44 धा फीलीप धाङ आन्डीरीया धाङ पेटोगी यु बेथसेदाने लाक।
फीलीप धाङ बारथोलोमा, थोमा, ठा धुगीन मेथा, आल्फायुगी भीजा याकोब, थाएदेआ,
“ख्ये कोराजीनक्या ॱङ्याली, ख्ये बेथसेदाक्या ॱङ्याली। खेक्याई दोङदु झ्युङगीन ॱहाङसागीन क्षाक्लेक्या, ताएर धाङ सीदोनदु झ्युहो़ना, खुङक्या एम्मानेराङ चाफे घो़न्दी, घोक्था ढी़री खोरी धीक्पा पारी सेम ग्युरहो़टु।
धेनी आन्डीरीया धाङ फीलीप धाङ बारथोलोमा धाङ मेथा धाङ थोमा धाङ आल्फायुगी भीजा याकोब धाङ थाएदेआ धाङ ग्याल्चेपा ॱनागीन सीमोन
लाम्साङ येशुगी मीछोकक्याला घोङपा ॱनाङी घाङला, खोराङगी ङेनेक्याला डु श्यो़न्दी, राङने एन्ला ॱहाकीनला बेथसेदारु सोङ सुवालाक।
धेनी येशु धाङ ङेनेक्या बेथसेदारु ॱलेप्पालाक। धेनी मी रीङगागी श्यारा च्यीकला, येशुचारु ठीक्ती होरे, होदेला क्षाक जेरोझ्यी ॱनेरी श्यी़वालाक।
“ख्यो़ कोराजीन ॱङ्याली! ख्यो़ बेथसेदा ॱङ्याली! घीझ्येरी ॱनाना खीकी घुङदु झ्युजुवा ॱहाङसागीन लेगाक्या, ताएर धाङ सीदोनदु झ्युङहो़ना खुङक्याई चारे घो़न्दी, घोक्था ढी़री एम्मानेराङ धीक्पा पारी सेम ग्युरहो़टु।
देक्या नी, खोङबागी पेटो ॱनेरी मीङ ताक्ता, सीमोन धाङ खी़ नो आन्डीरीया धेनी याकोब धाङ योहान्ना धेनी फीलीप धाङ बारथोलोमा धाङ
धेनी कुछापक्या लोक्ती होरी, खोराङक्याई झ्येजा लेगा घीरी येशुला स्येपालाक। धेनी खोङबागी खुङक्याला ठीक्ती, बेथसेदा ॱनागीन ग्याजारु खाबा फेप्पालाक।
धेनी ॱङेटोगो येशु गालील युदु फेप्येला, थुक्सेम जेपालाक। धेनी खोङबागी फीलीपला थुक्ती, “ङी स्याबाला डोङ।” सुरी सुवालाक।
फीलीपगी नाथानेलला थुक्ती ॱनेवालाक, “मोशेगी क्षो़ठीमगी नाङदु ढीक्टा धाङ ॱङो़नस्येखेनक्यागीया ढीक्टा के-भु, योसेफगी भु नाजारेतगी येशुला हीकी ज्याजुङ।”
नाथानेलगी खोला ॱनेवालाक, “नाजारेतने शाङपो घीया झ्युङ थुक्कीले?” फीलीपगी खोला, “ख्यो़राङ राङ होरी तो़।” ॱनेरी ॱनेवालाक।
नाथानेलगी खोङबाला श्यी़वालाक, “खेराङगी ङाला घाङगी झ्येरी खेन्नो?” येशुगी सुवालाक, “फीलीपगी माभो़ एन्लाराङ, ख्यो़ला ङी सेयापगी स्यीङदोङ होकला धेता थोजुङ।”
धेनी गालील युछोकगी बेथसेदा युदु धेगीन फीलीपचारु, खुङक्या होरी श्यी़वालाक, “ॱलोपो़न ला, हेक्या येशुला ज्यादो़ हो़क।”
फीलीप सोरी आन्डीरीयाला स्येपालाक धेनी आन्डीरीया फीलीपमुला सोरी येशुला श्यी़वालाक।
धेनी येशुगी मीछोक क्षे राङगी डुङदु हुङगीनगो शीक्ती, फीलीपला सुवालाक, “दे मीक्याला तेरयेला, शामा होराङ घाने ङ्योये?”
धेनी फीलीपगी खोङबाला लेन श्यी़वालाक, “ग्याङगा ङ्यो़री मी घीरीला च्यीमे-च्यीमे घोनाः, दीनारी ङीग्यागी धाङये मेतालाक।”
येरुसालेमदु ॱलेप्ती, खुङक्या खोराङ धेजा खाङबागी थोयोकगी खाङजुङला सोरी जोम्बालाक। होदुरु जोम्गीनक्या पेटो धाङ योहान्ना धाङ याकोब धाङ आन्डीरीया धाङ फीलीप धाङ थोमा धाङ बारथोलोमा धाङ मेथा धाङ आल्फायुगी भीजा, याकोब धाङ सीमोन ग्याल्चेपा धाङ याकोबगी भीजा युदा हो़तालाक।
