योहान्‍ना 10:32 - ॱलोवा

³² येशुगी खुङक्‍याला सुवालाक, “यापगी गोने, ङी खेक्‍याला ले शाङा माङा तो़न्‍पी। देक्‍याने घीन्‍गी क्षीला, खेक्‍या ङाला धोगोङ श्‍युरये हीन्‍नो?”

योहान्‍ना 10:32 Iomraidhean Croise

मेथा 11:5

श्‍याराक्‍याई थोङी, श्‍याक्‍योकक्‍या घोबा चुई, जेनेक्‍या दाक्‍यी, आमच्‍योक मेघोरकीनक्‍या घोरी, स्‍यीगीनक्‍या लाङी धेनी उटेक्‍याला ताम्‍शाङगो स्‍येदी।

योहान्‍ना 10:25

येशुगी खुङक्‍याला लेन ॱनावालाक, “ङी खेक्‍याला स्‍येछा। हीना खेक्‍या ङाला यीच्‍चे मीझ्‍यीदा। ङी यापगी थोक्‍ने ङी झ्‍येजा लेगाक्‍याई ङाला पाङपो झ्‍यीदालाक।

योहान्‍ना 10:31

याहुदापा पो़न्‍पोक्‍याई, येशुला धोगोङ श्‍युरयेला धाब्‍ले धोगोङ धी़वालाक।

योहान्‍ना 10:33

याहुदापा पो़न्‍पोक्‍याई खोङबाला श्‍यी़वालाक, “हेक्‍याई ख्‍यो़ला ले शाङागी क्षीला, धोगोङ श्‍युरामेन हीना ख्‍यो़ मी च्‍यीक झ्‍येरीया, राङला को़न्‍क्षोक चीरी, को़न्‍क्षोकला कुरवा धेप्‍कीनगी क्षीला हीन।”

योहान्‍ना 10:37

यापगी क्षाक्‍ले ङी माझ्‍ये हो़ना, ङाला यीच्‍चे माझ्‍यी।

योहान्‍ना 5:36

“हीना ङाला हो़गीन धेन्‍पाङगो योहान्‍नाला क्षे हो़क। घीझ्‍येरी ॱनाना यापगी डुप्‍तु च्‍युक्‍ये क्षाक्‍ले, ङाला ॱनाङगीनक्‍या ङा झ्‍यीदीहो़क धेनी देक्‍यागीराङ यापगी ङाला ॱङाक्‍पालाक ॱनेरी पाङपो झ्‍यीदालाक।

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

जेपा 2:22

“ईस्‍राएल्‍पा मीक्‍याओ, ङी लाब ङेन्‍रोनाङ, नाजारेतगी येशुने को़न्‍क्षोकगी खेराङक्‍याई घुङदु स्‍युक क्षेन्‍बो धाङ ॱहाङसागीन लेगाक्‍या झ्‍येरी, धेनी ताकक्‍या तो़न्‍गीनगो खेराङक्‍याला क्षा हो़तालाक। होदेक्‍याने को़न्‍क्षोकगी येशुला खेराङक्‍याई घुङदु झावाहीन ॱनागीन, पाङपोगो तो़न्‍दा जेपालाक।

१ योहान्‍ना 3:12

धी़कगी हीन्‍गीन धेनी राङगी नोला सेगीन, कायीन च्‍योक्‍रे माझ्‍युङ। खी़ घीझ्‍येरी राङगी नोला सेपाले? घीझ्‍येरी ॱनाना खी़ लेगाक्‍या ङेन्‍पा धाङ खी़ नोगी लेगाक्‍या ढाङपो हो़तालाक।