योहान्‍ना 12:18 - ॱलोवा

¹⁸ खोङबागी दी ताक दे तो़न्‍गीनगो घोरती, मीछोकक्‍या खोङबाला ज्‍यारु सोवालाक।

योहान्‍ना 12:18 Iomraidhean Croise

लुका 19:37

धेनी येशु येरुसालेमगी भोलोक्‍तु हो़गीन, क्‍युरुस्‍यीङगी रीगी थुरला फेया जेपालाक। होदे घाङला खुङक्‍याई थोथा ॱहाङसागीन क्षाक्‍लेक्‍याई क्षीला, ङ्यामो घेरी को़न्‍क्षोकला केक क्षेला तो़पा पुरी ॱनेवालाक,

योहान्‍ना 12:11

घीझ्‍येरी ॱनाना लाजारगी केनगी याहुदापा ॱमीच्‍यीकी माङा, खुङक्‍याने खा डारी येशुला धेपा झ्‍येवालाक।

योहान्‍ना 12:12

ङीमा स्‍याम्‍मागोला पेसाकगी धी़छेनला होवा मीछोक क्षे च्‍यीकगी, येशु येरुसालेमदु फेप्‍कुलाक ॱनेरी घोरपालाक।

योहान्‍ना 12:19

फारुसीपाक्‍याई च्‍यीकगी च्‍यीकला ॱनेवालाक, “तो़दाङ, जीक्‍तेन हो़ले खी़ स्‍याम्‍ला डाङी। होरी घीया झ्‍यी थुक्‍ये मेतालाक।”

योहान्‍ना 2:11

दे ताक धाङपो दे येशुगी गालीलगी काना युरु जेदी, राङगी शीजे ॱङो़न्‍दु जेपालाक। धेनी खोङबागी ङेनेक्‍याई खोङबाला धेपा झ्‍येवालाक।

योहान्‍ना 6:2

खोङबागी नेपा माङाक्‍याला ढाक्‍सो जेगीन ताकक्‍या मीछोकक्‍याई थोथा झ्‍येरी, खुङक्‍या खोङबागी स्‍याबाला डावालाक।