योहान्‍ना 11:25 - ॱलोवा

²⁵ खोङबागी मोला सुवालाक, “ॱलार सो़न्‍गीन धाङ छेसोक नी, ङा हीन। ङाला धेपा झ्‍यीगीनक्‍या स्‍यीनाः सो़न्‍पो ॱनेगीलाक।

योहान्‍ना 11:25 Iomraidhean Croise

लुका 23:43

खोङबागी खोला सुवालाक, “ङा ॱङोन्‍ने ॱनाहीन, धीरीङराङ ख्‍यो़ ङीमुला नाम्‍खे श्‍यीङखामदु हुङगीलाक।”

योहान्‍ना 1:4

कागी नाङ छे हो़तालाक धेनी छे दे मीगी हो़गो हीन।

योहान्‍ना 14:19

धा धी़ तीते च्‍यीकने जीक्‍तेनगी ङाला ॱमेथोङगीलाक हीना खेक्‍याई ङाला थोङगीलाक। ङा सो़न्‍पो झ्‍येरी, खेक्‍याः सो़न्‍पो ॱनेगीलाक।

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 3:16

“घीझ्‍येरी ॱनाना को़न्‍क्षोकगी जीक्‍तेनगी मीक्‍याला देरे झाम्‍पा जेदी, खोङगी राङगी से च्‍यीक्‍पोगो ॱनावालाक। धेनी होझ्‍येरी खोङबाला धेपा झ्‍यीगीन सुवा, मेताला डोगीमालाक हीना थामेपे छेसोक थोप्‍कीलाक।

योहान्‍ना 3:36

सेला धेपा झ्‍यीगीनला थामेपे छेसोक थोबालाक। सेला धेपा मीझ्‍यीगीनगी़ छे ॱमेथोङगीलाक हीना को़न्‍क्षोकगी थुक्‍ठो़, खी़ खाला ॱनेदी धेतालाक।

योहान्‍ना 5:21

घीझ्‍येरी ॱनाना यापगी स्‍यीम्‍पोक्‍याला सो़न्‍पो जेदी छे ॱनाङगीन च्‍योक्‍रे, सेगीयाः राङगी ग्‍येवे मीक्‍याला छे ॱनाङगीलाक।

योहान्‍ना 5:26

घीझ्‍येरी ॱनाना याप राङला छे हो़गीन च्‍योक्‍रे, खोङबागी सेलाः छे ॱनाङयेगी वाङ जेपालाक।

योहान्‍ना 6:35

येशुगी खुङक्‍याला सुङा जेपालाक, “ङा नी छेगी ग्‍याङगा हीन। ङीचारु हुङगीन ॱमेतोक्‍कीलाक धेनी ङाला धेपा झ्‍यीगीनगो नामा ॱमेकोम्‍गीलाक।

योहान्‍ना 6:44

ङाला ॱङाक्‍कीन यापगी, ङीचारु मीक्‍या ठीक्‍ती हुङा मेजेनाः, ङी डुङदु सुवा हुङ ॱमीथुक्‍कीलाक। धेनी थामे ङीमाला ङा खुङक्‍याला सो़न्‍पो ॱलाङयेहीन।

जेपा 3:15

छेसोक ॱनाङगीनगोला खेराङक्‍याई सेजुङ। हीना को़न्‍क्षोकगी खोङबाला छीवाने सो़न्‍पो श्‍याङ जेजुङ। दे लाबगी पाङपो हेक्‍या हीन।

रोमापा 4:17

दी कोरला सुङरापला देरे ढीक हो़तालाक, “ङी ख्‍यो़ला मीरीक माङागी आकी को़वाहीन।” मी स्‍यीस्‍याक्‍याला सो़न्‍दु जेगीन धाङ मेगीनक्‍याला हो़गीन जेगीन, को़न्‍क्षोकला आब्‍राहामगी धेपा झ्‍येवालाक। धेनी खोङगी ॱमीक्‍वादु आब्‍राहाम होरी याप लाक।

रोमापा 8:2

घीझ्‍येरी ॱनाना छे ॱनाङगीन धाम्‍पे थुक्‍ङीगी वाङगी, मास्‍यीका येशुगी थोक्‍ने, खेक्‍याला धीक्‍पा धाङ छीवागी वाङने थारपा जे हो़तालाक।

