योहान्‍ना 11:52 - ॱलोवा

⁵² धेनी याहुदापे मीरीक क्षीला च्‍यीगा मेन्‍दा थोरती धेता, को़न्‍क्षोकगी से धाङ सेमोक्‍या च्‍यीकदु धी़येगी क्षीला स्‍येपालाक।

योहान्‍ना 11:52 Iomraidhean Croise

लुका 15:8

“याङना केमी च्‍यीकला ॱङुगी टाङगा च्‍यु हो़तालाक। धेनी च्‍यीक तोरना, मी़ क्‍युङ पारती होदे ॱमाङेगीन थुक्‍पे, खीम क्षाक्‍यी-क्षाक्‍यी काल्‍ले ग्‍याप्‍ती ॱयाङगी मालाक से?

लुका 2:32

खोङ नी याहुदापा मेन्‍गीनक्‍याई क्षीला खेराङगी थुकोङ ॱङो़न्‍ये धाङ, खेराङगी मीरीक ईस्‍राएल्‍पाक्‍याई क्षीदु शीजे झ्‍युङये हो़गो लाक।”

योहान्‍ना 1:12

हीना खोङबाला खेलेन्‍दी, खोङबागी छेनला धेपा झ्‍यीगीन घीरीला, को़न्‍क्षोकगी से-सेमो झ्‍युङयेगी आङजा ॱनावालाक।

योहान्‍ना 1:29

धेनी ङीमा स्‍याम्‍मागो योहान्‍नागी, येशुला राङ स्‍योकला फेप्‍कीनगो ज्‍यारी ॱनेवालाक, “तो़दाङ, जीक्‍तेनगी धीक्‍पा ॱनुम्‍गीन, को़न्‍क्षोकगी लुक्‍टुगो फेप्‍दुक!

योहान्‍ना 10:16

लुक्‍रा दी मेन्‍गीन, ङी लुक श्‍येम्‍माक्‍या हो़तालाक। ङी देक्‍यालाः ठीक घो़गुलाक धेनी देक्‍याई ङी केक ङेन्‍गीलाक। धेनी खुङक्‍या लुकख्‍यु च्‍यीकगी झीउ च्‍यीक झ्‍युङगीलाक।

योहान्‍ना 12:32

धेनी ङा साश्‍यीने याला फायी घाङला, ङी घीरीला राङगी डुङदु धी़येहीन।”

जेपा 18:10

ङा ख्‍यी़मुला हो़क धेनी मी सी़याः ख्‍यो़ला घीया मीझ्‍यीगीलाक घीझ्‍येरी ॱनाना दे ग्‍याजाला ङी मी माङा हो़क।”

रोमापा 3:29

याङ को़न्‍क्षोक याहुदापाक्‍याई च्‍यीगा को़न्‍क्षोक लाक से? खोङ याहुदापा मेन्‍गीनक्‍यागीयाः को़न्‍क्षोक माले? लाक, खोङबा याहुदापा मेन्‍गीनक्‍यागीयाः को़न्‍क्षोक लाक।

रोमापा 4:17

दी कोरला सुङरापला देरे ढीक हो़तालाक, “ङी ख्‍यो़ला मीरीक माङागी आकी को़वाहीन।” मी स्‍यीस्‍याक्‍याला सो़न्‍दु जेगीन धाङ मेगीनक्‍याला हो़गीन जेगीन, को़न्‍क्षोकला आब्‍राहामगी धेपा झ्‍येवालाक। धेनी खोङगी ॱमीक्‍वादु आब्‍राहाम होरी याप लाक।

एफीसुपा 1:5

को़न्‍क्षोकगी थुकोङ धाङ घावाला तेन्‍ती, येशु मास्‍यीका थोक्‍ने, खोङबागी होराङला राङगी से धाङ सेमो झ्‍युङयेला, एम्‍माने झाम्‍पागी थोक्‍ने थाक्‍चो़ जेपालाक।

एफीसुपा 3:11

दे नी, को़न्‍क्षोकगी थामेपे थुकोङला तेन्‍ती, मास्‍यीका येशु होरी चोवोगी थोक्‍ने डुपा जेपालाक।

याकोब 1:1

को़न्‍क्षोक धाङ चोवो येशु मास्‍यीकागी ढेन्‍योक याकोबने, जीक्‍तेनदु थोरती धेता याहुदापा ग्‍युपा च्‍युङङीक्‍याने, मास्‍यीकाला धेपा झ्‍यीगीनक्‍याला छाम्‍डी श्‍युवाहीन।

१ पेटो 1:1

येशु मास्‍यीकागी कुछाप, ङा पेटो, खे पोन्‍तु धाङ गालातीया धाङ कापादोकीया धाङ एशीया धाङ बीथानीयादु थोरती धेताक्‍याला, दे यीक दे ढीयाहीन।

१ योहान्‍ना 2:2

खोङ नी होरी धीक्‍पाक्‍या सेल्‍येगी क्षीदु, धीकस्‍याकगी ॱमारछो़गो लाक धेनी होरी क्षीदु च्‍यीगा मेन्‍दा, जीक्‍तेन हो़लेगी धीक्‍पाक्‍याई क्षीदु लाक।

१ योहान्‍ना 3:1

तो़दाङ, यापगी होराङला ॱनाङगीन झाम्‍पा ॱमीच्‍यीकी क्षे राक्‍ती, होराङ खोङबागी से धाङ सेमो भो़घो झ्‍युवालाक। धेनी हीन्‍येगोवा ॱङोन्‍ने लाक। होझ्‍येरी जीक्‍तेनगी खोङबाला ङो ॱमेस्‍येगीन झ्‍येरी, होराङला ङो ॱमेस्‍येलालाक।

१ योहान्‍ना 3:10

ढाङपो हीन्‍गीनगो मीझ्‍यीगीन धाङ राङगी पी़नक्‍याला झाम्‍पा मीझ्‍यीगीन सुवा, को़न्‍क्षोकगी से धाङ सेमो मालाक। दी गोनेराङ, को़न्‍क्षोकगी से धाङ सेमो सु हीन्‍गीन धाङ धी़कगी टुवा सु हीन्‍गीनगो, होरी ङो स्‍येलालाक।

१ योहान्‍ना 3:2

चेवे रोवाक्‍याओ, धान्‍दा होराङ को़न्‍क्षोकगी से धाङ सेमो लाक धेनी होराङ घी हुङये हीन्‍गीनगो धान्‍दा थुक्‍पे, ॱमाङो़न हो़तालाक। हीना मास्‍यीका ॱङो़न्‍दी घाङला, होराङ खोङबा च्‍योक्‍रे झ्‍युङगीलाक ॱनेरी, होराङ स्‍येलालाक घीझ्‍येरी ॱनाना खोङबा घारे हो़गीनला राङ, होरी खोङला ज्‍यागीलाक।

ॱङो़न्‍पा 5:9

धेनी खुङक्‍याई तो़लु साबा च्‍यीक लेन्‍दी ॱनेवालाक, “खेराङला स्‍योक्‍टी दे ॱनुम्‍ये धाङ होदेगी थेचेक्‍या कोक थुप्‍कीन आङजा हो़तालाक, घीझ्‍येरी ॱनाना खेराङला सेपालाक, धेनी खेराङगी कुठाकगी को़न्‍क्षोकगी क्षीदु, ग्‍युपा धाङ केरीक धाङ मी धाङ मीरीकक्‍याने, मीक्‍या ङ्यो़वालाक।