योहान्‍ना 10:31 - ॱलोवा

³¹ याहुदापा पो़न्‍पोक्‍याई, येशुला धोगोङ श्‍युरयेला धाब्‍ले धोगोङ धी़वालाक।

योहान्‍ना 10:31 Iomraidhean Croise

मेथा 12:14

हीना फारुसीपाक्‍या होदेने थो़न्‍दी सोरी, खोङबाला घाङ झ्‍येरी सेये ॱनेरी ढो़ झ्‍येवालाक।

मेथा 21:35

हीना होदेक्‍याई खी़ ॱयोक्‍पोक्‍याला ठीक्‍ती सोरी, च्‍यीकला दुङ च्‍यीकला से धेनी च्‍यीकला धोगोङ श्‍युरपालाक।

मेथा 23:35

होझ्‍येरी ढाङपो हाबेलगी ठाकने क्षो़खाङ धाङ क्षो़ठीगी घुङदु, खीकी सेगीन बेरेकीयागी भीजा जेकारीयासगी ठाक थुक्‍पे धेनी साला जाक्‍कीन ढाङतेनगी ठाक घीरीगी गेनगो, खेक्‍याई लेन घो़गुलाक।

योहान्‍ना 1:19

येरुसालेमने याहुदापा पो़न्‍पोक्‍याई क्षो़पो़नक्‍या धाङ लेवीक्‍याला “ख्‍यो़ सु हीनो?” ॱनेरी योहान्‍नाला ढीरु झाङी घाङला, खी़ धेन्‍पाङगो दे लाक।

योहान्‍ना 10:24

याहुदापा पो़न्‍पोक्‍या खोङबागी थाकोरला जोम्‍दी, खोङला श्‍यी़वालाक, “खेराङ नाम थुक्‍पे हेला थेचुम केरु च्‍युक्‍ये? खेराङ मास्‍यीकागो हीन्‍ना हेला सावो सुङाजे।”

योहान्‍ना 10:32

येशुगी खुङक्‍याला सुवालाक, “यापगी गोने, ङी खेक्‍याला ले शाङा माङा तो़न्‍पी। देक्‍याने घीन्‍गी क्षीला, खेक्‍या ङाला धोगोङ श्‍युरये हीन्‍नो?”

योहान्‍ना 11:8

ङेनेक्‍याई खोङबाला श्‍यी़वालाक, “राब्‍बी, खासाङ याहुदापा पो़न्‍पोक्‍याई खेराङला धोगोङ श्‍युरये झ्‍येवालाक। धा याङ खेराङ होदुरु फेप्‍ये?”

योहान्‍ना 5:18

येशुगी ङासुगीन ङीमा पाङये च्‍यीगा मेन्‍दा राङला को़न्‍क्षोकगी ढाडा जेदी, को़न्‍क्षोक नी राङगी याप लाक ॱनेरी सुङगीन झ्‍येरी, याहुदापा पो़न्‍पोक्‍याई येशुला देले ल्‍हाक सेयेगी थापस्‍यी चावालाक।

योहान्‍ना 8:59

धा खुङक्‍याई खोङबाला श्‍युरयेला धोगोङ धी़वालाक हीना येशु खाबा हीप्‍ती, क्षो़खाङने फीला थो़न्‍दी फेप्‍पालाक।

जेपा 7:52

खेराङक्‍याई धाङबी फामाक्‍याई दुक्‍पु ॱमाताङगीन, ॱङो़नस्‍येखेन च्‍यीया हो़ताले? को़न्‍क्षोकगी मी ढाङपोगो फेप्‍यी हो़तालाक ॱनेरी, लो़न तेरकीन ॱङो़नस्‍येखेनक्‍याला खुङक्‍याई सेजुङ। धेनी खेराङक्‍याई खोङला गो कोरती सेजुङ।