योहान्‍ना 1:45 - ॱलोवा

⁴⁵ फीलीपगी नाथानेलला थुक्‍ती ॱनेवालाक, “मोशेगी क्षो़ठीमगी नाङदु ढीक्‍टा धाङ ॱङो़नस्‍येखेनक्‍यागीया ढीक्‍टा के-भु, योसेफगी भु नाजारेतगी येशुला हीकी ज्‍याजुङ।”

योहान्‍ना 1:45 Iomraidhean Croise

मेथा 10:3

फीलीप धाङ बारथोलोमा, थोमा, ठा धुगीन मेथा, आल्‍फायुगी भीजा याकोब, थाएदेआ,

मेथा 13:55

खो नी स्‍यीङजोवागी भीजागो माले? खी़ आमागी मीङ मीरीयाम माले? धेनी खी़ पी़नक्‍या याकोब, योसेफ, सीमोन धाङ युदा माले?

मेथा 2:23

धेनी खो सोरी नाजारेत ॱनागीन युदु धेपालाक। धा एम्‍मा ॱङो़नस्‍येखेनक्‍याई थोक्‍ने, “खोङबाला नाजारेपा सुरी श्‍युगीलाक।” सुङगीन दे डुप्‍पालाक।

मेथा 21:11

धेनी मीछोकक्‍याई ॱनेवालाक, “दे नी गालीलगी नाजारेतने हीन्‍गीन, ॱङो़नस्‍येखेन येशुगो लाक।”

मारकु 14:67

धेनी पेटो मे ॱरो़री धेगीनगो थोरी, मी़ खोला तेरी ॱनेवालाक, “नाजारेपा येशुमुला हो़गीन ख्‍यो़याः लाक।”

मारकु 6:3

दे मीरीयामगी भीजा, याकोब धाङ योसेफ धाङ युदा धाङ सीमोनगी आज्‍यो, होदे स्‍यीङचोवागो माले? धेनी खी़ नुमोक्‍या होराङमुला दुरु हो़तामाले?” धेनी खुङक्‍याई खोङबाला ङो ॱलोक्‍पालाक।

लुका 18:37

मीक्‍याई खोला ॱनेवालाक, “नाजारेतगी येशु देने ॱहाला फेई।”

लुका 2:4

होझ्‍येरी योसेफ गालीलगी नाजारेत युने युदेयागी बेथलेहेम ॱनागीन, दावीद ग्‍यावुगी ग्‍याजाला सोवालाक घीझ्‍येरी ॱनाना खो दावीदगी नाङ धाङ ग्‍युपाने लाक।

लुका 2:48

खोङबाला होदुरु थोरी, खोङबागी फामाक्‍या ॱहालेवालाक। धेनी खोङबागी युम मीरीयामगी ॱनेवालाक, “भीजाओ, ख्‍यो़ हेला देरे घी झ्‍यीदाले? तो़दाङ ख्‍यी़ आकी धाङ ङा ॱमीच्‍यीकी ॱङाङडा केरी ख्‍यो़ला चारी धेबी।”

लुका 24:27

धेनी मोशे धाङ ॱङो़नस्‍येखेन घीरीने गो चुक्‍ती, सुङराप घीरी नाङने, खोङबागी कोरला सुङगीन घीरीगी दो़न्‍दाक, खुङक्‍याला खोङबागी टो जेपालाक।

लुका 24:44

धेनी खोङबागी खुङक्‍याला सुवालाक, “खेक्‍यामुला हो़ती घाङला, ङी ॱनेना लाबक्‍या देराङ लाक। मोशेगी ढीक्‍टा क्षो़ठीम धाङ ॱङो़नस्‍येखेनक्‍याई धेप धाङ सुङगुरला, ङी कोरला ढीक्‍टा लाब घीरी डुप घो़गीलाक।”

लुका 3:23

येशुगी क्षाक्‍ले गो चुई घाङला, खोङबा घुङलो सुमच्‍यु चो़ हो़तालाक। मीक्‍याई खोङबा योसेफगी भीजा लाक ॱनेरी सामालाक। योसेफ एलीगी भीजा लाक।

लुका 4:22

मी घीरीगी खोङबाला तो़टा तावालाक। धेनी खोङबागी श्‍यालने थो़न्‍दा सुङ ॱङेम्‍बोक्‍या ङेन्‍दी ॱहाङसावालाक। धेनी खुङक्‍याई ॱनेवालाक, “दे योसेफगी भीजागो माले?”

