योहान्‍ना 12:32 - ॱलोवा

³² धेनी ङा साश्‍यीने याला फायी घाङला, ङी घीरीला राङगी डुङदु धी़येहीन।”

योहान्‍ना 12:32 Iomraidhean Croise

योहान्‍ना 1:7

खोङगी थोक्‍ने मी घीरीगी धेपा झ्‍यीयास्‍योक ॱनेरी, खोङ होदे हो़गी धेन्‍पाङ झ्‍यीयेला पाङपो झ्‍युरी होवालाक।

योहान्‍ना 12:34

मीछोकगी श्‍यी़वालाक, “मास्‍यीकागो ग्‍युने ग्‍युन्‍दु ॱनेगीलाक ॱनेरी, हीकी क्षो़ठीमने घोरसोङ। मी-भु या फाक्‍कीलाक ॱनेरी खेराङगी घाङ झ्‍येरी सुङ थुक्‍वाले? मी-भु दे सुले?”

योहान्‍ना 18:32

दे नी येशुराङ घाङगी झ्‍येरी, ढोङये हीन्‍गीनगो तो़न्‍येला, खोराङगी सुङगीन कागो डुप्‍येगी क्षीला झ्‍युवालाक।

योहान्‍ना 19:17

धेनी येशु फीला फेप्‍ती, राङगी ग्‍याङस्‍यीङ खुरती गोरी़गी री ॱनागीन साज्‍याला फेप्‍पालाक। ईब्‍रीपा केकला, “गोलगोथा” ॱनालाक।

योहान्‍ना 3:14

धेनी रीतोङदु मोशेगी डुलगो याला क्‍याक्‍कीन च्‍योक्‍रे, मी-भुगोवा याला क्‍याक घोगुलाक।

योहान्‍ना 6:44

ङाला ॱङाक्‍कीन यापगी, ङीचारु मीक्‍या ठीक्‍ती हुङा मेजेनाः, ङी डुङदु सुवा हुङ ॱमीथुक्‍कीलाक। धेनी थामे ङीमाला ङा खुङक्‍याला सो़न्‍पो ॱलाङयेहीन।

योहान्‍ना 8:28

होझ्‍येरी येशुगी खुङक्‍याला सुवालाक, “खेक्‍याई मी-भुला याला ताक्‍यी घाङला, ‘ङा खोङराङ लाक’ ॱनेरी खेक्‍याई ॱहाघोरकीलाक। धेनी ङी राङङीला तेन्‍दी घीया माझ्‍येवा, हीना यापगी ॱलाप्‍कीन च्‍योक्‍रे स्‍येगीनगो खेक्‍याई ॱहाघोरकीलाक।

गालातीयापा 3:13

मास्‍यीकागी होरी छापला छेपा झ्‍युरी, होराङला क्षो़ठीमगी छेपाने ॱली़वालाक, घीझ्‍येरी ॱनाना “स्‍यीङ खाला क्‍याङगीन घीरी छेपा फोक्‍पालाक।” ॱनेरी ढीक हो़तालाक।

१ तीमोथेउ 2:6

मी घीरीगी ली़रीनगी क्षीला राङला ॱलो़ ताङगीनगो लाक। दे नी, धी़ ताक-ताकला को़न्‍क्षोकगी ॱनाङगीन पाङपोगो लाक।

ईब्‍रीपा 2:9

हीना होराङ येशुला थोङालाक। खोङबा ॱनेकापगी क्षीदु नाम्‍खे भाङछेनक्‍याने च्‍यीमे ॱमावा जेपालाक। खोङगी छीवे दुक्‍पु ङ्याङङ्या झ्‍येरी, खोङला शीजे धाङ कुरतीगी चो़पो़न को़न्‍बालाक। धेनी दे नी को़न्‍क्षोकगी थुक्‍जेगी गोने, मी घीरीगी दो़न्‍दु खोङबागी छीवे दुक्‍पु ङ्याङास्‍योक ॱनेरी लाक।

१ पेटो 2:24

होराङ धीक्‍पाला छोवा क्‍यायेगो भोरती, ढाङतेनगी दो़नला छोवा क्‍याये क्षीदु, खोङबागी राङगी कुली़ला होरी धीक्‍पाक्‍या ग्‍याङस्‍यीङ खाला खुरा जेपालाक। खोङगी ॱमाक्‍याई थोक्‍ने खेक्‍याला ढाक्‍सो़ थोप्‍पालाक।

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।

१ योहान्‍ना 2:2

खोङ नी होरी धीक्‍पाक्‍या सेल्‍येगी क्षीदु, धीकस्‍याकगी ॱमारछो़गो लाक धेनी होरी क्षीदु च्‍यीगा मेन्‍दा, जीक्‍तेन हो़लेगी धीक्‍पाक्‍याई क्षीदु लाक।

ॱङो़न्‍पा 5:9

धेनी खुङक्‍याई तो़लु साबा च्‍यीक लेन्‍दी ॱनेवालाक, “खेराङला स्‍योक्‍टी दे ॱनुम्‍ये धाङ होदेगी थेचेक्‍या कोक थुप्‍कीन आङजा हो़तालाक, घीझ्‍येरी ॱनाना खेराङला सेपालाक, धेनी खेराङगी कुठाकगी को़न्‍क्षोकगी क्षीदु, ग्‍युपा धाङ केरीक धाङ मी धाङ मीरीकक्‍याने, मीक्‍या ङ्यो़वालाक।