योहान्‍ना 10:10 - ॱलोवा

¹⁰ कुमा नी कुरु धाङ सेदु धाङ मेताला ताङदु हुङालाक। ङा नी, घीरीला छे मेछो़ली थोप्‍येगी क्षीला होवाहीन।

योहान्‍ना 10:10 Iomraidhean Croise

मेथा 18:10

“टु च्‍युङा देक्‍याने, च्‍यीकलाः थोङछुङ माझ्‍यी घीझ्‍येरी ॱनाना ङा खेक्‍याला ॱनाहीन, नाम्‍खे श्‍यीङखामदु खुङक्‍याई भाङछेनक्‍याई, नाम्‍खे श्‍यीङखामदु श्‍युक्‍कीन, ङी यापगी श्‍याल च्‍योई ज्‍यालालाक।

मेथा 18:11

[घीझ्‍येरी ॱनाना मी-भु तोरतोवाक्‍याला क्‍योप्‍येला फेप्‍पालाक।]

मेथा 20:28

होझ्‍येरी मी-भुगोवा श्‍याप्‍ची लेन्‍दु होवा मेन्‍दा, श्‍याप्‍ची श्‍युरु होवालाक धेनी मी माङागी थारपागी क्षीला, राङगी ॱरोक पुरु होवालाक।”

मेथा 21:13

खोङबागी खुङक्‍याला सुवालाक, “‘ङी खाङबा नी, ॱमो़लामगी खाङबा ॱनेरी ॱनागीलाक।’ ॱनेरी सुङरापला ढीक हो़तालाक हीना खेक्‍याई देला झ्‍याक्‍पाक्‍याई छाङ शो़दुक।”

मेथा 23:13

“खे शोक्‍पो क्षो़ठीमगी ॱलोपो़न धाङ फारुसीपाक्‍याला, दुक्‍ङेल क्षे हुङास्‍योक। घीझ्‍येरी ॱनाना खेक्‍या नाम्‍खे ग्‍यासीगी घोगो मीक्‍याई दोङला ग्‍याप्‍ती, खेराङक्‍या मीजुलालाक धेनी डोये दो़गीनक्‍याला काः लाक।

मारकु 11:17

धेनी खोङबागी खुङक्‍याला क्षो़ ॱनाङी-ॱनाङी सुवालाक, “‘ङी खाङबा नी, मीरीक घीरीगी छीला ॱमो़लाम ग्‍याप्‍येगी खाङबा ॱनेरी ॱनागीलाक’ सुरी को़न्‍क्षोकगी सुङरापला देरे ढीक मीदुई? हीना खेक्‍याई देला झ्‍याक्‍पाक्‍याई छाङ शो़दुक।”

लुका 19:10

घीझ्‍येरी ॱनाना मी-भु नी तोरताक्‍याला ॱयाङये धाङ क्‍योप्‍येगी क्षीला होवालाक।”

योहान्‍ना 10:1

येशुगी सुवालाक, “ङा खेक्‍याला धेन्‍पा धेनक्‍याङ ॱनाहीन। लुक्‍रा नाङदु घोने मीजुला, छोक श्‍येम्‍माने जाक्‍कीनगो नी, कुमा धाङ झ्‍याक्‍पा लाक।

योहान्‍ना 10:11

“ङा नी, लुक्‍जी शाङपोगो हीन। लुक्‍जी शाङपोगी लुकक्‍याई क्षीला, राङगी ॱरोक ॱलो़ ताङालाक।

योहान्‍ना 12:47

ङी काक्‍या ङेन्‍दी होदे ॱरुङगीनक्‍याला ठीम ॱमेताङ। घीझ्‍येरी ॱनाना ङा जीक्‍तेनदु क्‍यो़न चुक्‍तु होवामेन, हीना जीक्‍तेन क्‍योप्‍येगी क्षीला होवाहीन।

योहान्‍ना 12:6

खी़ दे उटेक्‍याला ॱङीङजे केरी ॱनेवामालाक। हीना खो नी कुमा च्‍यीक लाक। ॱङुगी खुमाकगो खी़ ङ्यारालाक। धेनी होदे नाङदु ॱलुक्‍कीनने, खो राङला घो़गीनगो कुवालाक।

योहान्‍ना 3:17

को़न्‍क्षोकगी राङगी से जीक्‍तेनदु क्‍यो़न च्‍युक्‍तु मेन्‍दा, हीना जीक्‍तेनगी मी घीरी खोङबागी थोक्‍ने, क्‍योप्‍येगी क्षीला ॱङाक्‍पालाक।

योहान्‍ना 5:40

हीना खेक्‍या थामेपे छेसोक थोप्‍येला ङीचारु हुङङी मेदो़दालाक।

योहान्‍ना 6:33

घीझ्‍येरी ॱनाना को़न्‍क्षोकगी ग्‍याङगागो, नाम्‍खे श्‍यीङखामने भाप्‍ती जीक्‍तेनला मीछे ॱनाङगीन दे लाक।”

योहान्‍ना 6:51

ङा नी नाम्‍खे श्‍यीङखामने भाप्‍पा छेगी ग्‍याङगा हीन। धेनी ग्‍याङगा देने शागीनगो धी़ तेन्‍दु सो़न्‍पो ॱनेगीलाक। धेनी जीक्‍तेनगी छेगी क्षीला ङी तेरये झ्‍यीगीन ग्‍याङगागो, ङी ली़गी स्‍या हीन।”

रोमापा 2:21

धा मी श्‍येम्‍माला ॱलाप्‍कीन, ख्‍यो़राङला ॱमेलावाले? श्‍येनला कुमा ॱमाकु ॱनेरी, स्‍येगीन ख्‍यो़राङगो कुवाले?

१ तीमोथेउ 1:15

“मास्‍यीका येशु नी, धीक्‍चेनक्‍याला क्‍योप्‍येला जीक्‍तेनदु फेप्‍पालाक।” ॱनागीन दे ॱलो का थुप्‍कीन धाङ घीरीगी थोक्‍ने खेलेन झ्‍यीघोगीन दुक। होदे धीक्‍चेनक्‍याने ङागो चो हीन।

ईब्‍रीपा 6:17

देरे झ्‍येरी को़न्‍क्षोकगीयाः राङगी धाम्‍चा थोप्‍थाक्‍याला, राङगी थुकोङ ग्‍युरवा मेगीनगो सावो तो़न जेयेगी क्षीदु, उ ॱना श्‍येपालाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

२ पेटो 1:11

धेनी होझ्‍येरी खेक्‍याला होरी चोवो धाङ क्‍याम्‍गो़न येशु मास्‍यीकागी, थामेपे ग्‍यासी नाङदु सी़याङ खाक्‍क्षे थोप्‍कीलाक।