ने झ्‍यीना होरी धेपागी मीजाङक्‍याला झ्‍यी।

एफीसुपा 5:8

घीझ्‍येरी ॱनाना काब च्‍यीकला खेक्‍या मी़नाक नाङ हो़तालाक हीना धान्‍दा, चोवोगी नाङ खेक्‍या हो़ नाङदु हो़तालाक। हो़गी टुवाक्‍या च्‍योक्‍रे मीछे क्‍यो़।