१ कोरीन्‍थुपा 15:18

धा देरे हीन्‍ना मास्‍यीकाला धेपा झ्‍येरी, ढोटोवाक्‍या मेताला सोवालाक।

१ कोरीन्‍थुपा 15:29

देरे मेन्‍ना, स्‍यीम्‍पोगी थोक्‍ने मीक्‍याई ठी़सो़ लेन्‍गीनगी दो़नगो घी ले? स्‍यीम्‍पोक्‍या सो़न्‍पो जेये मेन्‍ना, स्‍यीम्‍पोक्‍याई क्षीदु मीक्‍या घीझ्‍येरी ठी़सो़ लेन्‍दाले?

२ कोरीन्‍थुपा 4:14

घीझ्‍येरी ॱनाना चोवो येशुला कुसो़न्‍पो श्‍याङा जेगीन, खोङबागी हेक्‍याला येशुमुला सो़न्‍पो जेगीलाक धेनी हेक्‍याला खीकीमुला खोङबागी डुङदु ठीया जेदालाक ॱनेरी, हेला स्‍येयेहो़क।

फीलीप्‍पीपा 1:23

ङा दे ॱङीउगी खोक्‍दु छी़दी धेहो़क। ङा दे जीक्‍तेनने दारी, मास्‍यीकामुला झ्‍युङयेगो ङी दो़पा हो़क घीझ्‍येरी ॱनाना दे ॱमीच्‍यीकी घा दुक।

फीलीप्‍पीपा 3:10

ङी दो़पा नी, मास्‍यीकाला ङोस्‍येये धाङ खोङ छीवाने ॱलार सो़न्‍पो झ्‍युङगीनगी नी़थु स्‍येये लाक। धेनी खोङगी ङ्याङगीन दुक्‍ङेल च्‍योक्‍रे ङ्याङये धाङ खोङ ढोङगीन च्‍योक्‍रे ढोङये,

१ थेसालोनीकेपा 4:14

घीझ्‍येरी ॱनाना येशु ढोरी कुसो़न्‍पो श्‍याङवालाक ॱनेरी, होराङ यीच्‍चे झ्‍यीदालाक धेनी धेपा झ्‍यीगीन ढोङगीनक्‍याला को़न्‍क्षोकगी येशुमुला ठीया जेगीलाक ॱनेरी, होराङ धेपा झ्‍यीदालाक।

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।

ॱङो़न्‍पा 20:5

धेनी श्‍येम्‍मा स्‍यीस्‍याक्‍या लो च्‍यीक तोङगो माजोक्‍कीन थुक्‍पे, सो़न्‍पो माझ्‍युवालाक। दे नी, ॱलार सो़न्‍पो झ्‍युङगीन धाङपोगो लाक।

ॱङो़न्‍पा 21:4

खोङबागी खुङक्‍याई ॱमीकने, छीमाक घीरी फीला जेगीलाक। धेनी होदुरु छीवा याङना दुङा याङना ङुता ग्‍याप्‍ये याङना शुक घीया झ्‍युङगीमालाक घीझ्‍येरी ॱनाना एम्‍मागी दो़नक्‍या जोक्‍सारालाक।”

ॱङो़न्‍पा 22:1

धेनी नाम्‍खे भाङछेनगी ङाला दाङस्‍येल च्‍योक्‍रे, साला हो़गीन छेसोकगी क्षुगी चाङबुगो तो़न्‍दा जेजुङ। धेनी दे नी, को़न्‍क्षोक धाङ लुक्‍टुगी श्‍युक्‍ठीने झ्‍युरी,

ॱङो़न्‍पा 22:17

धाम्‍पे थुक्‍ङी धाङ भाक्‍मागी सुङालाक, “फेप स्‍योक।” धेनी घोरकीनक्‍याई देरे ॱनाघो़, “फेप स्‍योक।” कोम्‍गीनगो हुङास्‍योक धेनी दो़पा झ्‍यीगीनक्‍याई छेसोकगी क्षु स्‍यी़दी़ला थुङास्‍योक।