योहान्‍ना 10:41 - ॱलोवा

⁴¹ धेनी मी माङा खोङबाचारु च्‍यारती, खोराङक्‍या घुङदु ॱनेवालाक, “योहान्‍नागी ॱहाङसागीन ताक घीया ॱमातो़न्‍बालाक हीना खोङगी दे मी दी कोरला सुङगीन घीरी धेन्‍पा दुक।”

योहान्‍ना 10:41 Iomraidhean Croise

मेथा 14:2

धेनी खी़ खोरी ॱयोक्‍पोक्‍याला ॱनेवालाक, “दे नी ठी़सो़खेन योहान्‍ना लाक। खो स्‍यीम्‍बुने सो़न्‍पो लाङदुक, होझ्‍येरी देरे ॱहाङसागीन नी़थु खोने झ्‍युवालाक।”

मारकु 1:37

धेनी खुङक्‍याई खोङबाला ज्‍यारी श्‍यी़वालाक, “मी घीरी नी खोङबा चाली।”

लुका 12:1

होदे घाङला मी तोङडाक माङा येशुचारु जोम्‍दी, च्‍यीकगी च्‍यीकला छाङगा ग्‍याप्‍ती, काङबी ॱलेये झ्‍येवालाक धेनी येशुगी एन्‍ला खोरी ङेनेक्‍याला सुवालाक, “फारुसीपाक्‍या खाने लाब च्‍यीक हीना लेगा श्‍येम्‍मा झ्‍यीगीन झ्‍येरी, देरे क्‍युरचीने शाप-शाप झ्‍येरी धो़क।

लुका 5:1

ङीमा च्‍यीक, येशु गेन्‍नेसारेत छो डामदु श्‍युक हो़तालाक धेनी मीमाङक्‍या छाङगा ग्‍याप्‍ती, खोङबाला कोरती को़न्‍क्षोकगी का ङेन्‍दी धे हो़तालाक।

योहान्‍ना 1:27

ङी स्‍याम्‍ला फेप्‍कीनगो, खोङबाराङ लाक। धेनी ङा खोङबागी श्‍याप्‍हामगी डुतोक टोरीन खाये मेक।”

योहान्‍ना 2:11

दे ताक धाङपो दे येशुगी गालीलगी काना युरु जेदी, राङगी शीजे ॱङो़न्‍दु जेपालाक। धेनी खोङबागी ङेनेक्‍याई खोङबाला धेपा झ्‍येवालाक।