योहान्‍ना 1:44

धा फीलीप धाङ आन्‍डीरीया धाङ पेटोगी यु बेथसेदाने लाक।

योहान्‍ना 12:21

धेनी गालील युछोकगी बेथसेदा युदु धेगीन फीलीपचारु, खुङक्‍या होरी श्‍यी़वालाक, “ॱलोपो़न ला, हेक्‍या येशुला ज्‍यादो़ हो़क।”

योहान्‍ना 14:8

फीलीपगी खोङबाला श्‍यी़वालाक, “चोवो, खेराङगी हेक्‍याला याप ॱङो़न्‍दा जे धेनी हेला ढीक्‍येदुक।”

योहान्‍ना 18:5

खुङक्‍याई खोङबाला ॱनेवालाक, “नाजारेपा येशुला चालाहीन।” धेनी येशुगी खुङक्‍याला सुवालाक, “ङा खोराङ हीन।” धेनी खोङबाला डागी लाकला ची ग्‍याप्‍कीन युदागोवा, खुङक्‍यामुला होदुरु लारी धे हो़तालाक।

योहान्‍ना 18:7

याङ खोङबागी खुङक्‍याला धाब्‍ले ढीवा जेपालाक, “खेक्‍या सुला चाला हीनो?” खुङक्‍याई ॱनेवालाक, “नाजारेपा येशुला चालाहीन।”

योहान्‍ना 19:19

पीलातुगी “नाजारेपा येशु, याहुदापे ग्‍यावु” ॱनेरी, ङेक्‍यो़नगी यीक ढीक्‍ती ग्‍याङस्‍यीङगी गोला ताक्‍पालाक।

योहान्‍ना 21:2

सीमोन पेटो धाङ दीदुमोस ॱनागीन, थोमा धाङ गालील युगी कानानीपा नाथानेल धाङ जेबेदीगी भीजा ॱङी धेनी खोङबागी ङेने श्‍येम्‍मा ॱङी झ्‍येरी, खुङ घीरीमुला हो़तालाक।

योहान्‍ना 6:42

खुङक्‍याई ॱनेवालाक, “दे योसेफगी भीजा येशु माले? खी़ फामा होराङ ङोस्‍येला माले? धा धान्‍दा खो ‘ङा नाम्‍खे श्‍यीङखामने भाप्‍पा हीन’ ॱनेरी, घाङगी झ्‍येरी ॱनाथुक्‍वाले?”

योहान्‍ना 6:5

धेनी येशुगी मीछोक क्षे राङगी डुङदु हुङगीनगो शीक्‍ती, फीलीपला सुवालाक, “दे मीक्‍याला तेरयेला, शामा होराङ घाने ङ्योये?”

योहान्‍ना 6:7

धेनी फीलीपगी खोङबाला लेन श्‍यी़वालाक, “ग्‍याङगा ङ्यो़री मी घीरीला च्‍यीमे-च्‍यीमे घोनाः, दीनारी ङीग्‍यागी धाङये मेतालाक।”

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

जेपा 2:22

“ईस्‍राएल्‍पा मीक्‍याओ, ङी लाब ङेन्‍रोनाङ, नाजारेतगी येशुने को़न्‍क्षोकगी खेराङक्‍याई घुङदु स्‍युक क्षेन्‍बो धाङ ॱहाङसागीन लेगाक्‍या झ्‍येरी, धेनी ताकक्‍या तो़न्‍गीनगो खेराङक्‍याला क्षा हो़तालाक। होदेक्‍याने को़न्‍क्षोकगी येशुला खेराङक्‍याई घुङदु झावाहीन ॱनागीन, पाङपोगो तो़न्‍दा जेपालाक।

जेपा 22:8

धेनी ङी ढीवी, ‘चोवो, खेराङ सु हीनो?’ धेनी खोङबागी ङाला सुजुङ, ‘ख्‍यी़ दुक्‍पु ताङगीन नाजारेतगी येशु ङा हीन।’

जेपा 26:9

“ङीया थेङमा च्‍यीक नाजारेतगी येशुगी छेनला, झ्‍यी थुक्‍तु ग्‍याप्‍केल झ्‍यीयेहीन ॱनेरी साम्‍लो तावी।

जेपा 3:6

पेटोगी खोला ॱनेवालाक, “ङाला सेर धाङ ॱङु नी मेक हीना ङाला घी हो़गीनगो, होदे ङा ख्‍यो़ला तेरयेहीन। नाजारेतगी येशु मास्‍यीकागी छेनने लारी घोबा चुक।”