योहान्‍ना 10:12 - ॱलोवा

¹² ॱलावो नी, लुक्‍जी च्‍योक्‍रे मालाक। च्‍याङगु हुङगीनगो थोरी, खी़ लुकक्‍या भोरती डो़री डुगीलाक धेनी च्‍याङगुगी लुकक्‍या ठोक्‍ती ठेथोरी तोरकीलाक।

योहान्‍ना 10:12 Iomraidhean Croise

मेथा 10:16

“धा ङा खेक्‍याला चुङगुक्‍याई खोकला, लुकक्‍या च्‍योक्‍रे झाङाहीन होझ्‍येरी डुल च्‍योक्‍रे डुङपो धाङ फुक्‍रो़नक्‍या च्‍योक्‍रे झोङा झ्‍युङ च्‍यीक।

मेथा 7:15

“ॱङो़नस्‍येखेन शोक्‍पोक्‍याने शाप-शाप झ्‍यी। देक्‍या लुकगी पाउ घो़न्‍दी हुङालाक, हीना नाङने जीक्‍टाक्षे चुङगुक्‍या च्‍योक्‍रे हुङालाक।

योहान्‍ना 10:13

होदे मी दे ॱलावो झ्‍येरी, खी़ लुकक्‍याला दाक्‍पो मीग्‍याबा डो़री डोवालाक।

योहान्‍ना 10:2

हीना घोने जुगीनगो नी लुक्‍जी लाक।

योहान्‍ना 10:3

घो ॱरुङगीनगी खी़ क्षीला घो पेगीलाक। लुकक्‍याई खी़ केकला ङेन्‍दालाक। धेनी खी़ राङगी लुकक्‍याई मीङने भो़री फीला ठीयालाक।

जेपा 20:29

ङा सोसारती ॱमीच्‍यीकी जीक्‍टाक्षे च्‍याङगु च्‍योक्‍रे, मी श्‍येम्‍माक्‍या खेरी घुङदु झुगीलाक धेनी दे लुकक्‍याला दुक्‍पु तेरकीलाक ॱनेरी ङाला क्षाहो़क।

१ तीमोथेउ 3:3

धेनी क्षाङदुवा मेगीन, चुक्‍वा मेगीन हीना श्‍यीवा हो़गीन धेनी चो़पा मेग्‍याप्‍कीन धाङ ॱङुला ॱमेक्षाक्‍कीन हुङ घो़गुलाक।

१ तीमोथेउ 3:8

क्षो़छोकगी श्‍याप्‍तोक्‍पाक्‍या याराप धाङ खा ॱङी मेगीन धाङ क्षाङ माङा थुङङी मेदो़गीन धाङ ॱङुला ॱहाम्‍बा मीझ्‍यीगीन हुङघो़गीलाक।

२ तीमोथेउ 4:10

घीझ्‍येरी ॱनाना देमा, जीक्‍तेन देला छाक्‍ती ङाला पारी थेसालोनीकेरु लाजुङ। धेनी कारेसीकेन नी, गालातीया यु स्‍योकदु लाजुङ धेनी तीतोस नी दालमातीया यु स्‍योकदु लाजुङ।

तीतोस 1:7

क्षो़छोकगी गोठीगो को़न्‍क्षोकगी श्‍याप्‍ची झ्‍येरी, क्‍यो़न मेगीन हुङ घोगीलाक। खो दो़पा क्षे धाङ ॱना तुङा धाङ क्षाङदुवा धाङ ठुक्‍चारा धाङ आलेला, मेढाङा हुङये मेतालाक।

१ पेटो 5:2

खेक्‍यागी लेगेनला ॱनाङना को़न्‍क्षोकगी लुकख्‍युला छोक्‍योङ झ्‍यी, मीगी उजुक झ्‍येरी मेन्‍दा हीना को़न्‍क्षोकगी थुकोङला तेन्‍ती राङगी थेती झ्‍यी। धेनी ग्‍युनोरला ङोम्‍दी मेन्‍दा हीना श्‍याप्‍तोक पुयेला, दो़पा झ्‍येरी छोक्‍योङ झ्‍यी।

२ पेटो 2:3

धेनी खुङक्‍याई ॱहाम्‍बा झ्‍येरी, खेक्‍याला शोक्‍पो तामक्‍या चोम्‍दी गोकोर ताङगीलाक। खुङक्‍याला फोक्‍ये हीन्‍गीन ठीमगो, एम्‍माने थाक्‍चो़सा हो़तालाक धेनी खुङक्‍याला मेताला ताङगीनगो, ॱङीला ॱमास्‍योर हो़तालाक।