योहान्‍ना 10:3 - ॱलोवा

³ घो ॱरुङगीनगी खी़ क्षीला घो पेगीलाक। लुकक्‍याई खी़ केकला ङेन्‍दालाक। धेनी खी़ राङगी लुकक्‍याई मीङने भो़री फीला ठीयालाक।

योहान्‍ना 10:3 Iomraidhean Croise

योहान्‍ना 10:14

“ङा नी, लुक्‍जी शाङपोगो हीन। यापगी ङाला खेन्‍दालाक। धेनी ङीया यापला ङो स्‍येलालाक। देरेराङ झ्‍येरी ङी राङगी लुकक्‍याला ङोस्‍येलीहो़क। धेनी ङी लुकक्‍यागीयाः ङाला ङो स्‍येलालाक। ङा नी लुकक्‍याई दो़न्‍दु, राङगी ॱरोक ॱलो़ ताङाहीन।

योहान्‍ना 10:16

लुक्‍रा दी मेन्‍गीन, ङी लुक श्‍येम्‍माक्‍या हो़तालाक। ङी देक्‍यालाः ठीक घो़गुलाक धेनी देक्‍याई ङी केक ङेन्‍गीलाक। धेनी खुङक्‍या लुकख्‍यु च्‍यीकगी झीउ च्‍यीक झ्‍युङगीलाक।

योहान्‍ना 10:4

खी़ लुकक्‍या फीला तो़न्‍सारती, खो होदेक्‍याई दोङ-दोङला डोवालाक। धेनी लुकक्‍याई खी़ केक स्‍येरी, खी़ स्‍याम्‍ला डाङालाक।

योहान्‍ना 10:9

ङा नी घोगो हीन। ङा थोक्‍ने जुगीनगो क्‍योप्‍कीलाक धेनी नाङला हुङ, फीला डो झ्‍येरी चापाङ ॱङेगीलाक।

योहान्‍ना 6:37

यापगी ङाला ॱनाङगीन घीरी ङीचारु हुङगीलाक धेनी ङीचारु हुङगीन सुलाः ङा ॱलोक्‍येमेन।

योहान्‍ना 6:45

‘खुङक्‍या घीरीला को़न्‍क्षोकगी ॱलावा जेगीलाक’ ॱनेरी, ॱङो़नस्‍येखेनक्‍याई ढीक हो़तालाक। यापगी का ङेन्‍गीन धाङ ज्‍याङगीन घीरी ङी डुङदु हुङालाक।

रोमापा 8:30

धेनी खोङगी खुङक्‍याला दामा जेदी, खुङक्‍याला राङचारु भो़याः जेपालाक। धेनी खोङगी राङचारु भो़ जेजाक्‍याला, ढाङपोवाः जेपालाक। धेनी ढाङपो जेजाक्‍याला राङगी शीजेगोवाः ॱनाङा जेपालाक।

१ कोरीन्‍थुपा 16:9

घीझ्‍येरी ॱनाना फेन्‍क्षे लेगागी क्षीदु ङाला घुकाप क्षे च्‍यीक जोरहो़क धेनी देला ङोग्‍येल झ्‍यीगीनक्‍या माङा दुक।

फीलीप्‍पीपा 4:3

धेनी ङी धेन्‍पे लेरोक, ख्‍यी़याः दे केमी ॱङीउला रोवा झ्‍यी ॱनेरी, ङा श्‍युवाहीन। घीझ्‍येरी ॱनाना खुङ ॱङीउगीयाः ताम्‍शाङगी लेगाला, ङीमुला कीलेमेस धाङ ङी लेरोक श्‍येम्‍माक्‍यामुला काल्‍ले ग्‍याप हो़तालाक। खुङ घीरीगी मीङ छेसोकगी धेप नाङला छी़ हो़तालाक।

कोलोसेपा 4:3

मास्‍यीकागी साङवागो स्‍येयेला, को़न्‍क्षोकगी हेक्‍याला कागी क्षीदु घो पेवास्‍योक ॱनेरी, हीकी क्षीलाः ॱमो़लाम ग्‍योप। दो़न दी क्षीदु ङा चो़न्‍खाङदु हो़क।

२ तीमोथेउ 2:19

हीना “चोवोगी राङगी मीक्‍याला खेन्‍दालाक।” धेनी “चोवोगी छेन भो़गीनक्‍या लेङेनक्‍या पाङास्‍योक” ॱनेरी ढीक्‍टा को़न्‍क्षोकगी चीक्‍माङगो तेन्‍पो झ्‍येरी ॱनेलालाक।

१ पेटो 1:12

धेनी राङला मेन्‍दा खेक्‍याई श्‍याप्‍ची श्‍युगीनगो, ॱङो़नस्‍येखेनक्‍याला ॱङो़न्‍पालाक। धेनी धान्‍दा नाम्‍खे श्‍यीङखामने ॱङाक्‍ङा धाम्‍पे थुक्‍ङीगी वाङगी गोने क्षो़ सुङगीनक्‍याई, खेक्‍याला ताम्‍शाङ दे स्‍ये हो़तालाक। धेनी नाम्‍खे भाङछेनक्‍यागीयाः दो़न देक्‍या स्‍येङी दो़दालाक।

१ योहान्‍ना 4:6

होराङक्‍या नी, को़न्‍क्षोकने लाक धेनी को़न्‍क्षोकला ङोस्‍येगीनक्‍याई, हीकी लाबला ङेन्‍दालाक हीना को़न्‍क्षोकने मेन्‍गीनक्‍याई हीकी लाबला मेङेन्‍दालाक। धेनी दी गोनेराङ होराङक्‍याई धेन्‍पे सेम्‍ङी धाङ शोकगी सेम्‍ङीगो ङो स्‍येलालाक।

३ योहान्‍ना 1:14

ङा ख्‍यो़ला ग्‍योक्‍वा थुक्‍येगी रेवा हो़क धेनी ङो थुक्‍ती लाब ताङु।

ॱङो़न्‍पा 20:15

धेनी छेसोकगी धेप नाङदु मीङ माढीक्‍टाक्‍या घीरी, होदे मेगी छो नाङदु ॱयुक्‍पालाक।

ॱङो़न्‍पा 3:20

तो़दाङ, ङा घो डामदु लारी घो दुङाहीन। धेनी ङी केक घोरती, घो पेना ङा नाङदु जुयेहीन धेनी होदे मीमुला शामा शायेहीन धेनी होदे ङीमुला शागीलाक।

ॱङो़न्‍पा 7:17

घीझ्‍येरी ॱनाना श्‍युक्‍ठीगी घुङदु श्‍युक्‍कीन लुक्‍टुगो, खुङक्‍याई लुक्‍जी झ्‍युङगीलाक। धेनी खोङबागी खुङक्‍याला छेसोकगी क्षुमीक डामदु ठीया जेगीलाक। धेनी को़न्‍क्षोकगी खुङक्‍याई ॱमीकगी क्षीमाक घीरी फीया जेगीलाक।”