योहान्‍ना 10:28 - ॱलोवा

²⁸ ङा देक्‍याला थामेपे छेसोक तेरयेहीन धेनी देक्‍या नामा मेताला डोगीमालाक। सी़या देक्‍याला ङी लाकने ठोक ॱमीथुक्‍कीलाक।

योहान्‍ना 10:28 Iomraidhean Croise

मारकु 13:22

मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या थो़न्‍गीलाक धेनी ॱहाङसागीन ताक धाङ लेगाक्‍या तो़न्‍दी, घी थुप्‍तु को़न्‍क्षोकगी दाम्‍दाक्‍याला गो कोरकीलाक।

लुका 23:46

धेनी येशुगी सुङकेक क्षेला सुवालाक, “ङी याप, ङी सेम ङा खेराङगी क्षाकला पुयेहीन।” धेनी दे सुरी खोङबा ढोवालाक।

योहान्‍ना 10:29

ङी यापगी देक्‍याला ॱनाङालाक धेनी खोङ नी, घीरीने क्षेस्‍योक हीन। ङी यापगी क्षाकने सी़या देक्‍याला ठोक ॱमीथुक्‍कीलाक।

योहान्‍ना 11:25

खोङबागी मोला सुवालाक, “ॱलार सो़न्‍गीन धाङ छेसोक नी, ङा हीन। ङाला धेपा झ्‍यीगीनक्‍या स्‍यीनाः सो़न्‍पो ॱनेगीलाक।

योहान्‍ना 14:19

धा धी़ तीते च्‍यीकने जीक्‍तेनगी ङाला ॱमेथोङगीलाक हीना खेक्‍याई ङाला थोङगीलाक। ङा सो़न्‍पो झ्‍येरी, खेक्‍याः सो़न्‍पो ॱनेगीलाक।

योहान्‍ना 17:2

घीझ्‍येरी ॱनाना खेराङगी सेला ॱनाङना घीरीला, खोङगी थामेपे छेसोक ॱनाङयेला, खेराङगी सेला मी घीरीगी खाला वाङ ॱनाङ हो़तालाक।

योहान्‍ना 18:9

“खेराङगी ङाला ॱनाङनाक्‍याने सु च्‍यीकलाः ङी ॱमातोरहो़क।” सुरी खोङबागी सुङगीन दे डुप्‍तु च्‍युक्‍येला दे झ्‍युवालाक।

योहान्‍ना 3:36

सेला धेपा झ्‍यीगीनला थामेपे छेसोक थोबालाक। सेला धेपा मीझ्‍यीगीनगी़ छे ॱमेथोङगीलाक हीना को़न्‍क्षोकगी थुक्‍ठो़, खी़ खाला ॱनेदी धेतालाक।

योहान्‍ना 4:14

हीना ङी तेरकीन क्षुने थुङगीनक्‍या, नामा धाब्‍ले कोम्‍गी मालाक। ङी तेरकीन क्षु दे, खोला थामेपे छेसोक तेरयेला क्षु थो़न्‍गीन क्षुमीक च्‍यीकला ग्‍युरकीलाक।”

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

योहान्‍ना 6:27

मेताला डोगीन शामागी क्षीला मेन्‍दा, हीना मी-भुगी ॱनाङगीन थामेपे छेसोक छोगीन शामागी क्षीला काल्‍ले ग्‍योप। घीझ्‍येरी ॱनाना खोङबागी खाला याप को़न्‍क्षोक राङगी ताक जे हो़तालाक।”

योहान्‍ना 6:37

यापगी ङाला ॱनाङगीन घीरी ङीचारु हुङगीलाक धेनी ङीचारु हुङगीन सुलाः ङा ॱलोक्‍येमेन।

योहान्‍ना 6:47

“ङा खेक्‍याला धेन्‍पा धेनक्‍याङ ॱनाहीन, धेपा झ्‍यीगीनगोला थामेपे छेसोक हो़तालाक।

योहान्‍ना 6:68

सीमोन पेटोगी खोङबाला श्‍यी़वालाक, “चोवो, खेराङला थामेपे छेसोकगी कागो हो़तालाक, हेक्‍या सी़ डुङदु डोये?

जेपा 7:59

खुङक्‍याई सेतेफेनला धोगोङ श्‍युरी घाङला, खी़ ॱमो़लाम ग्‍याप्‍पालाक, “चोवो येशु, ङी सेम्‍ङी ॱनुमा जेक।”

रोमापा 5:17

धा आदाम मी च्‍यीकगी धीक्‍पागी झ्‍येरी छीवागी वाङ झ्‍येहो़ना, येशु मास्‍यीका मी च्‍यीकगी थोक्‍ने, थुक्‍जे मेछो़ली थोप्‍था धाङ ढाङतेनगी ॱनाङज्‍यीन थोप्‍थाक्‍याई, देले ल्‍हाक छेसोकगी नाङ वाङ झ्‍यीगीलाक।

रोमापा 5:2

येशुगी होराङला धेपागी थोक्‍ने, धान्‍दा होराङ ॱनेती धेता थुक्‍जेगी नाङ ठीक्‍ती होवालाक। धेनी को़न्‍क्षोकगी शीजे नाङ च्‍यारयेगी रेवा श्‍याक्‍ती, होराङ घाटो झ्‍यीदालाक।

