योहान्‍ना 11:44 - ॱलोवा

⁴⁴ धा मी स्‍यीम्‍पोगो काङबा लाक्‍पा रेगी धाम्‍दा धाङ दोङबा रेगी तुम्‍तालाराङ फीला थो़न्‍बालाक। येशुगी खुङक्‍याला सुवालाक, “खोला टोरी डोरु च्‍युक।”

योहान्‍ना 11:44 Iomraidhean Croise

मारकु 5:43

खोङबागी दे लाब दे सी़या ॱहामाघोरास्‍योक ॱनेरी, खुङक्‍याला का ॱरा ॱनावालाक। धेनी मोला शायेला च्‍यीक रे तेर सुरी, खुङक्‍याला सुवालाक।

लुका 19:20

ॱयोक्‍पो श्‍येम्‍मा च्‍यीक होरी देरे ॱनेवालाक, ‘चोवो, खेराङगी टाङगा दुरु हो़क। ङी देला रेगी धाम्‍दी श्‍याक्‍पी।

लुका 7:15

धेनी स्‍यीम्‍बुगो लारी लाब तावालाक। धेनी येशुगी खोला खोरी आमाला ची ग्‍याप जेपालाक।

योहान्‍ना 10:30

ङा धाङ याप नी च्‍यीक हीन।”

योहान्‍ना 11:39

येशुगी सुवालाक, “धोगोङ दी ॱहाला झ्‍यी।” स्‍यीम्‍पोगी ईजी मारथागी खोङबाला श्‍यी़वालाक, “चोवो, खो ढोरी श्‍याक्‍मो श्‍यी डी़। धा दे धी़ थुक्‍पेला ढीमा खीसा हो़टु।”

योहान्‍ना 11:43

खोङबागी देरे सुङसारती, सुङकेक क्षेला सुवालाक, “लाजार, फीला थो़न्‍दी स्‍योक।”

योहान्‍ना 19:40

धेनी याहुदापे फुङबु भेगीन लुक्‍सो़ च्‍योक्‍रे, खुङ ॱङीउगी सोरेला ढीस्‍यीम ॱलुक्‍ती येशुगी कुफुङगोला टीवालाक।

योहान्‍ना 20:5

धेनी खी़ घुक झ्‍येरी ती घाङला, सोरेगो होदुरु हो़गीनगो थोवालाक हीना खो नाङला माजुवालाक।

योहान्‍ना 20:7

धेनी येशुगी उला टीटा रेगो सोरेगोमुला मेन्‍दा, च्‍यीगा श्‍येम्‍मा साजाला ताप्‍ती श्‍याकश्‍या थोवालाक।

योहान्‍ना 5:21

घीझ्‍येरी ॱनाना यापगी स्‍यीम्‍पोक्‍याला सो़न्‍पो जेदी छे ॱनाङगीन च्‍योक्‍रे, सेगीयाः राङगी ग्‍येवे मीक्‍याला छे ॱनाङगीलाक।

योहान्‍ना 5:25

ङा खेक्‍याला धेन्‍पा धेनक्‍याङ ॱनाहीन, स्‍यीम्‍बुक्‍याई को़न्‍क्षोकगी सेगी सुङकेक घोरकीन धी़गो ॱलेवी हो़तालाक धेनी धी़गो धान्‍दा लाक। धेनी ङेन्‍गीनक्‍या सो़न्‍पो ॱनेगीलाक।

फीलीप्‍पीपा 3:21

धेनी घीरी खोङबा राङगी वाङ होकदु जे थुक्‍कीन नी़थुगी राङ, होरी थापक्‍योवा ली़ला खोङबाराङगी शीजेगी कुली़ च्‍योक्‍रे ग्‍युरा जेगीलाक।

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।