योहान्‍ना 11:55 - ॱलोवा

⁵⁵ याहुदापाक्‍याई पेसाकगी धी़छेनगो ङे ॱलेवी हो़तालाक धेनी पेसाकगी धी़छेन गो चुक्‍ये एन्‍ला, यु-युने मीमाङक्‍या येरुसालेमदु राङ-राङला चाङडागी ॱरो ॱरुङयेला हो हो़तालाक।

योहान्‍ना 11:55 Iomraidhean Croise

मेथा 26:1

येशुगी का दे घीरी सुङसारती, राङगी ङेनेक्‍याला सुवालाक,

मेथा 26:2

“ङीमा ॱङी स्‍याम्‍ने पेसाकगी धी़छेनगो हुङगीलाक ॱनेरी, खेक्‍याला स्‍येये हो़तालाक धेनी मी-भु नी ग्‍याङस्‍यीङला क्‍याङयेगी क्षीला, डागी लाकला ची ग्‍याप्‍कीलाक।”

मारकु 14:1

याहुदापाक्‍याई पेसाकगी धी़छेन धाङ क्‍युरची मेगीन ग्‍याङगा शागीन धी़छेन, हुङयेला श्‍याक्‍मो ॱङी हो़तालाक। धेनी क्षो़पो़न क्षेक्‍या धाङ क्षो़ठीमगी ॱलोपो़नक्‍या, येशुला घाङगी झ्‍येरी शोक झ्‍येरी शीम्‍ये, धाङ सेयेगी थापस्‍यी झ्‍येरी धे हो़तालाक।

लुका 22:1

क्‍युरची मेगीन ग्‍याङगा शागीन, याहुदापाक्‍याई पेसाकगी धी़छेनगो ङ्ये ॱलेप्‍पालाक।

योहान्‍ना 12:1

पेसाक धी़छेनगी ङीमा ढुक एन्‍ला, येशुगी छीवाने सो़न्‍पो जेगीन लाजारगी नाङ बेथानीरु खोङबा फेप्‍पालाक।

योहान्‍ना 13:1

पेसाकगी धी़छेन एन्‍ला, येशु जीक्‍तेन दीने यापगी डुङदु फेप घोये धी़ भाप्‍कीनगो खोङबागी खेन्‍बालाक। धेनी जीक्‍तेनदु हो़गीन राङगी स्‍याम्‍ला डागीनक्‍याला, खोङबागी झाम्‍पा जेदी थामे धी़ थुक्‍पे, खोङगी झाम्‍पा जेपालाक।

योहान्‍ना 18:28

ॱङारोक ॱङात्‍ती खुङक्‍याई येशुला कायाफागी नाङने, चीख्‍यापगी फोडाङदु ठीक्‍पालाक। राङला ॱमेचाङा मेसोवा, पेसाकगी धी़छेन शायेगी क्षीला खुङक्‍या चीख्‍यापगी फोडाङ नाङदु माजुवालाक।

योहान्‍ना 2:13

याहुदापाक्‍याई पेसाकगी धी़छेन ङ्ये हो़ती घाङला, येशु येरुसालेमदु फेप्‍पालाक।

योहान्‍ना 2:6

धा होदुरु याहुदापाक्‍याई चाङमा झ्‍यीगीन लुक्‍सो़गी क्षीला, ॱमाना ग्‍या चो़ स्‍योङगीन जामा ढुक हो़तालाक।

योहान्‍ना 5:1

होदे स्‍याम्‍ने, याहुदापाक्‍याई धी़छेन च्‍यीक ॱलेप्‍ती, येशु येरुसालेमदु फेप्‍पालाक।

योहान्‍ना 6:4

धा याहुदापाक्‍याई धी़छेन पेसाकगो ङ्ये हो़तालाक।

जेपा 21:24

धेनी खेराङ खुङक्‍यामुला क्षो़खाङदु फेप धेनी खुङक्‍यामुला चाङमा शोगीन ॱरोगो जे। धेनी खुङक्‍या घीरीगी ॱरा चेगीनगी आलेगो ॱनाङाजे। देरे झ्‍येरी खेराङगी क्षो़ठीम चीगीनगो थोङना, मी घीरीगी खेराङगी कोरला ॱनेना लाबक्‍या शोक्‍पो लाक ॱनेरी ॱहाघोरकीलाक।

जेपा 21:26

ॱङेटोगो पाउलुगी होदे मी श्‍यीला ठीक्‍ती, क्षो़खाङदु चाङमा झ्‍युङये लेगा झ्‍यीरु सोवालाक। पाउलु खुङक्‍यामुला चाङमा झ्‍युङगीन ॱरो दे झ्‍येवालक। धेनी खो क्षो़खाङ नाङदु जुरी होदे ॱरो जोक्‍कीन धी़चो़ धाङ खोङ रे-रेगी क्षीला ॱमारछो़ पुगीन, धी़चो़गी कोरला मीमाङक्‍याला स्‍येपालाक।

जेपा 24:18

दे लेगा झ्‍यीदी घाङला, खुङक्‍याई ङाला क्षो़खाङ नाङदु थुक्‍जुङ। होदे घाङला ङी चाङमा झ्‍युङगीन ॱरोगो झ्‍येसा हो़तालाक। होदुरु मीगी छाङगाक्‍या, ङी स्‍याबाला मेतालाक धेनी ठुक घीन्‍दा ॱमास्‍योर हो़तालाक।

१ कोरीन्‍थुपा 11:28

मी घीरीगी राङगी सेमला ताक्‍चा झ्‍यीघो़ धेनी च्‍यीगा ग्‍याङगा शाघो़ धेनी फोराने थुङघो़।

याकोब 4:8

खेक्‍या को़न्‍क्षोकगी ङ्येला स्‍योक धेनी खोङबा खीकी ङ्येरु फेप्‍कीलाक। धीक्‍चेनक्‍याओ, राङगी लाक्‍पा चाङमा शो़। साम्‍लो ॱङी ताङगीनक्‍याओ, राङगी सेम चाङमा शो़।