योहान्‍ना 11:53 - ॱलोवा

⁵³ होझ्‍येरी दे ङीमाने झ्‍येरी, याहुदापा पो़न्‍पोक्‍याई येशुला सेयेला झ्‍यी़ङेन तीवालाक।

योहान्‍ना 11:53 Iomraidhean Croise

मेथा 12:14

हीना फारुसीपाक्‍या होदेने थो़न्‍दी सोरी, खोङबाला घाङ झ्‍येरी सेये ॱनेरी ढो़ झ्‍येवालाक।

मेथा 16:21

होदे धी़चो़ने येशुगी राङगी ङेनेक्‍याला, खोङबा येरुसालेमला फेप घोगुलाक धेनी गोठीक्‍या धाङ क्षो़पो़न क्षेक्‍या धाङ क्षो़ठीमगी ॱलोपो़नक्‍याने दुक्‍पु माङा च्‍यीक ङ्याङ घोगुलाक धेनी खोङबा से घोगीलाक हीना ङीमा सुम्‍बागोला छीवाने या श्‍याङगीलाक ॱनागीनगी, कोरला सेस्‍ये जेपालाक।

मेथा 22:46

धेनी सी़या खोङबाला छीक च्‍यीया लेन श्‍यी़ ॱमाथुक्‍पालाक धेनी होदे ङीमाने ॱहाला सी़या, खोङबाला ढीवा कुयेगी ॱलोगोक माझ्‍येवालाक।

मेथा 26:4

धेनी खुङक्‍याई येशुला घाङगी झ्‍येरी ॱली़री शीम्‍ये धाङ सेयेगी डो़ मुला झ्‍येवालाक।

मेथा 26:59

धा क्षो़पो़न क्षेक्‍या धाङ छोक्‍दी़गी मी घीरीगी, येशुला सेदु च्‍युक्‍येला खोङबागी ग्‍याप्‍तो़ला पाङपो शोक्‍पोक्‍या चावालाक।

मारकु 14:1

याहुदापाक्‍याई पेसाकगी धी़छेन धाङ क्‍युरची मेगीन ग्‍याङगा शागीन धी़छेन, हुङयेला श्‍याक्‍मो ॱङी हो़तालाक। धेनी क्षो़पो़न क्षेक्‍या धाङ क्षो़ठीमगी ॱलोपो़नक्‍या, येशुला घाङगी झ्‍येरी शोक झ्‍येरी शीम्‍ये, धाङ सेयेगी थापस्‍यी झ्‍येरी धे हो़तालाक।

मारकु 3:6

धेनी फारुसीपाक्‍या होदेने थो़न्‍दी सोरी, खोङबाला घाङगी झ्‍येरी सेये दुई ॱनेरी, हेरोदेगी मीक्‍यामुला लाम्‍साङ ढो़ झ्‍येवालाक।

योहान्‍ना 11:47

होझ्‍येरी क्षो़पो़न क्षेक्‍या धाङ फारुसीपाक्‍याई छोक्‍तेन भो़री ॱनेवालाक, “दी मी दे ताक माङा तो़न्‍दी। धा होराङ घी झ्‍यीये?

योहान्‍ना 12:10

होझ्‍येरी क्षो़पो़न क्षेक्‍याई लाजारला याङ सेयेला झ्‍यी़ङेन तीवालाक।

योहान्‍ना 7:1

होदे स्‍याम्‍ने, येशु गालील युला फेप्‍पालाक। हीना युदेया युला फेप्‍ङी मादो़पालाक घीझ्‍येरी ॱनाना याहुदापा पो़न्‍पोक्‍याई, खोङबाला सेयेगी थापस्‍यी चाली हो़तालाक।

जेपा 5:33

धेनी दे लाबगो ङेन्‍दी होदुरु जोम्‍जा गोठीक्‍या ॱमीच्‍यीकी श्‍येताङ लारी, कुछापक्‍याला सेङी दो़पालाक।

जेपा 9:23

ङीमा घाजीङ स्‍याम्‍ने याहुदापाक्‍याई खोला सेयेला ढो़ झ्‍येवालाक।