योहान्‍ना 12:31 - ॱलोवा

³¹ धा जीक्‍तेनगी ठीम चो़गीनगी धी़ भाप दुक। धा दे जीक्‍तेनगी वाङग्‍युर झ्‍यीगीनगो फीला ॱयुक्‍कीलाक।

योहान्‍ना 12:31 Iomraidhean Croise

मेथा 12:28

हीना ङी डेक्‍या तो़न्‍गीनगो को़न्‍क्षोकगी थुक्‍ङीने हीन्‍ना धेनी नाम्‍खे ग्‍यासी खीकी खोक्‍दु ॱलेप हो़तालाक।

योहान्‍ना 14:30

धा ङा खेक्‍यामुला लाब युन्‍रीङा ॱमेताङ घीझ्‍येरी ॱनाना दे जीक्‍तेनगी वाङग्‍युर झ्‍यीगीनगो हुङी। ङी थोकला खोला वाङ मेतालाक।

योहान्‍ना 3:19

धा ठीम्‍चो़गी दो़न्‍दाकगो देराङ लाक; हो़गो जीक्‍तेनदु फेप्‍सालाक हीना मीक्‍याई ले ङेन्‍पागी झ्‍येरी खुङक्‍याई हो़ले मी़नाकला घावालाक।

योहान्‍ना 9:39

येशुगी सुवालाक, “दे जीक्‍तेनदु ङा ठीम चेदु होवाहीन। श्‍याराक्‍याई थोङये धाङ थोङ थुयी साम्‍गीनक्‍याला श्‍यारा शोयेला, ङा होवाहीन।”

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

१ कोरीन्‍थुपा 1:20

मी खेवागो घाना? क्षो़ठीमगी ॱलोपो़नक्‍या घाना? दे धी़रापगी चो़लीङ झ्‍यीगीनक्‍या घाना? को़न्‍क्षोकगी दे जीक्‍तेनगी स्‍येरापगोला ॱलेन्‍दा जेपा मालाक से?

१ कोरीन्‍थुपा 1:21

को़न्‍क्षोकगी स्‍येरापगी नाङ, दे जीक्‍तेनगी मीक्‍याई राङगी स्‍येरापगी गोने, को़न्‍क्षोकला ङो ॱमेस्‍येगीन झ्‍येरी, होरी ताम्‍शाङ स्‍येगीन क्षोमेगीन लेगागी थोक्‍ने धेपा झ्‍यीगीनक्‍याला क्‍योप्‍येला, को़न्‍क्षोक थुक घेवालाक।

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

एफीसुपा 6:12

घीझ्‍येरी ॱनाना होरी ॱमाक्‍ठुक नी स्‍याठाकगी मीमुला मालाक हीना पो़न्‍रीकक्‍या धाङ वाङ झ्‍यीगीनक्‍या धेनी जीक्‍तेन देगी मी़नाकगी वाङ झ्‍यीगीनक्‍या, धाङ नाम्‍खाक्‍याला हो़गीन ङेन्‍पागी सेम्‍ङीगी ॱमाक्‍मीक्‍यामुला लाक।

कोलोसेपा 2:15

धेनी को़न्‍क्षोकगी पो़न्‍पोक्‍या धाङ वाङग्‍युर झ्‍यीगीनक्‍याई लाक्‍चाक्‍या ठोक्‍वा जेदी, खुङक्‍याला मीमाङगी खोकला ॱङो़न्‍दी ङोछारु च्‍युक्‍पालाक। धेनी ग्‍याङस्‍यीङगी थोक्‍ने, खुङक्‍या घीरी खाला खोङबागी ग्‍याखा थोप जेपालाक।

ईब्‍रीपा 2:14

छीवागी थोक्‍ने छीवागी दाक्‍पो धी़कला, खोङगी मेताला जेये धाङ छीवागी जीक्‍टागी मीछे घाङजाङ ढेन्‍योकला स्‍योरस्‍याक्‍याला, खोङबागी थारपा जेयेगी क्षीला भी़टुकक्‍या स्‍याठाकगी ली़ला झ्‍येरी, खोङबागीयाः मीगी ली़ ॱनुम्‍बालाक।

१ योहान्‍ना 3:8

धीक्‍पा झ्‍येरी धेगीन नी, धी़कगी़ लाक घीझ्‍येरी ॱनाना धी़कगी थोक्‍मानेराङ धीक्‍पा झ्‍येरी हो हो़तालाक। धेनी धी़कगी लेगाक्‍या मेताला ताङयेगी क्षीदुराङ, को़न्‍क्षोकगी से ॱङो़न्‍दा जेपालाक।

१ योहान्‍ना 4:4

चेवे टुवाक्‍याओ, खेक्‍या को़न्‍क्षोकने लाक धेनी खुङक्‍याई खाला ग्‍यासालाक घीझ्‍येरी ॱनाना जीक्‍तेनदु हो़गीनगोनेः, खीकी नाङदु श्‍युक्‍कीनगो खाक्‍क्षे लाक।

१ योहान्‍ना 5:19

होराङ को़न्‍क्षोकने लाक धेनी जीक्‍तेन घीरी धी़गी वाङ होकला हो़तालाक ॱनेरी, होराङ स्‍येलालाक।