योहान्‍ना 10:14 - ॱलोवा

^14-15 “ङा नी, लुक्‍जी शाङपोगो हीन। यापगी ङाला खेन्‍दालाक। धेनी ङीया यापला ङो स्‍येलालाक। देरेराङ झ्‍येरी ङी राङगी लुकक्‍याला ङोस्‍येलीहो़क। धेनी ङी लुकक्‍यागीयाः ङाला ङो स्‍येलालाक। ङा नी लुकक्‍याई दो़न्‍दु, राङगी ॱरोक ॱलो़ ताङाहीन।

योहान्‍ना 10:14 Iomraidhean Croise

योहान्‍ना 10:11

“ङा नी, लुक्‍जी शाङपोगो हीन। लुक्‍जी शाङपोगी लुकक्‍याई क्षीला, राङगी ॱरोक ॱलो़ ताङालाक।

योहान्‍ना 10:13

होदे मी दे ॱलावो झ्‍येरी, खी़ लुकक्‍याला दाक्‍पो मीग्‍याबा डो़री डोवालाक।

योहान्‍ना 10:27

ङी लुकक्‍याई ङी केक ङेन्‍दालाक। धेनी ङी होदेक्‍याला ङो स्‍येलीहो़क। धेनी देक्‍या ङी स्‍याम्‍ला डाङालाक।

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

योहान्‍ना 17:8

घीझ्‍येरी ॱनाना खेराङगी ङाला ॱनाङना काक्‍या, ङी खुङक्‍याला तेरपाहीन धेनी खुङक्‍याई होदे खेलेन्‍दी, ङा नी खेराङने झ्‍युङगीनगो खुङक्‍याई ॱङोन्‍ने स्‍येदुक। धेनी ङा नी खेराङगी ॱङाक्‍पालाक ॱनेरी खुङक्‍याई धेपा झ्‍येदुक।

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

एफीसुपा 1:17

धेनी होरी चोवो येशु मास्‍यीकागी को़न्‍क्षोक, शीजेक्षे यापगी राङगी कोरला, खेक्‍याई घीरी ॱहाघोरयेगी क्षीला, सेम्‍ङीगी स्‍येराप धाङ साल्‍तो़न ॱनाङास्‍योक, ॱनेरी ङा ॱमो़लाम श्‍यी़हो़क।

एफीसुपा 3:19

धेनी को़न्‍क्षोकगी छेसोक धाङ नी़थुगी, खेक्‍या घाङजाङ खाङयेगी क्षीला, खेक्‍याई ॱलोला जु ॱमीथुप्‍कीन मास्‍यीकागी झाम्‍पा ॱहाघोरयेगी ॱमो़लाम, ङा श्‍यी़लाहीन।

फीलीप्‍पीपा 3:8

देचो़ च्‍यीगा मेन्‍दा, मास्‍यीका येशुला ङी चोवो हीन ॱनेरी, ङो स्‍येयेगी देरे चाक्षे लाबगी दोङदु, श्‍येम्‍मा घीरी ङा ग्‍योङ चीलाहीन। खोङगी क्षीदु ङी घीरी ॱलो़ तावी धेनी होदे घीरी ङी झोरा चीलीहो़क। दे नी, ङा मास्‍यीकागी झ्‍युङास्‍योक ॱनेरी लाक।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

२ तीमोथेउ 2:19

हीना “चोवोगी राङगी मीक्‍याला खेन्‍दालाक।” धेनी “चोवोगी छेन भो़गीनक्‍या लेङेनक्‍या पाङास्‍योक” ॱनेरी ढीक्‍टा को़न्‍क्षोकगी चीक्‍माङगो तेन्‍पो झ्‍येरी ॱनेलालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।

ॱङो़न्‍पा 2:13

धी़क सातानगी ठी हो़जारु खेक्‍या ॱनेलालाक ॱनेरी, ङाला स्‍येयेहो़क। देरे हीन्‍नाः, खेक्‍या ङी मीङगी दो़न्‍दु तेन्‍पो ॱनेलालाक। धेनी धी़क सातान ॱनेसा, खीकी ग्‍याजारु ङी ॱलोते हो़गीन पाङपो आन्‍तीपागोला सेपालाक धेनी होदे घाङगी ङीमाक्‍यालाः, खेक्‍याई राङगी धेपा ॱमापाजुङ।

ॱङो़न्‍पा 2:19

ख्‍यी़ लेगा, ख्‍यी़ झाम्‍पा, ख्‍यी़ धेपा, ख्‍यी़ श्‍याप्‍ची धाङ ख्‍यी़ शो़पागी कोरला ङाला स्‍येयेहो़क। धेनी ख्‍यी़ स्‍याम्‍ला झ्‍येजा लेगाक्‍या, एम्‍मा झ्‍येजाने ल्‍हाक दुक।

ॱङो़न्‍पा 2:2

ख्‍यी़ लेगाक्‍या धाङ काल्‍लेक्‍या धाङ शो़पाक्‍या, ङाला स्‍येयेहो़क। मी ङेन्‍पाक्‍याला, ख्‍यी़ शो़पा घोम ॱमीथुक्‍कीन धाङ कुछाप मेन्‍दाला हीन ॱनागीनक्‍याला, ख्‍यी़ छो़ता झ्‍येरी शोक्‍पो हीन्‍गीनगो, ख्‍यी़ ॱङेपालाक ॱनेरी ङाला स्‍येयेहो़क।

ॱङो़न्‍पा 2:9

ख्‍यी़ दुक्‍पुक्‍या धाङ ख्‍यो़ उटे हो़गीनगो, ङाला स्‍येयेहो़क। हीना ख्‍यो़ नी, क्षुक्‍पुराङ दुक। धेनी याहुदापा मेन्‍दाला राङला याहुदापा हीन ॱनेरी, ॱनागीनक्‍याला ङी ङोस्‍येलीहो़क। धेनी खुङक्‍याई ॱमेटा ताङगीनगो, ङाला स्‍येयेहो़क। खुङक्‍या नी धी़कगी छोक्‍खाङ लाक।

ॱङो़न्‍पा 3:1

“सारतीगी क्षो़छोकगी भाङछेनला देरे ढीक, “को़न्‍क्षोकगी थुक्‍ङी धी़न धाङ कारमा धी़न हो़गीनगी, दे काक्‍या सुङी। ख्‍यी़ लेगाक्‍या ङाला स्‍येयेहो़क। धेनी मीङगी छाने खेक्‍या सो़न्‍पो हो़ना, खेक्‍या स्‍यी हो़तालाक।

ॱङो़न्‍पा 3:15

ख्‍यी़ लेगाक्‍या ङाला स्‍येयेहो़क। ख्‍यो़ ढाङा मीदुक, छा मीदुक। ख्‍यो़ ढाङा याङना छा हो़ना ढीक्‍येहो़क।

ॱङो़न्‍पा 3:8

ख्‍यी़ लेगाक्‍या ङाला स्‍येयेहो़क। तो़दाङ, ख्‍यी़ दोङदु सी़याः ग्‍याप ॱमीथुक्‍कीन, घो ङी पेरी श्‍याक हो़क। धेनी ख्‍यो़ला तोपस्‍युक च्‍यीमे हो़गीनगो ङाला स्‍येयेहो़क। घीहीन्‍ना ख्‍यी़ ङी कागो ॱरुङदुक धेनी ङी मीङ ॱमापादुक।