योहान्‍ना 12:16 - ॱलोवा

¹⁶ खोङबागी ङेनेक्‍याई दी दो़न एन्‍ला ॱहामाघोरपालाक हीना येशु शीजेला फायी घाङला, दी लाब दे खोङबागी कोरला ढीक्‍टा धाङ श्‍येनगी खोङबाला घी झ्‍येजागो ढेन सो़वालाक।

योहान्‍ना 12:16 Iomraidhean Croise

मारकु 16:19

चोवो येशुगी खुङक्‍यामुला कामो़न ॱनाङसारती, खोङबा नाम्‍खे श्‍यीङखाम स्‍योकला ठीक जेपालाक धेनी को़न्‍क्षोकगी क्षाक ॱये स्‍योकला श्‍युक जेपालाक।

मारकु 9:32

हीना ङेनेक्‍याई सुङला दी दो़न्‍दाकगो ॱहामाघोरपालाक धेनी ढीवा श्‍यी़येला जीक्‍पालाक।

लुका 18:34

हीना ङेनेक्‍याई देक्‍या घीन्‍दा ॱहामाघोपालाक। खुङक्‍याई क्षीला दे लाबगी दो़न्‍दाकगो साङ हो़तालाक धेनी खुङक्‍याई दे लाबक्‍या घीन्‍दा शीम ॱमाथुक्‍पालाक।

लुका 24:25

धेनी खोङबागी खुङ ङीउला सुवालाक, “ॱलेन्‍पो ख्‍ये, ॱङो़नस्‍येखेनक्‍याई सुङगीन घीरीला, धेपा मीझ्‍यीगीन घीन्‍गी सेम ॱलेन्‍दा ले!

लुका 24:45

धेनी को़न्‍क्षोकगी कागो ॱहाघोरास्‍योक ॱनेरी, येशुगी खुङक्‍याई स्‍येराप सावा जेपालाक।

लुका 9:45

हीना दी दो़न्‍दाकगो खुङक्‍याई ॱहामाघोरपालाक। धेनी खुङक्‍याई ॱहामाघोरास्‍योक ॱनेरी, दे खुङक्‍याने सारी श्‍याक्‍पालाक। धेनी ङेनेक्‍या दी कोरला खोङबाला श्‍यी़येला जीक्‍पालाक।

योहान्‍ना 12:23

येशुगी खुङ ॱङीउला लेन ॱनावालाक, “मी-भु शीजेला ॱङो़न्‍येगी धी़चो़ रीन्‍सोङ।

योहान्‍ना 14:26

हीना ङी मीङ थोक्‍ने यापगी ॱनाङगीन रोवा जेगीन धाम्‍पे थुक्‍ङीगी़, खेक्‍याला लाब घीरी ॱलाबा जेगीलाक। धेनी ङी खेक्‍याला स्‍येगीन घीरी ढो़न्‍सो ॱनाङगीलाक।

योहान्‍ना 16:4

हीना होदे धी़ स्‍यारी घाङला, ङी खेक्‍याला स्‍येगीनगो खेक्‍याई डो़न्‍सो़ झ्‍यीयेगी क्षीला, ङी दे लाबक्‍या खेक्‍याला स्‍येबी। “ङा खीकीमुला झ्‍येरी, ङी दे लाबक्‍या खेक्‍याला एन्‍ला ॱमास्‍ये।

योहान्‍ना 17:5

धा के याप, जीक्‍तेन ॱमाको़ एन्‍ला ङा खेराङमुला हो़ती घाङला, हो़गीन शीजेराङ धान्‍दा खेराङगी डुङदु ङाला ॱङो़न्‍दा जे।

योहान्‍ना 2:22

धेनी खोङबा छीवाने सो़न्‍पो श्‍याङी घाङला, खोङबागी ङेनेक्‍याई खोङबागी सुङ दे ढेन्‍बालाक धेनी खुङक्‍याई सुङराप धाङ येशुगी सुङगीन काला धेपा झ्‍येवालाक।

योहान्‍ना 7:39

हीना खोङला धेपा झ्‍यीगीनक्‍याला थोप्‍ये हीन्‍गीन, धाम्‍पे थुक्‍ङीगी कोरला येशुगी सुवालाक। घीहीनाः येशु शीजेला ॱमाफाक्‍पा झ्‍येरी, धाम्‍पे थुक्‍ङीगो धोराङा ॱमानाङ हो़तालाक।

जेपा 2:33

याप को़न्‍क्षोकगी येशुला थोस्‍योक को़री, खोरी क्षाक ये स्‍योकला श्‍याक जे हो़तालाक धेनी खोरी धाम्‍चा च्‍योक्‍रे, खोङबाला धाम्‍पे थुक्‍ङी ॱनावालाक। होदे धाम्‍पे थुक्‍ङी चोवो येशुगी धान्‍दा, होराङक्‍या खाला ॱनाङ जेपालाक। होदे लाबगो खेराङक्‍याई धान्‍दा ॱहाघोरये धाङ थोङी हो़तालाक।

जेपा 2:36

“होझ्‍येरी धा ईस्‍राएलगी मी घीरीगी दे लाब ॱहाघो घोगुलाक। खेराङक्‍याई ग्‍याङस्‍यीङदु सेसा येशुला राङ को़न्‍क्षोकगी, चोवो धाङ मास्‍यीका ङीगारा को़ जे हो़तालाक।”

जेपा 3:13

देरे मालाक होरी धाङबी मेमे आब्‍राहाम धाङ ईसाक धाङ याकोबगी को़न्‍क्षोकगीराङ, राङगी श्‍याप्‍ची येशुला तो़टा जेसुङ। खेराङक्‍याई येशुला सेक घोगीलाक ॱनेरी, ची ग्‍याप्‍पालाक। धेनी पीलातुगी खोङबाला घीन्‍दा मीझ्‍यीदा भोरये झ्‍यीदी घाङलाः, खेराङक्‍याई खेलेन माझ्‍येजुङ।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

ईब्‍रीपा 8:1

धा हीकी ॱनेना, लाबगी दो़न चोगो दे लाक। नाम्‍खे श्‍यीङखामदु ॱलानामेपे को़न्‍क्षोकगी श्‍युक्‍ठीगी ॱये स्‍योकला श्‍युकश्‍या, खोङबागो होरी चो क्षो़पो़न लाक।