5 येशुगी मारथा धाङ मी़ नुमो धाङ लाजारला चेवा जेदालाक।
धा येशु धाङ खोङबागी ङेनेक्या फेई घाङला, खोङबाक्या यु च्यीक नाङदु फेप्पालाक। धेनी मारथा ॱनागीन केमी च्यीकगी, खोङबाला मोरी नाङदु फेप्सु श्यी़वालाक।
हीना मारथा श्याप्ची श्युये लेगाला गो यारी धे हो़तालाक। धेनी मो येशुचारु च्यारती श्यी़वालाक, “चोवो, ङी नुमोगी ङा च्यीगा लेगा झ्यीयेला भोरती श्याक्कीनगो, खेराङ मीशीयाले? ङाला रोवा झ्यीयेला मोला का ॱनाङरो ॱनाङ।”
हीना येशुगी मोला लेन जेपालाक, “मारथा, मारथा! ख्यो़ लेगा माङागी कोरला सेम्डा धाङ खोङडो झ्यीदी।
लाजार ॱनागीन, मी नेपा च्यीक हो़तालाक। खो बेथानी युरु, खोरी ईजी मीरीयाम धाङ मारथामुला धेदालाक।
धा ईजी ॱङीउगी, येशुला देरे लो़न कुरपालाक, “चोवो, खेराङगी चेवा झ्यीगीनगो नेपा दुक।”
होझ्येरी याहुदापाक्याई ॱनेवालाक, “तो़दाङ, खोङबागी लाजारला ॱमीच्यीकी झाम्पा जेपालाक।”
हीना लाजार नेपा दुक ॱनेरी लो़नगो सेन्दा जेदीया, खोङबा घारु श्युक हो़सारु धोराङा ङीन ॱङी श्युक्पालाक।
ङेनेक्याई खोङबाला श्यी़वालाक, “राब्बी, खासाङ याहुदापा पो़न्पोक्याई खेराङला धोगोङ श्युरये झ्येवालाक। धा याङ खेराङ होदुरु फेप्ये?”
घीझ्येरी ॱनाना खेक्याई ङाला झाम्पा झ्येवालाक धेनी ङा यापने हुङगीनगोला खीकी धेपा झ्येरी, याप राङगी खेक्याला झाम्पा जेदालाक।
खेराङगी ङाला जेगीन चेवा दे, खुङक्याई नाङ ॱनेये धाङ ङा खुङक्या नाङ ॱनेयेगी क्षीदु, ङी खेराङगी छेन खुङक्याला ॱङो़न्दु च्युकहो़क धेनी देरे झ्येरी च्योई ॱङो़न्दु च्युक्येहीन।”
