योहान्‍ना 1:38 - ॱलोवा

³⁸ येशुगी श्‍याल लोक्‍ती, खुङ ॱङीउ स्‍याबाला डागीनगो शीक्‍पालाक धेनी खुङ ॱङीउला “खेक्‍या घी चालाले?” सुरी सुवालाक। धेनी खुङ ॱङीउगी श्‍यी़वालाक, “राब्‍बी, खेराङ घारु श्‍युक हो़तो?” (राब्‍बी दो़नगो “ॱलोपो़न” लाक।)

योहान्‍ना 1:38 Iomraidhean Croise

लुका 10:39

मोला मीरीयाम ॱनागीन नुमो च्‍यीक हो़तालाक। मीरीयाम चोवोगी श्‍याप डामदु धेदी, खोङबागी कालोप ङेन्‍दी धे हो़तालाक।

लुका 14:25

धा मीछोक क्षे च्‍यीक येशुगी मुला सोवालाक धेनी खोङबागी खुङक्‍या स्‍योकला शीक्‍ती सुवालाक,

लुका 15:20

धेनी खो लारी खोरी आकीचारु सोवालाक। हीना खो ॱमीच्‍यीकी थाक्‍रीङाने हुई घाङलाराङ, आकीगी़ खोला थोवालाक धेनी आकीगो ॱङीङजेगी खारी, भाङ तारी सोरी खोला थाम्‍दी ओ झ्‍येवालाक।

लुका 19:5

धेनी येशु होदे साज्‍यारु फेप जेदी याला शीक्‍पालाक धेनी खोला सुवालाक, “जाखाया, ग्‍योक्‍जे माला भाप्‍ती स्‍योक घीझ्‍येरी ॱनाना धीरीङ ङा ख्‍यी़ नाङला धे घोयेहो़क।”

लुका 22:61

धेनी चोवोगी श्‍याल ग्‍युरती पेटोला शीक्‍पालाक। “धीरीङ झ्‍याके ग्‍याप्‍ये एन्‍ला, ख्‍यी़ ङाला लेमु सुम खे मेलेन्‍गीलाक” ॱनेरी चोवोगी सुङगीनगो खी़ ढेन्‍बालाक।

लुका 8:38

हीना डे थो़न्‍दा मीगी़ खोङबामुला डोयेला श्‍योवा पुवालाक। हीना येशुगी होदेला दे सुरी ॱलोक जेपालाक,

योहान्‍ना 1:37

ङेने दे ॱङीउगी होदे घोरती येशुगी स्‍याबाला डावालाक।

योहान्‍ना 1:39

खोङबागी सुवालाक, “स्‍योक धेनी तो़।” होझ्‍येरी खुङ ॱङीउ सोवालाक धेनी खोङबा श्‍युक्‍जागो थोवालाक। धेनी होदे घाङला छुची श्‍यीवा चो़ ॱलेप्‍सारती, होदे ङीमागो खुङक्‍या खोङबामुला धेपालाक।

योहान्‍ना 1:49

नाथानेलगी ॱनेवालाक, “राब्‍बी, खेराङ को़न्‍क्षोकगी सेगो लाक। खेराङ ईस्‍राएलगी ग्‍यावुगो लाक।”

योहान्‍ना 12:21

धेनी गालील युछोकगी बेथसेदा युदु धेगीन फीलीपचारु, खुङक्‍या होरी श्‍यी़वालाक, “ॱलोपो़न ला, हेक्‍या येशुला ज्‍यादो़ हो़क।”

योहान्‍ना 18:4

धेनी येशुगी राङला घी झ्‍युङये हीन्‍गीन घीरी खेन्‍दा जेदी, दोङला फेप्‍ती खुङक्‍याला सुवालाक, “खेक्‍या सुला चाला हीनो?”

योहान्‍ना 18:7

याङ खोङबागी खुङक्‍याला धाब्‍ले ढीवा जेपालाक, “खेक्‍या सुला चाला हीनो?” खुङक्‍याई ॱनेवालाक, “नाजारेपा येशुला चालाहीन।”

योहान्‍ना 3:2

खो छेन च्‍यीक येशुचारु होरी खोङबाला श्‍यी़वालाक, “राब्‍बी, खेराङ को़न्‍क्षोकने फेप्‍पा ॱलोपो़न च्‍यीक लाक ॱनेरी, हेक्‍याला स्‍येयेहो़क घीझ्‍येरी ॱनाना को़न्‍क्षोक खेराङमुला मेना, खेराङगी जेजा दे ताकक्‍या श्‍येम्‍मा सी़या झ्‍यी ॱमीथुक्‍कीलाक।”

योहान्‍ना 3:26

धेनी खुङक्‍या योहान्‍नाचारु होरी श्‍यी़वालाक, “राब्‍बी, योरदान चाङबुगी ॱहाकीनरु खेराङमुला हो़गीन, खेराङगी धेन्‍पाङ जेजा मी दी, धान्‍दा ठी़सो़ ॱनाङी धेनी मीक्‍या घीरी खी़चारु डी़।”

योहान्‍ना 4:31

देरे झ्‍युङी घाङला खोङबागी ङेनेक्‍याई खोङबाला, “राब्‍बी, श्‍येलाक श्‍येरोनाङ।” ॱनेरी ॱनी हो़तालाक।

योहान्‍ना 6:25

खुङक्‍याई येशुला छोगी ॱहाकीनला ज्‍यारी श्‍यी़वालाक, “राब्‍बी, खेराङ दुरु नाम फेप्‍पा?”

जेपा 10:21

पेटो माला होदे मीक्‍याचारु सोरी ॱनेवालाक, “खेक्‍याई चागीन मीगो ङा हीन। खेराङक्‍या दुरु हुङगीन दो़न्‍दाक घी ले?”

जेपा 10:29

होझ्‍येरी ङाला लेन्‍दु झाङी घाङला, ङा दोक्‍पा घीन्‍दा माझ्‍येवा होवी। धा, ङाला घीझ्‍येरी खेराङगी केक तावो?”