योहान्‍ना 11:42 - ॱलोवा

⁴² खेराङगी च्‍योई ङाला सेन्‍गीनगो ङी स्‍येलीहो़क। हीना खेराङगी ङाला ॱङाक्‍पालाक ॱनेरी, दुरु लारी धेता मीक्‍याई धेपा झ्‍यीयेला ङा देरे श्‍युवाहीन।”

योहान्‍ना 11:42 Iomraidhean Croise

मेथा 26:53

ख्‍यी़ साम्‍बाला ङा ङी यापला श्‍यी़ ॱमीथुक्‍वालाक सामी? धेनी ङी श्‍यी़ना खोङगी ङाला नाम्‍खे भाङछेनगी ॱमाक्‍पुङ च्‍युङङीने, ल्‍हाक ताङ ॱमीथुक्‍कीले?

योहान्‍ना 11:22

हीना धान्‍दा खेराङगी को़न्‍क्षोकने घी श्‍यी़गीनगो, खोङगी खेराङला ॱनाङगीलाक ॱनेरी ङी स्‍येलीहो़क।”

योहान्‍ना 11:31

धा खाङबा नाङदु मीरीयामला सेम्‍सो पारतु हुङगीन, याहुदापाक्‍याई मो लाम्‍साङ लारी फीला थो़न्‍दी डोगीनगो थोरी, मो धी़ठोदु ङुरु डोवा हीन्‍ढु साम्‍दी, खुङक्‍या मी़ स्‍याम्‍ला डावालाक।

योहान्‍ना 11:43

खोङबागी देरे सुङसारती, सुङकेक क्षेला सुवालाक, “लाजार, फीला थो़न्‍दी स्‍योक।”

योहान्‍ना 12:11

घीझ्‍येरी ॱनाना लाजारगी केनगी याहुदापा ॱमीच्‍यीकी माङा, खुङक्‍याने खा डारी येशुला धेपा झ्‍येवालाक।

योहान्‍ना 12:17

येशुगी लाजारला धी़ठोने भो़री छीवाने सो़न्‍पो जेदी घाङला, खोङबामुला हो़गीन मीछोकगी खोङबागी कोरला पाङपो तेरजीङ झ्‍येवालाक।

योहान्‍ना 17:21

खुङक्‍या घीरी च्‍यीक झ्‍युङयेगी क्षीला ङा सोवा ग्‍यावाहीन। के याप, खेराङ ङी नाङ श्‍युक्‍कीन धाङ ङा खेराङ नाङ हो़गीन च्‍योक्‍रे, खुङक्‍याः होराङ ॱङीउ नाङ च्‍यीक झ्‍युङास्‍योक। धेनी खेराङगी ङाला ॱङाक्‍पालाक ॱनेरी जीक्‍तेनगी धेपा झ्‍यीदास्‍योक।

योहान्‍ना 17:25

“के ढाङतेनगी याप, जीक्‍तेनगी खेराङला ॱमेस्‍येनाः ङी खेराङला ङोस्‍येलीहो़क। धेनी खेराङगी ङाला ॱङाक्‍पालाक ॱनेरी ङेनेक्‍याई स्‍येलालाक।

योहान्‍ना 17:8

घीझ्‍येरी ॱनाना खेराङगी ङाला ॱनाङना काक्‍या, ङी खुङक्‍याला तेरपाहीन धेनी खुङक्‍याई होदे खेलेन्‍दी, ङा नी खेराङने झ्‍युङगीनगो खुङक्‍याई ॱङोन्‍ने स्‍येदुक। धेनी ङा नी खेराङगी ॱङाक्‍पालाक ॱनेरी खुङक्‍याई धेपा झ्‍येदुक।

योहान्‍ना 20:31

हीना येशु, मास्‍यीका धाङ को़न्‍क्षोकगी सेगो लाक धेनी खोङबाला धेपा झ्‍येरी, खोङबागी छेनने खेक्‍याला थामेपे छेसोक थोप्‍कीलाक ॱनेरी खीकी धेपा झ्‍यीयेला, ङी देक्‍या ढीक हो़क।

योहान्‍ना 3:17

को़न्‍क्षोकगी राङगी से जीक्‍तेनदु क्‍यो़न च्‍युक्‍तु मेन्‍दा, हीना जीक्‍तेनगी मी घीरी खोङबागी थोक्‍ने, क्‍योप्‍येगी क्षीला ॱङाक्‍पालाक।

योहान्‍ना 8:16

घीहीनाः ङी ठीम्‍चो़ झ्‍यीना, दे धेन्‍पा हीन घीझ्‍येरी ॱनाना दे ङा च्‍यीगा मेन्‍दा, ङाला ॱङाक्‍कीन याप मुला ठीम्‍चो़ झ्‍यीदाहीन।

योहान्‍ना 8:29

धेनी ङाला ॱङाक्‍कीनगो ङीमुला हो़क। धेनी ङी च्‍योई खोङबाला थुक्‍ङेउ लेगा झ्‍येजा झ्‍येरी, खोङगी ङा च्‍यीका लेरु ॱमाच्‍युक।”

योहान्‍ना 8:42

येशुगी खुङक्‍याला सुवालाक, “को़न्‍क्षोक खीकी याप हीन्‍ना, खीकी ङाला चेवा झ्‍यीयेहो़क घीझ्‍येरी ॱनाना ङा को़न्‍क्षोकने होवा झ्‍येरी, ङा धान्‍दा दुरु हो़क। ङा राङला तेन्‍दी होवामेन हीना खोङबागी ङाला ॱङाक्‍पालाक।

रोमापा 8:3

होरी ली़गी क्‍योवा शो़सा क्षो़ठीमगी झ्‍यी ॱमाथुक्‍कीनगो, को़न्‍क्षोकगी राङगी से धीक्‍पे राङश्‍यीगी ली़ला धीक्‍पे ॱमारछो़ झ्‍युङयेला झाङा जेदी, होदे जेपालाक। धेनी देरे झ्‍येरी खोङगी धीक्‍पाला ली़लाराङ छेपा का जेपालाक।

गालातीयापा 4:4

हीना धी़चो़ ताक्‍तागो होसारती, को़न्‍क्षोकगी राङगी से ताङा जेपालाक। धेनी क्षो़ठीमगी होकदु हो़गीन, होराङक्‍याला थारपा जेये धाङ होराङ खोङगी से धाङ सेमो झ्‍युङयेला, खोङबा भोमो च्‍यीकने क्षो़ठीमगी होकदु ठुङवालाक।

ईब्‍रीपा 5:7

येशु जीक्‍तेनदु श्‍युक्‍वाराङ, खोङबा स्‍युम्‍ती सुङकेक क्षेगी थोक्‍ने, खोङबाला छीवाने क्‍योप थुक्‍कीन, को़न्‍क्षोकला ॱमो़लाम धाङ श्‍योवा पुवालाक। धेनी खोङगी को़न्‍क्षोकला कुरती क्षे जेगीनगी केनगी, खोङबागी ॱमो़लाम सेन्‍दा जेपालाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

१ योहान्‍ना 4:14

धेनी यापगी राङगी से जीक्‍तेनगी क्‍याम्‍गो़न झ्‍युङयेगी क्षीदु ॱङाक्‍कीनगो, हीकी थोवालाक धेनी पाङपो झ्‍यीदाहीन।