4 कागी नाङ छे हो़तालाक धेनी छे दे मीगी हो़गो हीन।
मी़नाक्पाला धेता मीक्याई हो़ क्षे च्यीक थोदुक, धेनी छीवे ढीम्जाकगी युला धेगीन मीक्याला, हो़ च्यीक स्यारदुक।”
खोङ नी याहुदापा मेन्गीनक्याई क्षीला खेराङगी थुकोङ ॱङो़न्ये धाङ, खेराङगी मीरीक ईस्राएल्पाक्याई क्षीदु शीजे झ्युङये हो़गो लाक।”
खोङबागी मोला सुवालाक, “ॱलार सो़न्गीन धाङ छेसोक नी, ङा हीन। ङाला धेपा झ्यीगीनक्या स्यीनाः सो़न्पो ॱनेगीलाक।
येशुगी खुङक्याला सुवालाक, “हो़ दे खेक्याई मुला धी़ तुङ-तुङ च्यीक ॱनेगीलाक। मी़नाकगी वाङ होकदु ॱमीछी़येला, हो़ हो़ती घाङलाराङ थारा झ्यी। मी़नाकगी नाङला डोगीनगी़ घारु डोगीनगो ॱमेस्येलालाक।
ङाला धेपा झ्यीगीनक्या मी़नाकगी नाङदु ॱमीली़येला, ङा हो़ झ्युरी जीक्तेनदु होवाहीन।
येशुगी खोला सुवालाक, “ङा नी लाम धाङ धेन्पा धाङ छे हीन। ङाने माना यापगी डुङदु सुवाः डो ॱमीथुक्कीलाक।
धा ठीम्चो़गी दो़न्दाकगो देराङ लाक; हो़गो जीक्तेनदु फेप्सालाक हीना मीक्याई ले ङेन्पागी झ्येरी खुङक्याई हो़ले मी़नाकला घावालाक।
घीझ्येरी ॱनाना यापगी स्यीम्पोक्याला सो़न्पो जेदी छे ॱनाङगीन च्योक्रे, सेगीयाः राङगी ग्येवे मीक्याला छे ॱनाङगीलाक।
घीझ्येरी ॱनाना याप राङला छे हो़गीन च्योक्रे, खोङबागी सेलाः छे ॱनाङयेगी वाङ जेपालाक।
येशुगी धाब्ले खुङक्याला सुवालाक, “ङा नी जीक्तेनगी हो़ हीन। ङी स्याबाला डागीनक्या मी़नाक नाङला मेडोगीलाक हीना छेगी हो़ थोप्कीलाक।”
ङा जीक्तेनदु हो़गीन थुक्पे, ङा जीक्तेनगी हो़ हीन।”
मास्यीकागी दुक्पु ङ्याङ घोगीलाक धेनी छीवाने याङ सो़न्पो लाङगीन, गोमा मी झ्युङगीलाक धेनी खोङबागी याहुदापाक्या धाङ याहुदापा मेन्गीन मीरीकक्या खाला हो़क टाम्गीलाक ॱनागीन, दे लाबक्या ङी ॱलाप हो़क।”
होझ्येरी सुङरापला देरे ढीक हो़तालाक, “धाङपो मी आदामगो सो़न्पो झ्युवालाक।” धेनी थामागी आदामगो छे ॱनाङगीन थुक्ङी झ्युवालाक।
होझ्येरी सुङरापला देरे सुङ हो़तालाक, “ॱङी लोक्ती धेताक्याओ, लोङ धेनी छीवाने सो़न, धेनी मास्यीकागी खेक्याला हो़ ॱनाङगीलाक।”
धेनी खेक्याई छेसोक हीन्गीन मास्यीका ॱङो़न्दी घाङला, खेक्याः खोङबामुला शीजे नाङदु ॱङो़न्गीलाक।
थोक्माने हो़गीन धाङ हीकी घोर ङ्युङगीन धाङ हीकी ॱमीकगी थोङ ङ्युङगीन धाङ हीकी तेदेयागो धाङ हीकी लाक्पी जु ङ्युङगीन, छेसोकगी कागी कोरला हेक्या सेटाक झ्यीदाहीन।
धेनी दे छेसोकगो ॱङो़न्पालाक। हीकी होदे ज्यावी धेनी होदेगी पाङपो झ्यीदाहीन। धेनी यापगी मुला हो़गीन धाङ स्याम्ला हीकी चारु ॱङो़न्गीन, थामेपे छेसोकगी कोरला हे खेक्याला सेटाक झ्यीदाहीन।
धेनी पाङपोगो नी, को़न्क्षोकगी होराङला थामेपे छेसोक ॱनाङ हो़तालाक धेनी छे दे खोङगी से नाङ हो़तालाक।
धेनी नाम्खे भाङछेनगी ङाला दाङस्येल च्योक्रे, साला हो़गीन छेसोकगी क्षुगी चाङबुगो तो़न्दा जेजुङ। धेनी दे नी, को़न्क्षोक धाङ लुक्टुगी श्युक्ठीने झ्युरी,
“क्षो़छोकक्याला दे पाङपोक्या झ्यीयेला, ङा येशुगी राङगी भाङछेन ख्यो़चारु झाहो़क। ङा नी दावीदगी चावा धाङ ग्युपा हीन, धेनी थोराङगी कारछेनगो ङा हीन।”