रोमापा 5:21

होझ्‍येरी छीवागी थोक्‍ने, धीक्‍पागी वाङ झ्‍यीगीन च्‍योक्‍रे, ढाङतेनगी थोक्‍ने होरी चोवो येशु मास्‍यीकागी थोक्‍ने, थामेपे छेसोक ॱनाङयेला थुक्‍जेगीयाः वाङ झ्‍यीदालाक।

रोमापा 5:9

धा खोङगी कुठाकगी गोने होराङ ढाङपो चीचा झ्‍येरी, खोङगी थोक्‍ने होराङ को़न्‍क्षोकगी थुक्‍ठो़ने ॱयो़ल्‍ले माङा थारकीलाक।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।

रोमापा 8:1

होझ्‍येरी धा, मास्‍यीका येशुगी नाङ ॱनेगीनक्‍याला छेपा फोक्‍ये मेतालाक।

रोमापा 8:29

घीझ्‍येरी ॱनाना को़न्‍क्षोकगी राङगी मीक्‍याला थोक्‍माने, ङो खेन्‍दा जेदालाक धेनी खोङगी से, पी़न माङागी नाङने एन्‍ला, केक्‍या झ्‍युङयेगी क्षीदु राङगी मीक्‍यालाः राङगी से च्‍योक्‍रे, झ्‍युङयेला खोङबागी दामा जेपालाक।

फीलीप्‍पीपा 1:6

धेनी खीकी नाङ ले शाङा गो चुक्‍कीन, को़न्‍क्षोक खोङगीराङ मास्‍यीका येशु फेप्‍कीन ङीमा थुक्‍पे, दी लेगा दे डुप्‍पा जेगीलाक ॱनेरी, ङा ॱलोते हो़क।

२ थेसालोनीकेपा 2:13

चोवोगी चेवे पी़न्‍दाक्‍याओ, खीकी दो़नला हेक्‍या च्‍योई को़न्‍क्षोकला काटीन्‍क्षे श्‍यु घोली घीझ्‍येरी ॱनाना थारपा थोप्‍येगी क्षीला, को़न्‍क्षोकगी खेक्‍याला एम्‍माने दाम जेपालाक। थारपा दे नी, खेक्‍याला राप्‍ने जेगीन धाम्‍पे थुक्‍ङी धाङ धेन्‍पाला यीच्‍चे झ्‍यीगीनगी थोक्‍ने झ्‍युवालाक।

१ तीमोथेउ 1:16

हीना ङा धीक्‍चेनगी चो झ्‍येरीया, को़न्‍क्षोकगी ङाला थुक्‍जे शीक्‍ती, मास्‍यीका येशुगी राङगी याङदाक्‍पे शो़पागी पे झ्‍युङयेला, ङाला भेचो़ ॱनाङजुङ। देरे झ्‍येरी मी श्‍येम्‍माक्‍यागीया खोङला धेपा झ्‍येरी, थामेपे छेसोक थोप्‍कीलाक ॱनेरी ॱहाघोरकीलाक।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

१ पेटो 1:5

धेनी खीकी धेपागी गोने को़न्‍क्षोकगी नी़थुगी, खेक्‍याला थामे धी़ला ॱङो़न्‍ये हीन्‍गीन थारपागी क्षीदु ॱरुरी श्‍याक हो़तालाक।

१ योहान्‍ना 1:2

धेनी दे छेसोकगो ॱङो़न्‍पालाक। हीकी होदे ज्‍यावी धेनी होदेगी पाङपो झ्‍यीदाहीन। धेनी यापगी मुला हो़गीन धाङ स्‍याम्‍ला हीकी चारु ॱङो़न्‍गीन, थामेपे छेसोकगी कोरला हे खेक्‍याला सेटाक झ्‍यीदाहीन।

१ योहान्‍ना 2:19

खुङक्‍या होरी घुङनेराङ थो़न्‍दी सोवालाक हीना खुङक्‍या ॱङोन्‍नेगो, होराङ स्‍योकने मालाक। घीझ्‍येरी ॱनाना खुङक्‍या होराङ स्‍योकने हीन्‍ना, खुङक्‍या होराङमुला राङ धे हो़टु हीना खुङक्‍या घीरी होराङने डारी डुगीनगी़ राङ, होराङ स्‍योकगी मालाक ॱनेरी सावो झ्‍युङालाक।

१ योहान्‍ना 2:25

धेनी खोङगी होराङला ॱनाङना धाम्‍चागो नी, थामेपे छेसोक लाक।

१ योहान्‍ना 5:11

धेनी पाङपोगो नी, को़न्‍क्षोकगी होराङला थामेपे छेसोक ॱनाङ हो़तालाक धेनी छे दे खोङगी से नाङ हो़तालाक।

युदा 1:1

येशु मास्‍यीकागी ढेन्‍योक धाङ याकोबगी नो, ङा युदाने, याप को़न्‍क्षोकगी चेवे धाङ येशु मास्‍यीकागी दो़न्‍दु, ॱरुरी श्‍याकश्‍या, भो़पा पी़नक्‍याला,

युदा 1:21

राङला को़न्‍क्षोकगी झाम्‍पाला ॱनेती श्‍योक धेनी थामेपे छेसोकला ठीक्‍कीन, होरी चोवो येशु मास्‍यीकागी ॱङीङजेला घुक्‍ती धो़क।

युदा 1:24

धा खेक्‍याला धीक्‍पे नाङदु, छी़येने क्‍योप जे थुप्‍कीन धाङ खेक्‍याला घाटो क्षेगी थोक्‍ने, खोङबागी शीजेगी डुङदु खेक्‍याला क्‍यो़न मेगीन तो़न जेगीन,